PaliRoman Vol.20

[533] 94 Tinimani bhikkhave annatitthiya paribbajaka pavivekani pannapenti katamani tini civarapavivekam pindapatapavivekam senasanapavivekam . tatridam bhikkhave annatitthiya paribbajaka civarapavivekasmim pannapenti sananipi dharenti masananipi dharenti chavadussanipi dharenti pamsukulanipi dharenti tiritakanipi dharenti ajinanipi ^1- dharenti ajinakkhipampi dharenti kusacirampi dharenti vakacirampi dharenti phalakacirampi dharenti kesakambalampi dharenti valakambalampi dharenti ulukapakkhampi dharenti idam kho bhikkhave annatitthiya paribbajaka civarapavivekasmim pannapenti. {533.1} Tatridam bhikkhave annatitthiya paribbajaka pindapata- pavivekasmim pannapenti sakabhakkhapi honti samakabhakkhapi honti nivarabhakkhapi honti daddulabhakkhapi honti hatabhakkhapi honti kanabhakkhapi honti acamabhakkhapi honti pinnakabhakkhapi honti tinabhakkhapi honti gomayabhakkhapi honti vanamulaphalahara yapenti pavattaphalabhoji idam kho bhikkhave annatitthiya paribbajaka pindapatapavivekasmim pannapenti . tatridam bhikkhave annatitthiya paribbajaka senasanapavivekasmim pannapenti arannam rukkhamulam susanam vanapattham abbhokasam palalapunjam bhusagaram idam kho bhikkhave annatitthiya paribbajaka senasanapavivekasmim pannapenti . imani kho bhikkhave @Footnote: ¹ Ma. ajinampi. Tini annatitthiya paribbajaka pavivekani pannapenti. {533.2} Tini kho panimani bhikkhave imasmim dhammavinaye bhikkhuno pavivekani katamani tini idha bhikkhave bhikkhu silava ca hoti dussilancassa pahinam hoti tena ca vivitto hoti sammaditthiko ca hoti micchaditthi cassa pahina hoti taya ca vivitto hoti khinasavo ca hoti asava cassa pahina honti tehi ca vivitto hoti . yato kho bhikkhave bhikkhu silava hoti dussilancassa pahinam hoti tena ca vivitto hoti sammaditthiko ca hoti micchaditthi cassa pahina hoti taya ca vivitto hoti khinasavo ca hoti asava cassa pahina honti tehi ca vivitto hoti ayam vuccati bhikkhave bhikkhu aggappatto sarappatto suddho sare patitthito. {533.3} Seyyathapi bhikkhave kassakassa gahapatikassa sampannam salikhettam tamenam kassako gahapati sighasigham vapapeyya , sighasigham vapapetva sighasigham sangharapeyya sighasigham sangharapetva sighasigham ubbahapeyya sighasigham ubbahapetva sighasigham punjam karapeyya sighasigham punjam karapetva sighasigham maddapeyya sighasigham maddapetva sighasigham palalani uddharapeyya sighasigham palalani uddharapetva sighasigham bhusikam uddharapeyya sighasigham bhusikam uddharapetva sighasigham ophunapeyya sighasigham ophunapetva sighasigham atiharapeyya sighasigham atiharapetva Sighasigham kottapeyya sighasigham kottapetva sighasigham phusani ^1- uddharapeyya evamassu tassa ^2- bhikkhave kassakassa gahapatissa tani dhannani aggappattani sarappattani suddhani sare patitthitani evameva kho bhikkhave bhikkhu silava ca hoti dussilancassa pahinam hoti tena ca vivitto hoti sammaditthiko ca hoti micchaditthi cassa pahina hoti taya ca vivitto hoti khinasavo ca hoti asava cassa pahina honti tehi ca vivitto hoti ayam vuccati bhikkhave bhikkhu aggappatto sarappatto suddho sare patitthitoti.

The Pali Tipitaka in Roman Character Volume 20 page 310-312. https://84000.org/tipitaka/read/roman_read.php?B=20&A=6536&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=6536&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=533&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=138 Study Atthakatha :- https://84000.org/tipitaka/attha/attha.php?b=20&i=533 The Pali Atthakatha in Thai :- https://84000.org/tipitaka/atthapali/read_th.php?B=15&A=5742 The Pali Atthakatha in Roman :- https://84000.org/tipitaka/atthapali/read_rm.php?B=15&A=5742 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20