บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[85] Cattarome bhikkhave puggala santo samvijjamana lokasmim katame cattaro tamo tamaparayano tamo jotiparayano joti Tamaparayano joti jotiparayano. {85.1} Kathanca bhikkhave puggalo tamo hoti tamaparayano idha bhikkhave ekacco puggalo nicakule paccajato hoti candalakule va venakule va nesadakule va rathakarakule va pukkusakule va dalidde appannapanabhojane kasiravuttike yattha kasirena ghasacchado labbhati so ca hoti dubbanno duddasiko okotimako bahvabadho kano va kuni va khanjo va pakkhahato va nalabhi annassa panassa vatthassa yanassa malagandhavilepanassa seyyavasathapadipeyyassa so kayena duccaritam carati vacaya duccaritam carati manasa duccaritam carati so kayena duccaritam caritva vacaya duccaritam caritva manasa duccaritam caritva kayassa bheda parammarana apayam duggatim vinipatam nirayam upapajjati evam kho bhikkhave puggalo tamo hoti tamaparayano. {85.2} Kathanca bhikkhave puggalo tamo hoti jotiparayano idha bhikkhave ekacco puggalo nicakule paccajato hoti candalakule va venakule va nesadakule va rathakarakule va pukkusakule va dalidde appannapanabhojane kasiravuttike yattha kasirena ghasacchado labbhati so ca hoti dubbanno duddasiko okotimako bahvabadho kano va kuni va khanjo va pakkhahato va nalabhi annassa panassa vatthassa yanassa malagandhavilepanassa seyyavasathapadipeyyassa so kayena sucaritam carati vacaya sucaritam carati manasa sucaritam carati so kayena sucaritam caritva Vacaya sucaritam caritva manasa sucaritam caritva kayassa bheda parammarana sugatim saggam lokam upapajjati evam kho bhikkhave puggalo tamo hoti jotiparayano. {85.3} Kathanca bhikkhave puggalo joti hoti tamaparayano idha bhikkhave ekacco puggalo ucce kule paccajato hoti khattiyamahasalakule va brahmanamahasalakule va gahapatimahasalakule va addhe mahaddhane mahabhoge pahutajataruparajate pahutavittupakarane pahutadhanadhanne so ca hoti abhirupo dassaniyo pasadiko paramaya vannapokkharataya samannagato labhi annassa panassa vatthassa yanassa malagandhavilepanassa seyyavasathapadipeyyassa so kayena duccaritam carati vacaya duccaritam carati manasa duccaritam carati so kayena duccaritam caritva vacaya duccaritam caritva manasa duccaritam caritva kayassa bheda parammarana apayam duggatim vinipatam nirayam upapajjati evam kho bhikkhave puggalo joti hoti tamaparayano. {85.4} Kathanca bhikkhave puggalo joti hoti jotiparayano idha bhikkhave ekacco puggalo ucce kule paccajato hoti khattiyamahasalakule va brahmanamahasalakule va gahapatimahasalakule va addhe mahaddhane mahabhoge pahutajataruparajate pahutavittupakarane pahutadhanadhanne so ca hoti abhirupo dassaniyo pasadiko paramaya vannapokkharataya samannagato labhi annassa panassa vatthassa yanassa malagandhavilepanassa seyyavasathapadipeyyassa so kayena sucaritam Carati vacaya sucaritam carati manasa sucaritam carati so kayena sucaritam caritva vacaya sucaritam caritva manasa sucaritam caritva kayassa bheda parammarana sugatim saggam lokam upapajjati evam kho bhikkhave puggalo joti hoti jotiparayano . ime kho bhikkhave cattaro puggala santo samvijjamana lokasminti.The Pali Tipitaka in Roman Character Volume 21 page 109-112. https://84000.org/tipitaka/read/roman_read.php?B=21&A=2308&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=21&A=2308&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=85&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=21&siri=85 Study Atthakatha :- https://84000.org/tipitaka/attha/attha.php?b=21&i=85 The Pali Atthakatha in Thai :- https://84000.org/tipitaka/atthapali/read_th.php?B=15&A=8373 The Pali Atthakatha in Roman :- https://84000.org/tipitaka/atthapali/read_rm.php?B=15&A=8373 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]