PaliRoman Vol.20

[502] 63 Tinimani bhikkhave amataputtikani bhayaniti assutava puthujjano bhasati katamani tini hoti so bhikkhave samayo yam mahaaggidaho vutthati mahaaggidahe kho pana bhikkhave vutthite tena gamapi dayhanti nigamapi dayhanti nagarapi dayhanti gamesupi dayhamanesu nigamesupi dayhamanesu nagaresupi dayhamanesu tattha matapi puttam na patilabhati puttopi mataram Na patilabhati idam bhikkhave pathamam amataputtikam bhayanti assutava puthujjano bhasati. {502.1} Puna ca param bhikkhave hoti so samayo yam mahamegho vutthati mahameghe kho pana bhikkhave vutthite mahaudakavahako sanjayati mahaudakavahake ^[1]- sanjate tena gamapi vuyhanti nigamapi vuyhanti nagarapi vuyhanti gamesupi vuyhamanesu nigamesupi vuyhamanesu nagaresupi vuyhamanesu tattha matapi puttam na patilabhati puttopi mataram na patilabhati idam bhikkhave dutiyam amataputtikam bhayanti assutava puthujjano bhasati. {502.2} Puna ca param bhikkhave hoti so samayo yam bhayam hoti atavisankopo cakkasamarulha janapada pariyayanti bhaye kho pana bhikkhave sati atavisankope cakkasamarulhesu janapadesu pariyayantesu tattha matapi puttam na patilabhati puttopi mataram na patilabhati idam bhikkhave tatiyam amataputtikam bhayanti assutava puthujjano bhasati . imani kho bhikkhave tini amataputtikani bhayaniti assutava puthujjano bhasati. {502.3} Tani kho panimani bhikkhave tini samataputtikaniyeva bhayani amataputtikani ^2- bhayaniti assutava puthujjano bhasati katamani tini hoti so bhikkhave samayo yam mahaaggidaho vutthati mahaaggidahe kho pana bhikkhave vutthite tena gamapi dayhanti nigamapi dayhanti nagarapi dayhanti gamesupi dayhamanesu nigamesupi dayhamanesu nagaresupi dayhamanesu hoti so samayo yam kadaci karahaci matapi @Footnote: ¹ Ma. kho pana bhikkhave sanjayante . ² Po. Yu. amataputtikaniyeva. Puttam patilabhati puttopi mataram patilabhati idam bhikkhave pathamam samataputtikanneva bhayam amataputtikam bhayanti assutava puthujjano bhasati. {502.4} Puna ca param bhikkhave hoti so samayo yam mahamegho vutthati mahameghe kho pana bhikkhave vutthite mahaudakavahako sanjayati mahaudakavahake sanjate tena gamapi vuyhanti nigamapi vuyhanti nagarapi vuyhanti gamesupi vuyhamanesu nigamesupi vuyhamanesu nagaresupi vuyhamanesu hoti so samayo yam kadaci karahaci matapi puttam patilabhati puttopi mataram patilabhati idam bhikkhave dutiyam samataputtikanneva bhayam amataputtikam bhayanti assutava puthujjano bhasati. {502.5} Puna ca param bhikkhave hoti so samayo yam bhayam hoti atavisankopo cakkasamarulha janapada pariyayanti bhaye kho pana bhikkhave sati atavisankope cakkasamarulhesu janapadesu pariyayantesu hoti so samayo yam kadaci karahaci matapi puttam patilabhati puttopi mataram patilabhati idam bhikkhave tatiyam samataputtikanneva bhayam amataputtikam bhayanti assutava puthujjano bhasati . imani kho bhikkhave tini samataputtikaniyeva bhayani amataputtikani bhayaniti assutava puthujjano bhasati. {502.6} Tinimani bhikkhave amataputtikani bhayani katamani tini jarabhayam byadhibhayam maranabhayam ^1- na bhikkhave mata puttam jiramanam evam labhati aham jirami ma me putto jiriti putto va pana mataram jiramanam na evam labhati aham jirami ma @Footnote: ¹ Po. Ma. maranabhayanti. Me mata jiriti . na bhikkhave mata puttam byadhiyamanam evam labhati aham byadhiyami ma me putto byadhiyiti putto va pana mataram byadhiyamanam na evam labhati aham byadhiyami ma me mata byadhiyiti . na bhikkhave mata puttam miyyamanam evam labhati aham miyyami ma me putto miyyiti putto va pana mataram miyyamanam na evam labhati aham miyyami ma me mata miyyiti . Imani kho bhikkhave tini amataputtikani bhayani ^1-. {502.7} Atthi bhikkhave maggo atthi patipada imesanca tinnam samataputtikanam bhayanam imesanca tinnam amataputtikanam bhayanam pahanaya samatikkamaya samvattati katamo ca bhikkhave maggo katama ^[2]- patipada imesanca tinnam samataputtikanam bhayanam imesanca tinnam amataputtikanam bhayanam pahanaya samatikkamaya samvattati ayameva ariyo atthangiko maggo seyyathidam sammaditthi sammasankappo sammavaca sammakammanto sammaajivo sammavayamo sammasati sammasamadhi ayam kho bhikkhave maggo ayam patipada imesanca tinnam samataputtikanam bhayanam imesanca tinnam amataputtikanam bhayanam pahanaya samatikkamaya samvattatiti.

The Pali Tipitaka in Roman Character Volume 20 page 228-231. https://84000.org/tipitaka/read/roman_read.php?B=20&A=4772&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=4772&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=502&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=107 Study Atthakatha :- https://84000.org/tipitaka/attha/attha.php?b=20&i=502 The Pali Atthakatha in Thai :- https://84000.org/tipitaka/atthapali/read_th.php?B=15&A=4225 The Pali Atthakatha in Roman :- https://84000.org/tipitaka/atthapali/read_rm.php?B=15&A=4225 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20