PaliRoman Vol.20

Dutiyapannasako [297] 51 Dveme bhikkhave puggala loke uppajjamana uppajjanti bahujanahitaya bahujanasukhaya bahuno janassa atthaya hitaya sukhaya devamanussanam katame dve tathagato ca araham sammasambuddho raja ca cakkavatti ime kho bhikkhave dve puggala loke uppajjamana uppajjanti bahujanahitaya bahujanasukhaya bahuno janassa atthaya hitaya sukhaya devamanussananti. [298] 52 Dveme bhikkhave puggala loke uppajjamana uppajjanti acchariyamanussa katame dve tathagato ca araham sammasambuddho raja ca cakkavatti ime kho bhikkhave dve puggala loke @Footnote: ¹ Ma. Yu. ceva. ² Ma. paramasa. @³ Ma. Yu. tassuddanam @ uttana vagga aggavati @ ariya kasato ca pancamo @ ukkacitaamisanceva @ visama adhamma dhammiyena cati. Uppajjamana uppajjanti acchariyamanussati. [299] 53 Dvinnam bhikkhave puggalanam kalakiriya bahuno janassa anutappa hoti katamesam dvinnam tathagatassa ca arahato sammasambuddhassa ranno ca cakkavattissa imesam kho bhikkhave dvinnam puggalanam kalakiriya bahuno janassa anutappa hotiti. [300] 54 Dveme bhikkhave thuparaha katame dve tathagato ca araham sammasambuddho raja ca cakkavatti ime kho bhikkhave dve thuparahati. [301] 55 Dveme bhikkhave buddha katame dve tathagato ca araham sammasambuddho paccekabuddho ca ime kho bhikkhave dve buddhati. [302] 56 Dveme bhikkhave asaniya phalantiya na santasanti katame dve bhikkhu ca khinasavo hatthajaniyo ca ime kho bhikkhave dve asaniya phalantiya na santasantiti. [303] 57 Dveme bhikkhave asaniya phalantiya na santasanti katame dve bhikkhu ca khinasavo assajaniyo ca ime kho bhikkhave dve asaniya phalantiya na santasantiti. [304] 58 Dveme bhikkhave asaniya phalantiya na santasanti katame dve bhikkhu ca khinasavo siho ca migaraja ime kho bhikkhave Dve asaniya phalantiya na santasantiti. [305] 59 Dveme bhikkhave atthavase sampassamana kimpurisa manusim vacam na bhasanti katame dve ma ca musa bhanimha ma ca param abhutena abbhacikkhimhati ime kho bhikkhave dve atthavase sampassamana kimpurisa manusim vacam na bhasantiti. [306] 60 Dvinnam bhikkhave dhammanam atitto appativano matugamo kalam karoti katamesam dvinnam methunadhammasamapattiya ca vijayanassa ca imesam kho bhikkhave dvinnam dhammanam atitto appativano matugamo kalam karotiti. [307] 61 Asantasannivasanca vo bhikkhave desessami santasannivasanca tam sunatha sadhukam manasikarotha bhasissamiti . Evam bhanteti kho te bhikkhu bhagavato paccassosum . Bhagava etadavoca kathanca bhikkhave asantasannivaso hoti kathanca asanto sannivasanti idha bhikkhave therassa bhikkhuno evam hoti theropi mam na vadeyya majjhimopi mam na vadeyya navopi mam na vadeyya therampaham na vadeyyam majjhimampaham na vadeyyam navampaham na vadeyyam thero cepi mam vadeyya ahitanukampi mam vadeyya no hitanukampi noti nam vadeyyam viheseyyampi ^1- nam passampissa na patikareyyam majjhimo cepi mam vadeyya ... navo cepi mam vadeyya ahitanukampi mam vadeyya no hitanukampi noti nam vadeyyam viheseyyampi ^2- nam passampissa @Footnote: ^1-2 Ma. vihatheyyam. Na patikareyyam majjhimassapi bhikkhuno evam hoti .pe. navassapi bhikkhuno evam hoti theropi mam na vadeyya majjhimopi mam na vadeyya navopi mam na vadeyya therampaham na vadeyyam majjhimampaham na vadeyyam navampaham na vadeyyam thero cepi mam vadeyyam ahitanukampi mam vadeyya no hitanukampi noti nam vadeyyam viheseyyampi nam passampissa na patikareyyam majjhimo cepi mam vadeyya ... navo cepi mam vadeyya ahitanukampi mam vadeyya no hitanukampi noti nam vadeyyam viheseyyampi nam passampissa na patikareyyam evam kho bhikkhave asantasannivaso hoti evanca asanto sannivasanti. {307.1} Kathanca bhikkhave santasannivaso hoti kathanca santo sannivasanti idha bhikkhave therassa bhikkhuno evam hoti theropi mam vadeyya majjhimopi mam vadeyya navopi mam vadeyya therampaham vadeyyam majjhimampaham vadeyyam navampaham vadeyyam thero cepi mam vadeyya hitanukampi mam vadeyya no ahitanukampi sadhuti nam vadeyyam na nam viheseyyam passampissa patikareyyam majjhimo cepi mam vadeyya ... Navo cepi mam vadeyya hitanukampi mam vadeyya no ahitanukampi sadhuti nam vadeyyam na nam viheseyyam passampissa patikareyyam majjhimassapi bhikkhuno evam hoti .pe. navassapi bhikkhuno evam hoti theropi mam vadeyya majjhimopi mam vadeyya navopi mam vadeyya therampaham vadeyyam majjhimampaham vadeyyam navampaham vadeyyam thero cepi mam Vadeyya hitanukampi mam vadeyya no ahitanukampi sadhuti nam vadeyyam na nam viheseyyam passampissa patikareyyam majjhimo cepi mam vadeyya ... navo cepi mam vadeyya hitanukampi mam vadeyya no ahitanukampi sadhuti nam vadeyyam na nam viheseyyam passampissa patikareyyam evam kho bhikkhave santasannivaso hoti evanca santo sannivasantiti. [308] 62 Yasmim bhikkhave adhikarane ubhatovacisamsaro ditthipalaso cetaso aghato appaccayo anabhiraddhi ajjhattam avupasantam hoti tasmetam bhikkhave adhikarane patikankham dighattaya kharattaya valattaya samvattissati bhikkhu ca na phasum viharissanti . yasmim ca kho bhikkhave adhikarane ubhatovacisamsaro ditthipalaso cetaso aghato appaccayo anabhiraddhi ajjhattam suvupasantam hoti tasmetam bhikkhave adhikarane patikankham na dighattaya kharattaya valattaya samvattissati bhikkhu ca phasum viharissantiti. Puggalavaggo pathamo.

The Pali Tipitaka in Roman Character Volume 20 page 96-100. https://84000.org/tipitaka/read/roman_read.php?B=20&A=1979&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=1979&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=297&items=12 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=34 Study Atthakatha :- https://84000.org/tipitaka/attha/attha.php?b=20&i=297 The Pali Atthakatha in Thai :- https://84000.org/tipitaka/atthapali/read_th.php?B=15&A=1316 The Pali Atthakatha in Roman :- https://84000.org/tipitaka/atthapali/read_rm.php?B=15&A=1316 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20