บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[113] Cattarome bhikkhave bhadra assajaniya santo samvijjamana lokasmim katame cattaro idha bhikkhave ekacco bhadro assajaniyo patodacchayam disva samvijati 2- samvegam apajjati kinnu 3- kho mam ajja assadammasarathi karanam karessati kimassaham patikaromiti evarupopi bhikkhave idhekacco bhadro assajaniyo hoti ayam bhikkhave pathamo bhadro assajaniyo santo samvijjamano lokasmim. {113.1} Puna caparam bhikkhave idhekacco bhadro assajaniyo na heva kho patodacchayam disva samvijati samvegam apajjati apica kho lomavedhaviddho samvijati samvegam apajjati kinnu kho mam ajja assadammasarathi karanam karessati kimassaham patikaromiti evarupopi bhikkhave idhekacco @Footnote: 1 Ma. Yu. ajjavena. 2 Po. Ma. Yu. samvijjati. ito param idisameva. 3 Yu. kathamnu.--------------------------------------------------------------------------------------------- page154.
Bhadro assajaniyo hoti ayam bhikkhave dutiyo bhadro assajaniyo santo samvijjamano lokasmim. {113.2} Puna caparam bhikkhave idhekacco bhadro assajaniyo na heva kho patodacchayam disva samvijati samvegam apajjati napi lomavedhaviddho samvijati samvegam apajjati apica kho cammavedhaviddho samvijati samvegam apajjati kinnu kho mam ajja assadammasarathi karanam karessati kimassaham patikaromiti evarupopi bhikkhave idhekacco bhadro assajaniyo hoti ayam bhikkhave tatiyo bhadro assajaniyo santo samvijjamano lokasmim. {113.3} Puna caparam bhikkhave idhekacco bhadro assajaniyo na heva kho patodacchayam disva samvijati samvegam apajjati napi lomavedhaviddho samvijati samvegam apajjati napi cammavedhaviddho samvijati samvegam apajjati apica kho atthivedhaviddho samvijati samvegam apajjati kinnu kho mam ajja assadammasarathi karanam karessati kimassaham patikaromiti evarupopi bhikkhave idhekacco bhadro assajaniyo hoti ayam bhikkhave catuttho bhadro assajaniyo santo samvijjamano lokasmim . ime kho bhikkhave cattaro bhadra assajaniya santo samvijjamana lokasmim. {113.4} Evameva kho bhikkhave cattarome bhadra purisajaniya santo samvijjamana lokasmim katame cattaro idha bhikkhave ekacco bhadro purisajaniyo sunati amukasmim nama game va nigame va itthi va puriso va dukkhito va kalakato vati so tena samvijati samvegam apajjati samviggo yoniso padahati pahitatto--------------------------------------------------------------------------------------------- page155.
Kayena ceva paramasaccam sacchikaroti pannaya ca ativijjha passati seyyathapi so bhikkhave bhadro assajaniyo patodacchayam disva samvijati samvegam apajjati tathupamaham bhikkhave imam bhadram purisajaniyam vadami evarupopi bhikkhave idhekacco bhadro purisajaniyo hoti ayam bhikkhave pathamo bhadro purisajaniyo santo samvijjamano lokasmim. {113.5} Puna caparam bhikkhave idhekacco bhadro purisajaniyo na heva kho sunati amukasmim nama game va nigame va itthi va puriso va dukkhito va kalakato vati apica kho samam passati itthim va purisam va dukkhitam va kalakatam va so tena samvijati samvegam apajjati samviggo yoniso padahati pahitatto kayena ceva paramasaccam sacchikaroti pannaya ca ativijjha passati seyyathapi so bhikkhave bhadro assajaniyo lomavedhaviddho samvijati samvegam apajjati tathupamaham bhikkhave imam bhadram purisajaniyam vadami evarupopi bhikkhave idhekacco bhadro purisajaniyo hoti ayam bhikkhave dutiyo bhadro purisajaniyo santo samvijjamano lokasmim. {113.6} Puna caparam bhikkhave idhekacco bhadro purisajaniyo na heva kho sunati amukasmim nama game va nigame va itthi va puriso va dukkhito va kalakato vati napi samam passati itthim va purisam va dukkhitam va kalakatam va apica khvassa nati va salohito va dukkhito va hoti kalakato va so tena samvijati samvegam apajjati samviggo yoniso padahati pahitatto--------------------------------------------------------------------------------------------- page156.
Kayena ceva paramasaccam sacchikaroti pannaya ca ativijjha passati seyyathapi so bhikkhave bhadro assajaniyo cammavedhaviddho samvijati samvegam apajjati tathupamaham bhikkhave imam bhadram purisajaniyam vadami evarupopi bhikkhave idhekacco bhadro purisajaniyo hoti ayam bhikkhave tatiyo bhadro purisajaniyo santo samvijjamano lokasmim. {113.7} Puna caparam bhikkhave idhekacco bhadro purisajaniyo na heva kho sunati amukasmim nama game va nigame va itthi va puriso va dukkhito va kalakato vati napi samam passati itthim va purisam va dukkhitam va kalakatam va napissa nati va salohito va dukkhito va hoti kalakato va apica kho samanneva phuttho hoti saririkahi vedanahi dukkhahi tibbahi kharahi katukkahi asatahi amanapahi panaharahi so tena samvijati samvegam apajjati samviggo yoniso padahati pahitatto kayena ceva paramasaccam sacchikaroti pannaya ca ativijjha passati seyyathapi so bhikkhave bhadro assajaniyo atthivedhaviddho samvijati samvegam apajjati tathupamaham bhikkhave imam bhadram purisajaniyam vadami evarupopi bhikkhave idhekacco bhadro purisajaniyo hoti ayam bhikkhave catuttho bhadro purisajaniyo santo samvijjamano lokasmim . ime kho bhikkhave cattaro bhadra purisajaniya santo samvijjamana lokasminti.The Pali Tipitaka in Roman Character Volume 21 page 153-156. https://84000.org/tipitaka/read/roman_read.php?B=21&A=3252&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=21&A=3252&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=113&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=21&siri=112 Study Atthakatha :- https://84000.org/tipitaka/attha/attha.php?b=21&i=113 The Pali Atthakatha in Thai :- https://84000.org/tipitaka/atthapali/read_th.php?B=15&A=8561 The Pali Atthakatha in Roman :- https://84000.org/tipitaka/atthapali/read_rm.php?B=15&A=8561 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]