บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[520] 81 Athakho ayasma anando yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma anando bhagavantam etadavoca sammukha metam bhante bhagavato sutam sammukha patiggahitam bhagavato ananda sikhissa abhibhu nama savako brahmaloke thito sahassilokadhatum sarena vinnapesiti bhagava pana bhante araham sammasambuddho kivatakam pahoti @Footnote: 1 Yu. devatapissa amanussa.--------------------------------------------------------------------------------------------- page292.
Sarena vinnapetunti . savako so ananda appameyya tathagatati. Dutiyampi kho ayasma anando bhagavantam etadavoca sammukha metam bhante bhagavato sutam sammukha patiggahitam bhagavato ananda sikhissa abhibhu nama savako brahmaloke thito sahassilokadhatum sarena vinnapesiti bhagava pana bhante araham sammasambuddho kivatakam pahoti sarena vinnapetunti . savako so ananda appameyya tathagatati . tatiyampi kho ayasma anando bhagavantam etadavoca sammukha metam bhante bhagavato sutam sammukha patiggahitam bhagavato ananda sikhissa abhibhu nama savako brahmaloke thito sahassilokadhatum sarena vinnapesiti bhagava pana bhante araham sammasambuddho kivatakam pahoti sarena vinnapetunti. {520.1} Suta te ananda sahassi culanika lokadhatuti . Etassa bhagava kalo etassa sugata kalo yam bhagava bhaseyya bhagavato sutva bhikkhu dharessantiti . tenahananda sunahi sadhukam manasikarohi bhasissamiti . evam bhanteti kho ayasma anando bhagavato paccassosi . bhagava etadavoca yavatananda candimasuriya pariharanti disa bhanti virocana tava sahassadha loko tasmim 1- sahassam candanam sahassam suriyanam sahassam sinerupabbatarajanam sahassam jambudipanam sahassam aparagoyanam 2- sahassam uttarakurunam sahassam pubbavidehanam cattari mahasamuddasahassani cattari maharajasahassani sahassam catummaharajikanam sahassam @Footnote: 1 Po. Ma. tasmim sahassadha loke sahassam candanam. 2 Ma. Yu. aparagoyananam.--------------------------------------------------------------------------------------------- page293.
Tavatimsanam sahassam yamanam sahassam tusitanam sahassam nimmanaratinam sahassam paranimmitavasavattinam sahassam brahmalokanam ayam vuccatananda sahassi culanika lokadhatu yavatananda sahassi culanika lokadhatu tava sahassadha loko ayam vuccatananda dvisahassi majjhimika lokadhatu yavatananda dvisahassi majjhimika lokadhatu tava sahassadha loko ayam vuccatananda tisahassi mahasahassi lokadhatu akankhamano ananda tathagato tisahassim mahasahassim lokadhatum sarena vinnapeyya yavata va 1- pana akankheyyati. {520.2} Yathakatham pana bhante bhagava tisahassim mahasahassim lokadhatum sarena vinnapeyya yavata va pana akankheyyati . Idhananda tathagato tisahassim mahasahassim lokadhatum obhasena phareyya yada te satta tam alokam sanjaneyyum atha tathagato ghosam kareyya saddamanussaveyya evam kho ananda tathagato tisahassim mahasahassim lokadhatum sarena vinnapeyya yavata va pana akankheyyati . evam vutte ayasma anando ayasmantam udayim etadavoca labha vata me suladdham vata me yassa me sattha evammahiddhiko evam mahanubhavoti . evam vutte ayasma udayi ayasmantam anandam etadavoca kim tuyhettha avuso ananda yadi te sattha evammahiddhiko evammahanubhavoti . evam vutte bhagava ayasmantam udayim etadavoca mahevam udayi sacevam udayi anando avitarago kalam kareyya tena cittappasadena sattakkhattum devesu devarajjam kareyya @Footnote: 1 Ma. Yu. vasaddo natthi.--------------------------------------------------------------------------------------------- page294.
Sattakkhattum imasmimyeva jambudipe maharajjam kareyya apica udayi anando dittheva dhamme parinibbayissatiti. Anandavaggo tatiyo. Tassuddanam channo ajivako sakko nigantha samadapako navapi ca tatha bhavo silabbata gandha ca culaniti. ---------The Pali Tipitaka in Roman Character Volume 20 page 291-294. https://84000.org/tipitaka/read/roman_read.php?B=20&A=6145&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=6145&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=520&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=125 Study Atthakatha :- https://84000.org/tipitaka/attha/attha.php?b=20&i=520 The Pali Atthakatha in Thai :- https://84000.org/tipitaka/atthapali/read_th.php?B=15&A=5339 The Pali Atthakatha in Roman :- https://84000.org/tipitaka/atthapali/read_rm.php?B=15&A=5339 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]