PaliRoman Vol.20

[541] 102 Santi bhikkhave jatarupassa olarika upakkilesa @Footnote: ^1-3 Ma. Yu. evarupam. ² Ma. Yu. kathamrupam. Pamsuvalika ^1- sakkharakathala tamenam pamsudhovako va pamsudhovakantevasi va doniyam akiritva dhovati sandhovati niddhovati tasmim pahine tasmim byantikate santi jatarupassa majjhimasahagata upakkilesa sukhumasakkhara thullavalika ^2- tamenam pamsudhovako va pamsudhovakantevasi va dhovati sandhovati niddhovati tasmim pahine tasmim byantikate santi jatarupassa sukhumasahagata upakkilesa sukhumavalika kalijallika ^3- tamenam pamsudhovako va pamsudhovakantevasi va dhovati sandhovati niddhovati tasmim pahine tasmim bayantikate athaparam suvannasikatavasissanti . tamenam suvannakaro va suvannakarantevasi va jatarupam musayam ^4- pakkhipitva dhamati sandhamati niddhamati . tam hoti jatarupam adhantam asandhantam ^5- aniddhantam anihitam aninnitakasavam ^6- na ceva mudum hoti na ca kammaniyam na ca pabhassaram pabhangu ca na ca samma upeti kammaya . hoti so bhikkhave samayo yam so suvannakaro va suvannakarantevasi va tam jatarupam dhamati sandhamati niddhamati tam hoti jatarupam dhantam sandhantam niddhantam nihitam ninnitakasavam mudum ca hoti kammaniyanca pabhassaranca na ca pabhangu samma upeti kammaya yassa yassa ca pilandhanavikatiya akankhati yadi pattikaya yadi kundalaya yadi giveyyake ^7- yadi suvannamalaya tancassa attham anubhoti. {541.1} Evameva kho bhikkhave santi adhicittamanuyuttassa bhikkhuno olarika upakkilesa kayaduccaritam vaciduccaritam manoduccaritam tamenam sacetaso bhikkhu dabbajatiko pajahati @Footnote: ¹ Ma. pamsuvaluka. ² Ma. thulavaluka . ³ Ma. kalajallika. ⁴ musayam. ⁵ Yu. @dhantam sandhantam. ⁶ Ma. dhantam sandhantam niddhantam aniddhantakasavam. @⁷ Ma. giveyyakena. Vinodeti byantikaroti anabhavam gameti tasmim pahine tasmim byantikate santi adhicittamanuyuttassa bhikkhuno majjhimasahagata upakkilesa kamavitakko byapadavitakko vihimsavitakko tamenam sacetaso bhikkhu dabbajatiko pajahati vinodeti byantikaroti anabhavam gameti tasmim pahine tasmim byantikate santi adhicittamanuyuttassa bhikkhuno sukhumasahagata upakkilesa jativitakko janapadavitakko anavannattipatisamyutto vitakko tamenam sacetaso bhikkhu dabbajatiko pajahati vinodeti byantikaroti anabhavam gameti tasmim pahine tasmim byanatikate athaparam dhammavitakkavasissanti . ^1- so hoti samadhi na ceva santo nappanito nappatippassaddhaladdho ^3- na ekodibhavadhigato sasankharaniggayhavaritavato ^4-. {541.2} Hoti so bhikkhave samayo yantam cittam ajjhattamyeva santitthati sannisidati ekodibhavo ^5- hoti samadhiyati . so hoti samadhi santo panito patippassaddhaladdho ekodibhavadhigato na sasankharaniggayhavaritavato yassa yassa ca abhinnasacchikaraniyassa dhammassa cittam abhininnameti abhinnasacchikiriyaya tatra tatreva sakkhibhabbatam papunati sati sati ayatane so sace akankhati anekavihitam iddhividham paccanubhaveyyam ekopi hutva bahudha assam bahudhapi hutva eko assam avibhavam tirobhavam tirokuddam tiropakaram tiropabbatam asajjamano gaccheyyam seyyathapi akase pathaviyapi ummujjanimujjam kareyyam seyyathapi udake udakepi abhijjamane gaccheyyam seyyathapi pathaviyam akasepi pallankena @Footnote: ¹ Ma. dhammavitakkovasissati. Ma. na ca panito. ³ Ma. nappatippassaddhiladdho. @⁴ Ma. sasankharaniggayhavaritagato . ⁵ Ma. Yu. ekodi. Kameyyam seyyathapi pakkhisakuno imepi candimasuriye evam mahiddhike evammahanubhave panina parimaseyyam parimajjeyyam yava brahmalokapi kayena vasam vatteyyanti tatra tatreva sakkhibhabbatam papunati sati sati ayatane. {541.3} So sace akankhati dibbaya sotadhatuya visuddhaya atikkantamanusikaya ubho sadde suneyyam dibbe ca manuse ca ye dure santike cati ^1- tatra tatreva sakkhibhabbatam papunati sati sati ayatane . so sace akankhati parasattanam parapuggalanam cetasa ceto paricca pajaneyyam saragam va cittam saragam cittanti pajaneyyam vitaragam va cittam vitaragam cittanti pajaneyyam sadosam va cittam sadosam cittanti pajaneyyam vitadosam va cittam vitadosam cittanti pajaneyyam samoham va cittam samoham cittanti pajaneyyam vitamoham va cittam vitamoham cittanti pajaneyyam sankhittam va cittam sankhittam cittanti pajaneyyam vikkhittam va cittam vikkhittam cittanti pajaneyyam mahaggatam va cittam mahaggatam cittanti pajaneyyam amahaggatam va cittam amahaggatam cittanti pajaneyyam sauttaram va cittam sauttaram cittanti pajaneyyam anuttaram va cittam anuttaram cittanti pajaneyyam samahitam va cittam samahitam cittanti pajaneyyam asamahitam va cittam asamahitam cittanti pajaneyyam vimuttam va cittam vimuttam cittanti pajaneyyam avimuttam va cittam avimuttam cittanti pajaneyyanti tatra tatreva sakkhibhabbatam papunati sati sati ayatane. @Footnote: ¹ Yu. dure va santike vati. {541.4} So sace akankhati anekavihitam pubbenivasam anussareyyam seyyathidam ekampi jatim dvepi jatiyo tissopi jatiyo catassopi jatiyo pancapi jatiyo dasampi jatiyo visampi jatiyo timsampi jatiyo cattalisampi jatiyo pannasampi jatiyo jatisatampi jatisahassampi jatisatasahassampi anekepi samvattakappe anekepi vivattakappe anekepi samvattavivattakappe amutrasim evamnamo evamgotto evamvanno evamaharo evamsukhadukkhapatisamvedi evamayupariyanto so tato cuto amutra udapadi tatrapasim evamnamo evamgotto evamvanno evamaharo evamsukhadukkhapatisamvedi evamayupariyanto so tato cuto idhupapannoti iti sakaram sauddesam anekavihitam pubbenivasam anussareyyanti tatra tatreva sakkhibhabbatam papunati sati sati ayatane. {541.5} So sace akankhati dibbena cakkhuna visuddhena atikkantamanusakena satte passeyyam cavamane upapajjamane hine panite suvanne dubbanne sugate duggate yathakammupage satte pajaneyyam ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana te kayassa bheda parammarana apayam duggatim vinipatam nirayam upapanna ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana te kayassa Bheda parammarana sugatim saggam lokam upapannati iti dibbena cakkhuna visuddhena atikkantamanusakena satte passeyyam cavamane upapajjamane hine panite suvanne dubbanne sugate duggate yathakammupage satte pajaneyyanti tatra tatreva sakkhibhabbatam papunati sati sati ayatane. {541.6} So sace akankhati asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja vihareyyanti tatra tatreva sakkhibhabbatam papunati sati sati ayataneti.

The Pali Tipitaka in Roman Character Volume 20 page 324-329. https://84000.org/tipitaka/read/roman_read.php?B=20&A=6856&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=6856&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=541&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=146 Study Atthakatha :- https://84000.org/tipitaka/attha/attha.php?b=20&i=541 The Pali Atthakatha in Thai :- https://84000.org/tipitaka/atthapali/read_th.php?B=15&A=5892 The Pali Atthakatha in Roman :- https://84000.org/tipitaka/atthapali/read_rm.php?B=15&A=5892 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20