|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 20 : PALI ROMAN Sutta Pitaka Vol 12 : Sutta. Aṅ. (1): eka-duka-tikanipātā
[510] 71 Ekam samayam bhagava savatthiyam viharati pubbarame migaramatupasade . athakho visakha migaramata tadahuposathe yena bhagava tenupasankami upasankamitva bhagavantam abhivadetva ekamantam nisidi ekamantam nisinnam kho visakham migaramataram bhagava etadavoca handa kuto nu tvam visakhe agacchasi diva divassati . uposathaham bhante ajja upavasamiti. {510.1} Tayome 1- visakhe uposatha katame tayo gopalakuposatho niganthuposatho ariyuposatho . kathanca visakhe gopalakuposatho hoti seyyathapi visakhe gopalako sayanhasamaye samikanam gavo niyyadetva iti patisancikkhati ajja kho gavo amusminca amusminca padese carimsu amusminca amusminca padese paniyani pivimsu 2- svedani gavo amusminca amusminca padese carissanti amusminca amusminca padese paniyani pivissantiti @Footnote: 1 Po. Ma. Yu. tayo kho me . 2 Yu. apamsu. Evameva kho visakhe idhekacco uposathiko iti patisancikkhati aham khvajja idancidanca khadaniyam khadim idancidanca bhojaniyam bhunjim svedanaham idancidanca khadaniyam khadissami idancidanca bhojaniyam bhunjissamiti so tena lobhena 1- abhijjhasahagatena cetasa divasam atinameti evam kho visakhe gopalakuposatho hoti evam upavuttho kho visakhe gopalakuposatho na mahapphalo hoti na mahanisamso na mahajutiko na mahavippharo. {510.2} Kathanca visakhe niganthuposatho hoti atthi visakhe nigantha nama samanajatika te savakam evam samadapenti ehi tvam ambho purisa ye puratthimaya disaya pana paramyojanasatam tesu dandam nikkhipahi ye pacchimaya disaya pana paramyojanasatam tesu dandam nikkhipahi ye uttaraya disaya pana paramyojanasatam tesu dandam nikkhipahi ye dakkhinaya disaya pana paramyojanasatam tesu dandam nikkhipahiti iti ekaccanam pananam anuddayaya anukampaya samadapenti ekaccanam pananam nanuddayaya nanukampaya samadapenti te tadahuposathe savakam evam samadapenti ehi tvam ambho purisa sabbacelani nikkhipitva evam vadehi naham kvacini 2- kassaci kincanam 3- tasmim na ca mama kvacini kisminci 4- kincanatthiti 5- jananti kho panassa matapitaro ayam amhakam puttoti sopi janati ime mayham matapitaroti janati kho panassa @Footnote: 1 Po. Ma. ayam patho natthi. 2 Ma. kvacani. Yu. kuvaci . 3 Ma. kincanatasmim. @4 Ma. kvacani katthaci kincanatatthiti . 5 Yu. mama kvaci kassaci kincanam natthiti. Puttadaro ayam mayham bhattati sopi janati ayam mayham puttadaroti jananti kho panassa dasakammakaraporisa ayam amhakam ayyoti sopi janati ime mayham dasakammakaraporisati iti yasmim samaye sacce 1- samadapetabba musavade tasmim samaye samadapeti 2- idamassa musavadasmim vadami so tassa rattiya accayena te bhoge adinnamyeva paribhunjati idamassa adinnadanasmim vadami evam kho visakhe niganthuposatho hoti evam upavuttho kho visakhe niganthuposatho na mahapphalo hoti na mahanisamso na mahajutiko na mahavippharo. {510.3} Kathanca visakhe ariyuposatho hoti upakkilitthassa visakhe cittassa upakkamena pariyodapana hoti kathanca visakhe upakkilitthassa cittassa upakkamena pariyodapana hoti idha visakhe ariyasavako tathagatam anussarati itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagavati tassa tathagatam anussarato cittam pasidati pamujjam uppajjati ye cittassa upakkilesa te pahiyanti seyyathapi visakhe upakkilitthassa sisassa upakkamena pariyodapana hoti kathanca visakhe upakkilitthassa sisassa upakkamena pariyodapana hoti kakkanca paticca mattikanca paticca udakanca paticca purisassa ca tajjam vayamam paticca evam kho visakhe upakkilitthassa sisassa upakkamena pariyodapana hoti evameva @Footnote: 1 Yu. sabbe . 2 Ma. Yu. samadapenti. Kho visakhe upakkilitthassa cittassa upakkamena pariyodapana hoti {510.4} kathanca visakhe upakkilitthassa cittassa upakkamena pariyodapana hoti idha visakhe ariyasavako tathagatam anussarati itipi so bhagava .pe. buddho bhagavati tassa tathagatam anussarato cittam pasidati pamujjam 1- uppajjati ye cittassa upakkilesa te pahiyanti ayam vuccati visakhe ariyasavako brahmuposatham upavasati brahmuna saddhim samvasati brahmancassa arabbha cittam pasidati pamujjam uppajjati 1- ye cittassa upakkilesa te pahiyanti evam kho visakhe upakkilitthassa cittassa upakkamena pariyodapana hoti. {510.5} Upakkilitthassa visakhe cittassa upakkamena pariyodapana hoti kathanca visakhe upakkilitthassa cittassa upakkamena pariyodapana hoti idha visakhe ariyasavako dhammam anussarati svakkhato bhagavata dhammo sanditthiko akaliko ehipassiko opanayiko 2- paccattam veditabbo vinnuhiti tassa dhammam anussarato cittam pasidati pamujjam uppajjati ye cittassa upakkilesa te pahiyanti seyyathapi visakhe upakkilitthassa kayassa upakkamena pariyodapana hoti kathanca visakhe upakkilitthassa kayassa upakkamena pariyodapana hoti sottinca paticca cunnanca paticca udakanca paticca purisassa ca tajjam vayamam paticca evam kho visakhe upakkilitthassa kayassa upakkamena pariyodapana hoti evameva kho visakhe upakkilitthassa @Footnote: 1 Po. Ma. pamojjam. ito param idisameva . 2 Ma. opaneyyiko. Cittassa upakkamena pariyodapana hoti kathanca visakhe upakkilitthassa cittassa upakkamena pariyodapana hoti idha visakhe ariyasavako dhammam anussarati svakkhato bhagavata dhammo .pe. veditabbo vinnuhiti tassa dhammam anussarato cittam pasidati pamujjam uppajjati ye cittassa upakkilesa te pahiyanti ayam vuccati visakhe ariyasavako dhammuposatham upavasati dhammena saddhim samvasati dhammancassa arabbha cittam pasidati pamujjam uppajjati ye cittassa upakkilesa te pahiyanti evam kho visakhe upakkilitthassa cittassa upakkamena pariyodapana hoti. {510.6} Upakkilitthassa visakhe cittassa upakkamena pariyodapana hoti kathanca visakhe upakkilitthassa cittassa upakkamena pariyodapana hoti idha visakhe ariyasavako sangham anussarati supatipanno bhagavato savakasangho ujupatipanno bhagavato savakasangho nayapatipanno bhagavato savakasangho samicipatipanno bhagavato savakasangho yadidam cattari purisayugani attha purisapuggala esa bhagavato savakasangho ahuneyyo pahuneyyo dakkhineyyo anjalikaraniyo anuttaram punnakkhettam lokassati tassa sangham anussarato cittam pasidati pamujjam uppajjati ye cittassa upakkilesa te pahiyanti seyyathapi visakhe upakkilitthassa vatthassa upakkamena pariyodapana hoti kathanca visakhe upakkilitthassa vatthassa upakkamena pariyodapana hoti usanca 1- paticca kharanca paticca @Footnote: 1 Po. osanca. Ma. usamanca. Gomayanca paticca udakanca paticca purisassa ca tajjam vayamam paticca evam kho visakhe upakkilitthassa vatthassa upakkamena pariyodapana hoti evameva kho visakhe upakkilitthassa cittassa upakkamena pariyodapana hoti kathanca visakhe upakkilitthassa cittassa upakkamena pariyodapana hoti idha visakhe ariyasavako sangham anussarati supatipanno bhagavato savakasangho ... anuttaram punnakkhettam lokassati tassa sangham anussarato cittam pasidati pamujjam uppajjati ye cittassa upakkilesa te pahiyanti ayam vuccati visakhe ariyasavako sanghuposatham upavasati sanghena saddhim samvasati sanghancassa arabbha cittam pasidati pamujjam uppajjati ye cittassa upakkilesa te pahiyanti evam kho visakhe upakkilitthassa cittassa upakkamena pariyodapana hoti. {510.7} Upakkilitthassa visakhe cittassa upakkamena pariyodapana hoti kathanca visakhe upakkilitthassa cittassa upakkamena pariyodapana hoti idha visakhe ariyasavako attano silani anussarati akhandani acchiddani asabalani akammasani bhujissani vinnuppasatthani aparamatthani samadhisamvattanikani tassa silam anussarato cittam pasidati pamujjam uppajjati ye cittassa upakkilesa te pahiyanti seyyathapi visakhe upakkilitthassa adasassa upakkamena pariyodapana hoti kathanca visakhe upakkilitthassa adasassa upakkamena pariyodapana hoti telanca Paticca charikanca paticca valandukanca paticca purisassa ca tajjam vayamam paticca evam kho visakhe upakkilitthassa adasassa upakkamena pariyodapana hoti evameva kho visakhe upakkilitthassa cittassa upakkamena pariyodapana hoti kathanca visakhe upakkilitthassa cittassa upakkamena pariyodapana hoti idha visakhe ariyasavako attano silani anussarati akhandani acchiddani ... samadhisamvattanikani tassa silam anussarato cittam pasidati pamujjam uppajjati ye cittassa upakkilesa te pahiyanti ayam vuccati visakhe ariyasavako siluposatham upavasati silena saddhim samvasati silancassa arabbha cittam pasidati pamujjam uppajjati ye cittassa upakkilesa te pahiyanti evam kho visakhe upakkilitthassa cittassa upakkamena pariyodapana hoti. {510.8} Upakkilitthassa visakhe cittassa upakkamena pariyodapana hoti kathanca visakhe upakkilitthassa cittassa upakkamena pariyodapana hoti idha visakhe ariyasavako devata anussarati santi deva catummaharajika santi deva tavatimsa santi deva yama santi deva tusita santi deva nimmanaratino santi deva paranimmitavasavattino santi deva brahmakayika santi deva taduttari 1- yatharupaya saddhaya samannagata ta devata ito cuta tatthupapanna mayhampi tatharupa saddha samvijjati yatharupena silena samannagata ta devata ito cuta tatthupapanna mayhampi tatharupam @Footnote: 1 Ma. tatuttari. Yu. tatuttarim. Silam samvijjati yatharupena sutena samannagata ta devata ito cuta tatthupapanna mayhampi tatharupam sutam samvijjati yatharupena cagena samannagata ta devata ito cuta tatthupapanna mayhampi tatharupo cago samvijjati yatharupaya pannaya samannagata ta devata ito cuta tatthupapanna mayhampi tatharupa panna samvijjatiti tassa attano ca tasanca devatanam saddhanca silanca sutanca caganca pannanca anussarato cittam pasidati pamujjam uppajjati ye cittassa upakkilesa te pahiyanti seyyathapi visakhe upakkilitthassa jatarupassa upakkamena pariyodapana hoti kathanca visakhe upakkilitthassa jatarupassa upakkamena pariyodapana hoti ukkanca paticca lonanca paticca gerunca paticca nalisandasanca paticca purisassa ca tajjam vayamam paticca evam kho visakhe upakkilitthassa jatarupassa upakkamena pariyodapana hoti {510.9} evameva kho visakhe upakkilitthassa cittassa upakkamena pariyodapana hoti kathanca visakhe upakkilitthassa cittassa upakkamena pariyodapana hoti idha visakhe ariyasavako devata anussarati santi deva catummaharajika santi deva tavatimsa .pe. Santi deva brahmakayika santi deva taduttari yatharupaya saddhaya samannagata ta devata ito cuta tatthupapanna mayhampi tatharupa saddha samvijjati yatharupena silena ... Sutena ... cagena ... pannaya samannagata ta devata ito Cuta tatthupapanna mayhampi tatharupa panna samvijjatiti tassa attano ca tasanca devatanam saddhanca silanca sutanca caganca pannanca anussarato cittam pasidati pamujjam uppajjati ye cittassa upakkilesa te pahiyanti ayam vuccati visakhe ariyasavako devatuposatham upavasati devatahi saddhim samvasati devata cassa arabbha cittam pasidati pamujjam uppajjati ye cittassa upakkilesa te pahiyanti evam kho visakhe upakkilitthassa cittassa upakkamena pariyodapana hoti. {510.10} Sa kho so visakhe ariyasavako iti patisancikkhati yavajivam arahanto panatipatam pahaya panatipata pativirata nihitadanda nihitasattha lajji dayapanna sabbapanabhutahitanukampi viharanti ahampajja imanca rattim imanca divasam panatipatam pahaya panatipata pativirato nihitadando nihitasattho lajji dayapanno sabbapanabhutahitanukampi viharami iminapi angena arahatam anukaromi uposatho ca me upavuttho bhavissati. {510.11} Yavajivam arahanto adinnadanam pahaya adinnadana pativirata dinnadayi dinnapatikankhi athenena sucibhutena attana viharanti ahampajja imanca rattim imanca divasam adinnadanam pahaya adinnadana pativirato dinnadayi dinnapatikankhi athenena sucibhutena attana viharami iminapi angena arahatam anukaromi uposatho ca me upavuttho bhavissati. {510.12} Yajivam arahanto abrahmacariyam pahaya brahmacari aracari 1- virata methuna gamadhamma @Footnote: 1 Yu. anacari. Ahampajja imanca rattim imanca divasam abrahmacariyam pahaya brahmacari aracari virato methuna gamadhamma iminapi angena arahatam anukaromi uposatho ca me upavuttho bhavissati. {510.13} Yavajivam arahanto musavadam pahaya musavada pativirata saccavadi saccasandha theta paccayika avisamvadaka lokassa ahampajja imanca rattim imanca divasam musavadam pahaya musavada pativirato saccavadi saccasandho theto paccayiko avisamvadako lokassa iminapi angena arahatam anukaromi uposatho ca me upavuttho bhavissati. {510.14} Yavajivam arahanto suramerayamajjapamadatthanam pahaya suramerayamajjapamadatthana pativirata ahampajja imanca rattim imanca divasam suramerayamajjapamadatthanam pahaya suramerayamajjapamadatthana pativirato iminapi angena arahatam anukaromi uposatho ca me upavuttho bhavissati. {510.15} Yavajivam arahanto ekabhattika rattuparata virata vikalabhojana ahampajja imanca rattim imanca divasam ekabhattiko rattuparato virato vikalabhojana iminapi angena arahatam anukaromi uposatho ca me upavuttho bhavissati. {510.16} Yavajivam arahanto naccagitavaditavisukadassana malagandhavilepanadharanamandanavibhusanatthana pativirata ahampajja imanca rattim imanca divasam naccagitavaditavisukadassana malagandhavilepanadharanamandanavibhusanatthana pativirato iminapi angena arahatam anukaromi uposatho ca me upavuttho bhavissati. {510.17} Yavajivam arahanto uccasayanamahasayanam pahaya uccasayanamahasayana pativirata Nicaseyyam kappenti mancake va tinasantharake va ahampajja imanca rattim imanca divasam uccasayanamahasayanam pahaya uccasayanamahasayana pativirato nicaseyyam kappemi mancake va tinasantharake va iminapi angena arahatam anukaromi uposatho ca me upavuttho bhavissatiti. {510.18} Evam kho visakhe ariyuposatho hoti evam upavuttho kho visakhe ariyuposatho mahapphalo hoti mahanisamso mahajutiko mahavippharo kivamahapphalo hoti kivamahanisamso kivamahajutiko kivamahavippharo seyyathapi visakhe yo imesam solasannam mahajanapadanam pahutasattaratananam 1- issariyadhipaccam 2- rajjam kareyya seyyathidam anganam magadhanam kasinam kosalanam vajjinam mallanam cetinam vamsanam kurunam pancalanam macchanam surasenanam assakanam avantinam gandharanam kambojanam atthangasamannagatassa uposathassa etam 3- kalam nagghati solasim tam kissa hetu kapanam visakhe manusakam rajjam dibbam sukham upanidhaya yani visakhe manusakani pannasa vassani catummaharajikanam devanam eso eko rattindivo taya rattiya timsarattiyo maso tena masena dvadasamasiyo samvaccharo tena samvaccharena dibbani panca vassasatani catummaharajikanam devanam ayuppamanam thanam kho panetam visakhe vijjati yam idhekacco itthi va puriso va atthangasamannagatam uposatham upavasitva kayassa bheda parammarana catummaharajikanam @Footnote: 1 Yu. pahutamahasattaratananam . 2 Yu. issaradhipaccam . 3 Yu. ekam kalam. Devanam sahabyatam upapajjeyya idam kho panetam visakhe sandhaya bhasitam kapanam manusakam rajjam dibbam sukham upanidhaya. {510.19} Yam visakhe manusakam vassasatam tavatimsanam devanam eso eko rattindivo taya rattiya timsarattiyo maso tena masena dvadasamasiyo samvaccharo tena samvaccharena dibbam vassasahassam tavatimsanam devanam ayuppamanam thanam kho panetam visakhe vijjati yam idhekacco itthi va puriso va atthangasamannagatam uposatham upavasitva kayassa bheda parammarana tavatimsanam devanam sahabyatam upapajjeyya idam kho panetam visakhe sandhaya bhasitam kapanam manusakam rajjam dibbam sukham upanidhaya. {510.20} Yani visakhe manusakani dve vassasatani yamanam devanam eso eko rattindivo taya rattiya timsarattiyo maso tena masena dvadasamasiyo samvaccharo tena samvaccharena dibbani dve vassasahassani yamanam devanam ayuppamanam thanam kho panetam visakhe vijjati yam idhekacco itthi va puriso va atthangasamannagatam uposatham upavasitva kayassa bheda parammarana yamanam devanam sahabyatam upapajjeyya idam kho panetam visakhe sandhaya bhasitam kapanam manusakam rajjam dibbam sukham upanidhaya . yani visakhe manusakani cattari vassasatani tusitanam devanam eso eko rattindivo taya rattiya timsarattiyo maso tena masena dvadasamasiyo samvaccharo tena samvaccharena dibbani cattari vassasahassani tusitanam devanam ayuppamanam thanam Kho panetam visakhe vijjati yam idhekacco itthi va puriso va atthangasamannagatam uposatham upavasitva kayassa bheda parammarana tusitanam devanam sahabyatam upapajjeyya idam kho panetam visakhe sandhaya bhasitam kapanam manusakam rajjam dibbam sukham upanidhaya. {510.21} Yani visakhe manusakani attha vassasatani nimmanaratinam devanam eso eko rattindivo taya rattiya timsarattiyo maso tena masena dvadasamasiyo samvaccharo tena samvaccharena dibbani attha vassasahassani nimmanaratinam devanam ayuppamanam thanam kho panetam visakhe vijjati yam idhekacco itthi va puriso va atthangasamannagatam uposatham upavasitva kayassa bheda parammarana nimmanaratinam devanam sahabyatam upapajjeyya idam kho panetam visakhe sandhaya bhasitam kapanam manusakam rajjam dibbam sukham upanidhaya. {510.22} Yani visakhe manusakani solasa vassasatani paranimmitavasavattinam devanam eso eko rattindivo taya rattiya timsarattiyo maso tena masena dvadasamasiyo samvaccharo tena samvaccharena dibbani solasa vassasahassani paranimmitavasavattinam devanam ayuppamanam thanam kho panetam visakhe vijjati yam idhekacco itthi va puriso va atthangasamannagatam uposatham upavasitva kayassa bheda parammarana paranimmitavasavattinam devanam sahabyatam upapajjeyya idam kho panetam visakhe sandhaya bhasitam kapanam manusakam rajjam dibbam sukham upanidhayati. Panam na hanne 1- na cadinnamadiye musa na bhase na ca majjapo siya abrahmacara 2- virameyya methuna rattim na bhunjeyya vikalabhojanam malam na dhare 3- na ca gandhamacare mance chamayamva sayetha santhate etanhi atthangikamahuposatham buddhena dukkhantaguna pakasitam. Cando ca suro 4- ca ubho sudassana obhasayanta 5- anuyanti yavata tamonuda te pana antalikkhaga nabhe pabhasanti disavirocana etamhi yam vijjati antare dhanam mutta 6- mani veluriyanca bhaddakam singisuvannam athavapi kancanam 7- yam jatarupam hatakanti vuccati atthangupetassa uposathassa kallampi te nanubhavanti solasim candappabha taragana ca sabbe tasma hi nari ca naro ca silava @Footnote: 1 Po. hane. Yu. hane. 2 Po. Ma. Yu. abrahmacariya. 3 Yu. dharaye. @4 Po. Ma. Yu. suriyo. 5 Po. Ma. Yu. obhasayam anupariyante. 6 Yu. muttam manim ... @7 Po. Ma. Yu. kancanam. Atthangupetam upavassuposatham punnani katvana sukhudrayani anindita saggamupenti thananti. Mahavaggo dutiyo. Tassuddanam titthabhayanca venago sarabho kesaputtiyo salho capi kathavatthu titthiya muluposathoti. ---------The Pali Tipitaka in Roman Character Volume 20 page 263-277. https://84000.org/tipitaka/read/roman_read.php?B=20&A=5538&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=5538&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=510&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=115 Study Atthakatha :- https://84000.org/tipitaka/attha/attha.php?b=20&i=510 The Pali Atthakatha in Thai :- https://84000.org/tipitaka/atthapali/read_th.php?B=15&A=4998 The Pali Atthakatha in Roman :- https://84000.org/tipitaka/atthapali/read_rm.php?B=15&A=4998 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]