PaliRoman Vol.20

[287] 41 Dvema bhikkhave parisa katama dve uttana ca @Footnote: ¹ Ma. Yu. pana. ² Ma. pakkamanti. Parisa gambhira ca parisa . katama ca bhikkhave uttana parisa idha bhikkhave yassam parisayam bhikkhu uddhata honti unnala capala mukhara vikinnavaca mutthassati asampajana asamahita vibbhantacitta pakatindriya ayam vuccati bhikkhave uttana parisa . katama ca bhikkhave gambhira parisa idha bhikkhave yassam parisayam bhikkhu anuddhata honti anunnala acapala amukhara avikinnavaca upatthitassati sampajana samahita ekaggacitta samvutindriya ayam vuccati bhikkhave gambhira parisa . ima kho bhikkhave dve parisa etadaggam bhikkhave imasam dvinnam parisanam yadidam gambhira parisati. [288] 42 Dvema bhikkhave parisa katama dve vagga ca parisa samagga ca parisa . katama ca bhikkhave vagga parisa idha bhikkhave yassam parisayam bhikkhu bhandanajata kalahajata vivadapanna annamannam mukhasattihi vitudanta viharanti ayam vuccati bhikkhave vagga parisa . katama ca bhikkhave samagga parisa idha bhikkhave yassam parisayam bhikkhu samagga sammodamana avivadamana khirodakibhuta annamannam piyacakkhuhi sampassanta viharanti ayam vuccati bhikkhave samagga parisa . ima kho bhikkhave dve parisa etadaggam bhikkhave imasam dvinnam parisanam yadidam samagga parisati. [289] 43 Dvema bhikkhave parisa katama dve anaggavati ca parisa aggavati ca parisa . katama ca bhikkhave anaggavati parisa Idha bhikkhave yassam parisayam thera bhikkhu bahullika ^1- honti sathalika vokkamane pubbangama paviveke nikkhittadhura na viriyam arabhanti appattassa pattiya anadhigatassa adhigamaya asacchikatassa sacchikiriyaya tesam pacchima janata ditthanugatim apajjati sapi hoti bahullika sathalika vokkamane pubbangama paviveke nikkhittadhura na viriyam arabhati appattassa pattiya anadhigatassa adhigamaya asacchikatassa sacchikiriyaya ayam vuccati bhikkhave anaggavati parisa . katama ca bhikkhave aggavati parisa idha bhikkhave yassam parisayam thera bhikkhu na bahullika honti na sathalika vokkamane nikkhittadhura paviveke pubbangama viriyam arabhanti appattassa pattiya anadhigatassa adhigamaya asacchikatassa sacchikiriyaya tesam pacchima janata ditthanugatim apajjati sapi hoti na bahullika na sathalika vokkamane ^[2]- nikkhittadhura paviveke pubbangama viriyam arabhati appattassa pattiya anadhigatassa adhigamaya asacchikatassa sacchikiriyaya ayam vuccati bhikkhave aggavati parisa . ima kho bhikkhave dve parisa etadaggam bhikkhave imasam dvinnam parisanam yadidam aggavati parisati. [290] 44 Dvema bhikkhave parisa katama dve anariya ca parisa ariya ca parisa . katama ca bhikkhave anariya parisa idha bhikkhave yassam parisayam bhikkhu idam dukkhanti yathabhutam nappajananti ayam dukkhasamudayoti yathabhutam nappajananti ayam dukkhanirodhoti yathabhutam @Footnote: ¹ Ma. Yu. bahulika. sabbattha idisameva. ² Ma. na. Nappajananti ayam dukkhanirodhagamini patipadati yathabhutam nappajananti ayam vuccati bhikkhave anariya parisa . katama ca bhikkhave ariya parisa idha bhikkhave yassam parisayam bhikkhu idam dukkhanti yathabhutam pajananti ayam dukkhasamudayoti yathabhutam pajananti ayam dukkhanirodhoti yathabhutam pajananti ayam dukkhanirodhagamini patipadati yathabhutam pajananti ayam vuccati bhikkhave ariya parisa . ima kho bhikkhave dve parisa etadaggam bhikkhave imasam dvinnam parisanam yadidam ariya parisati. [291] 45 Dvema bhikkhave parisa katama dve parisakasato ^1- ca parisamando ca . katamo ca bhikkhave parisakasato idha bhikkhave yassam parisayam bhikkhu chandagatim gacchanti dosagatim gacchanti mohagatim gacchanti bhayagatim gacchanti ayam vuccati bhikkhave parisakasato . Katamo ca bhikkhave parisamando idha bhikkhave yassam parisayam bhikkhu na chandagatim gacchanti na dosagatim gacchanti na mohagatim gacchanti na bhayagatim gacchanti ayam vuccati bhikkhave parisamando . ima kho bhikkhave dve parisa etadaggam bhikkhave imasam dvinnam parisanam yadidam parisamandoti. [292] 46 Dvema bhikkhave parisa katama dve ukkacitavinita parisa no patipucchavinita patipucchavinita parisa no ukkacitavinita. Katama ca bhikkhave ukkacitavinita parisa no patipucchavinita idha bhikkhave yassam parisayam bhikkhu ye te suttanta tathagatabhasita gambhira @Footnote: ¹ Ma. parisakasato ca parisamando ca. Gambhirattha lokuttara sunnatapatisamyutta tesu bhannamanesu na sussusanti na sotam odahanti na annacittam upatthapenti na ca te dhamme uggahetabbam pariyapunitabbam mannanti ye pana te suttanta kavikata ^1- kaveyya cittakkhara cittabyanjana bahiraka savakabhasita tesu bhannamanesu sussusanti sotam odahanti annacittam upatthapenti te ca dhamme uggahetabbam pariyapunitabbam mannanti te ^[2]- tam dhammam pariyapunitva na ceva annamannam patipucchanti na pativivaranti ^3- idam kathamimassa kvatthoti te avivatanceva na vivaranti anuttanikatanca na uttanikaronti anekavihitesu ca kankhathaniyesu dhammesu kankham nappativinodenti ayam vuccati bhikkhave ukkacitavinita parisa no patipucchavinita . katama ca bhikkhave patipucchavinita parisa no ukkacitavinita idha bhikkhave yassam parisayam bhikkhu ye te suttanta kavikata kaveyya cittakkhara cittabyanjana bahiraka savakabhasita tesu bhannamanesu na sussusanti na sotam odahanti na annacittam upatthapenti na ca te dhamme uggahetabbam pariyapunitabbam mannanti ye pana te suttanta tathagatabhasita gambhira gambhirattha lokuttara sunnatapatisamyutta tesu bhannamanesu sussusanti sotam odahanti annacittam upatthapenti te ca dhamme uggahetabbam pariyapunitabbam mannanti te tam dhammam pariyapunitva annamannam patipucchanti pativivaranti idam kathamimassa kvatthoti te @Footnote: ¹ Ma. Yu. kavita. ² Ma. ca . ³ Ma. na ca pativicaranti. Avivatanceva vivaranti anuttanikatanca uttanikaronti anekavihitesu ca kankhathaniyesu dhammesu kankham pativinodenti ayam vuccati bhikkhave patipucchavinita parisa no ukkacitavinita . ima kho bhikkhave dve parisa etadaggam bhikkhave imasam dvinnam parisanam yadidam patipucchavinita parisa no ukkacitavinitati. [293] 47 Dvema bhikkhave parisa katama dve amisagaru ^1- parisa no saddhammagaru ^2- saddhammagaru parisa no amisagaru. Katama ca bhikkhave amisagaru parisa no saddhammagaru idha bhikkhave yassam parisayam bhikkhu gihinam odatavasananam sammukha annamannassa vannam bhasanti asuko bhikkhu ubhatobhagavimutto asuko pannavimutto asuko kayasakkhi asuko ditthippatto asuko saddhavimutto asuko dhammanusari asuko saddhanusari asuko silava kalyanadhammo asuko dussilo papadhammoti te tena labham labhanti te tam labham labhitva gadhita ^3- mucchita ajjhopanna anadinavadassavino anissaranapanna paribhunjanti ayam vuccati bhikkhave amisagaru parisa no saddhammagaru. {293.1} Katama ca bhikkhave saddhammagaru parisa no amisagaru idha bhikkhave yassam parisayam bhikkhu na gihinam odatavasananam sammukha annamannassa vannam bhasanti asuko bhikkhu ubhatobhagavimutto asuko pannavimutto asuko kayasakkhi asuko ditthippatto asuko saddhavimutto asuko dhammanusari asuko saddhanusari asuko silava kalyanadhammo asuko dussilo papadhammoti @Footnote: ^1-2 Yu. amisagaru saddhammagaru. ³ Ma. gathita. Te tena labham labhanti te tam labham labhitva agadhita amucchita anajjhopanna adinavadassavino nissaranapanna paribhunjanti ayam vuccati bhikkhave saddhammagaru parisa no amisagaru . ima kho bhikkhave dve parisa etadaggam bhikkhave imasam dvinnam parisanam yadidam saddhammagaru parisa no amisagaruti. [294] 48 Dvema bhikkhave parisa katama dve visama ca parisa sama ca parisa . katama ca bhikkhave visama parisa idha bhikkhave yassam parisayam adhammakammani pavattanti dhammakammani nappavattanti avinayakammani pavattanti vinayakammani nappavattanti adhammakammani dippanti dhammakammani na dippanti avinayakammani dippanti vinayakammani na dippanti ayam vuccati bhikkhave visama parisa . visamatta bhikkhave parisaya adhammakammani pavattanti dhammakammani nappavattanti avinayakammani pavattanti vinayakammani nappavattanti adhammakammani dippanti dhammakammani na dippanti avinayakammani dippanti vinayakammani na dippanti. {294.1} Katama ca bhikkhave sama parisa idha bhikkhave yassam parisayam dhammakammani pavattanti adhammakammani nappavattanti vinayakammani pavattanti avinayakammani nappavattanti dhammakammani dippanti adhammakammani na dippanti vinayakammani dippanti avinayakammani na dippanti ayam vuccati bhikkhave sama parisa . samatta bhikkhave parisaya dhammakammani pavattanti adhammakammani nappavattanti vinayakammani Pavattanti avinayakammani nappavattanti dhammakammani dippanti adhammakammani na dippanti vinayakammani dippanti avinayakammani na dippanti . ima kho bhikkhave dve parisa etadaggam bhikkhave imasam dvinnam parisanam yadidam sama parisati. [295] 49 Dvema bhikkhave parisa katama dve adhammika ca parisa dhammika ca parisa .pe. ima kho bhikkhave dve parisa etadaggam bhikkhave imasam dvinnam parisanam yadidam dhammika parisati. [296] 50 Dvema bhikkhave parisa katama dve adhammavadini ca parisa dhammavadini ca parisa . katama ca bhikkhave adhammavadini parisa idha bhikkhave yassam parisayam bhikkhu adhikaranam adiyanti dhammikam va adhammikam va te tam adhikaranam adiyitva na ceva annamannam sannapenti na ca sannattim upagacchanti na ca nijjhapenti na ca nijjhattim upagacchanti te asannattibala anijjhattibala appatinissaggamantino tameva adhikaranam thamasa paramassa ^1- abhinivissa voharanti idameva saccam moghamannanti ayam vuccati bhikkhave adhammavadini parisa . katama ca bhikkhave dhammavadini parisa idha bhikkhave yassam parisayam bhikkhu adhikaranam adiyanti dhammikam va adhammikam va te tam adhikaranam adiyitva annamannam sannapenti ceva @Footnote: ¹ Ma. paramasa. Sannattinca upagacchanti nijjhapenti ca ^1- nijjhattinca upagacchanti te sannattibala nijjhattibala patinissaggamantino na tameva adhikaranam thamasa paramassa ^2- abhinivissa voharanti idameva saccam moghamannanti ayam vuccati bhikkhave dhammavadini parisa . Ima kho bhikkhave dve parisa etadaggam bhikkhave imasam dvinnam parisanam yadidam dhammavadini parisati. Parisavaggo pancamo. ^[3]- Pathamo pannasako samatto. ----------

The Pali Tipitaka in Roman Character Volume 20 page 88-96. https://84000.org/tipitaka/read/roman_read.php?B=20&A=1820&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=20&A=1820&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=20&item=287&items=10 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=20&siri=33 Study Atthakatha :- https://84000.org/tipitaka/attha/attha.php?b=20&i=287 The Pali Atthakatha in Thai :- https://84000.org/tipitaka/atthapali/read_th.php?B=15&A=1186 The Pali Atthakatha in Roman :- https://84000.org/tipitaka/atthapali/read_rm.php?B=15&A=1186 Contents of The Tipitaka Volume 20 https://84000.org/tipitaka/read/?index_20 https://84000.org/tipitaka/english/?index_20