PaliRoman Vol.20

[479] 40 Tinimani bhikkhave adhipateyyani katamani tini attadhipateyyam lokadhipateyyam dhammadhipateyyam . katamanca bhikkhave attadhipateyyam idha bhikkhave bhikkhu arannagato va rukkhamulagato va sunnagaragato va iti patisancikkhati na kho panaham civarahetu agarasma anagariyam pabbajito na pindapatahetu na senasanahetu @Footnote: ¹ Ma. ye mada . ² Po. Ma. khematam. Na itibhavabhavahetu agarasma anagariyam pabbajito apica khomhi otinno jatiya jaramaranena sokehi paridevehi dukkhehi domanassehi upayasehi dukkhotinno dukkhapareto appevanama imassa kevalassa dukkhakkhandhassa antakiriya pannayethati ahanceva kho pana yadisake kame ohaya agarasma anagariyam pabbajito tadisake va kame pariyeseyyam tato va papitthataram ^1- na metam assa patirupanti so iti patisancikkhati araddham kho pana me viriyam bhavissati asallinam upatthita sati appamuttha ^2- passaddho kayo asaraddho samahitam cittam ekagganti so attanamyeva adhipateyyam ^3- karitva akusalam pajahati kusalam bhaveti savajjam pajahati anavajjam bhaveti suddham attanam pariharati idam vuccati bhikkhave attadhipateyyam. {479.1} Katamanca bhikkhave lokadhipateyyam idha bhikkhave bhikkhu arannagato va rukkhamulagato va sunnagaragato va iti patisancikkhati na kho panaham civarahetu agarasma anagariyam pabbajito na pindapatahetu na senasanahetu na itibhavabhavahetu agarasma anagariyam pabbajito apica khomhi otinno jatiya jaramaranena sokehi paridevehi dukkhehi domanassehi upayasehi dukkhotinno dukkhapareto appevanama imassa kevalassa dukkhakkhandhassa antakiriya pannayethati ahanceva kho pana evam pabbajito samano kamavitakkam va vitakkeyyam byapadavitakkam va vitakkeyyam vihimsavitakkam va vitakkeyyam maha kho @Footnote: ¹ Ma. papitthatare . ² Ma. Yu. asamumattha . ³ Po. Ma. adhipatim. Panayam lokasannivaso mahantasmim kho pana lokasannivase santi samanabrahmana iddhimanto dibbacakkhuka paracittaviduno te duratopi passanti asannapi na dissanti cetasapi cittam pajananti ^1- tepi mam evam janeyyum passatha bho imam kulaputtam saddha agarasma anagariyam pabbajito samano vokinno viharati papakehi akusalehi dhammehiti devatapi kho santi iddhimantiniyo dibbacakkhuka paricittaviduniyo ta duratopi passanti asannapi na dissanti cetasapi cittam pajananti tapi mam evam janeyyum passatha bho imam kulaputtam saddha agarasma anagariyam pabbajito samano vokinno viharati papakehi akusalehi dhammehiti so iti patisancikkhati araddham kho pana me viriyam bhavissati asallinam upatthita sati appamuttha passaddho kayo asaraddho samahitam cittam ekagganti so lokamyeva adhipateyyam karitva akusalam pajahati kusalam bhaveti savajjam pajahati anavajjam bhaveti suddham attanam pariharati idam vuccati bhikkhave lokadhipateyyam. {479.2} Katamanca bhikkhave dhammadhipateyyam idha bhikkhave bhikkhu arannagato va rukkhamulagato va sunnagaragato va iti patisancikkhati na kho panaham civarahetu agarasma anagariyam pabbajito na pindapatahetu na senasanahetu na itibhavabhavahetu agarasma anagariyam pabbajito apica khomhi otinno jatiya jaramaranena sokehi paridevehi dukkhehi domanassehi upayasehi @Footnote: ¹ Po. Ma. Yu. jananti. ito param idisameva. Dukkhotinno dukkhapareto appevanama imassa kevalassa dukkhakkhandhassa antakiriya pannayethati svakkhato bhagavata dhammo sanditthiko akaliko ehipassiko opanayiko paccattam veditabbo vinnuhiti santi kho pana ^[1]- sabrahmacari janam passam viharanti ahanceva kho pana evam svakkhate dhammavinaye pabbajito samano kusito vihareyyam pamatto na metam assa patirupanti so iti patisancikkhati araddham kho pana me viriyam bhavissati asallinam upatthita sati appamuttha passaddho kayo asaraddho samahitam cittam ekagganti so dhammamyeva adhipateyyam karitva akusalam pajahati kusalam bhaveti savajjam pajahati anavajjam bhaveti suddham attanam pariharati idam vuccati bhikkhave dhammadhipateyyam. Imani kho bhikkhave tini adhipateyyaniti. Natthi loke raho nama papakammam pakubbato atta te purisa janati saccam va yadi va musa kalyanam vata bho sakkhi attanam atimannasi ^2- yo santam attani papam atha nam pariguhasi passanti deva ca tathagata ca lokasmi balam visamam carantam tasma ^3- hi attadhipako sato care lokadhipo ca nipako ca jhayi dhammadhipo ca anudhammacari @Footnote: ¹ Ma. Yu. me . ² Yu. atimannesi . ³ Ma. tasma hi attadhipateyyako ca. Na hiyati saccaparakkamo muni pasayha maram abhibhuyya antakam yo ca phusi jatikhayam padhanava so tadiso lokavidu sumedho sabbesu dhammesu atammayo muniti. Devadutavaggo catuttho. Tassuddanam brahma anandasariputto nidanam hatthakena ca duta duve ca rajano sukhumala adhipateyyena cati. --------------------

The Pali Tipitaka in Roman Character Volume 20 page 186-190. https://84000.org/tipitaka/read/roman_read.php?B=20&A=3872&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=3872&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=479&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=84 Study Atthakatha :- https://84000.org/tipitaka/attha/attha.php?b=20&i=479 The Pali Atthakatha in Thai :- https://84000.org/tipitaka/atthapali/read_th.php?B=15&A=3328 The Pali Atthakatha in Roman :- https://84000.org/tipitaka/atthapali/read_rm.php?B=15&A=3328 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20