PaliRoman Vol.20

[580] 141 Tayo ca bhikkhave assakhalunke desessami tayo ca purisakhalunke tam sunatha sadhukam manasikarotha bhasissamiti . evam bhanteti kho te bhikkhu bhagavato paccassosum . Bhagava etadavoca katame ca bhikkhave tayo assakhalunka idha bhikkhave ekacco assakhalunko javasampanno hoti na vannasampanno na arohaparinahasampanno idha pana bhikkhave ekacco assakhalunko javasampanno ca hoti vannasampanno ca na arohaparinahasampanno idha pana bhikkhave ekacco assakhalunko javasampanno ca hoti vannasampanno ca arohaparinahasampanno ca {580.1} ime kho bhikkhave tayo assakhalunka katame ca bhikkhave tayo purisakhalunka idha bhikkhave ekacco purisakhalunko javasampanno hoti na vannasampanno na arohaparinahasampanno idha pana bhikkhave ekacco purisakhalunko javasampanno ca hoti vannasampanno ca na arohaparinahasampanno idha pana bhikkhave ekacco Purisakhalunko javasampanno ca hoti vannasampanno ca arohaparinahasampanno ca kathanca bhikkhave purisakhalunko javasampanno hoti na vannasampanno na arohaparinahasampanno idha bhikkhave bhikkhu idam dukkhanti yathabhutam pajanati .pe. ayam dukkhanirodhagamini patipadati yathabhutam pajanati idamassa javasmim vadami abhidhamme kho pana abhivinaye panham puttho samsadeti no vissajjeti idamassa na vannasmim vadami na kho pana labhi hoti civarapindapatasenasanagilanapaccayabhesajjaparikkharanam idamassa na arohaparinahasmim vadami evam kho bhikkhave purisakhalunko javasampanno hoti na vannasampanno na arohaparinahasampanno {580.2} kathanca bhikkhave purisakhalunko javasampanno ca hoti vannasampanno ca na arohaparinahasampanno idha bhikkhave bhikkhu idam dukkhanti yathabhutam pajanati .pe. ayam dukkhanirodhagamini patipadati yathabhutam pajanati idamassa javasmim vadami abhidhamme kho pana abhivinaye panham puttho vissajjeti no samsadeti idamassa vannasmim vadami na kho pana labhi hoti civarapindapatasenasana- gilanapaccayabhesajjaparikkharanam idamassa na arohaparinahasmim vadami evam kho bhikkhave purisakhalunko khavasampanno ca hoti vannasampanno ca na arohaparinahasampanno {580.3} kathanca bhikkhave purisakhalunko javasampanno ca hoti vannasampanno ca arohaparinahasampanno ca idha bhikkhave bhikkhu idam dukkhanti yathabhutam paranati .pe. Ayam dukkhanirodhagamini patipadati yathabhutam pajanati idamassa javasmim vadami abhidhamme kho pana abhivinaye panham puttho vissajjeti no samsadeti idamassa vannasmim vadami labhi kho pana hoti civarapindapatasenasanagilanapaccayabhesajjaparikkharanam idamassa arohaparinahasmim vadami evam kho bhikkhave purisakhalunko javasampanno ca hoti vannasampanno ca arohaparinahasampanno ca ime kho bhikkhave tayo purisakhalunkati.

The Pali Tipitaka in Roman Character Volume 20 page 370-372. https://84000.org/tipitaka/read/roman_read.php?B=20&A=7837&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=7837&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=580&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=185 Study Atthakatha :- https://84000.org/tipitaka/attha/attha.php?b=20&i=580 The Pali Atthakatha in Thai :- https://84000.org/tipitaka/atthapali/read_th.php?B=15&A=6333 The Pali Atthakatha in Roman :- https://84000.org/tipitaka/atthapali/read_rm.php?B=15&A=6333 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20