|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Tatiyasikkhapadam [788] Tena samayena buddho bhagava savatthiyam viharati jetavane anathapindikassa arame . tena kho pana samayena savatthiyam annataram kulam ubhato pasannam hoti saddhaya vaddhati bhogena hayati . yam tasmim kule uppajjati purebhattam khadaniyam va bhojaniyam va tam sabbam bhikkhunam vissajjetva appekada anasita acchanti . Manussa ujjhayanti khiyanti vipacenti katham hi nama samana sakyaputtiya na mattam janitva patiggahessanti ime imesam datva appekada anasita acchantiti . assosum kho bhikkhu tesam manussanam ujjhayantanam khiyantanam vipacentanam . athakho te bhikkhu bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave yam kulam saddhaya vaddhati bhogena hayati evarupassa kulassa nattidutiyena kammena sekkhasammatim datum evanca pana bhikkhave databba . byattena bhikkhuna patibalena sangho napetabbo {788.1} sunatu me bhante sangho itthannamam kulam saddhaya vaddhati bhogena hayati . yadi sanghassa pattakallam sangho itthannamassa kulassa sekkhasammatim dadeyya. Esa natti. {788.2} Sunatu me bhante sangho itthannamam kulam saddhaya vaddhati--------------------------------------------------------------------------------------------- page522.
Bhogena hayati . sangho itthannamassa kulassa sekkhasammatim deti . Yassayasmato khamati itthannamassa kulassa sekkhasammatiya danam so tunhassa yassa nakkhamati so bhaseyya. {788.3} Dinna sanghena itthannamassa kulassa sekkhasammati . Khamati sanghassa tasma tunhi . evametam dharayamiti . evanca pana bhikkhave imam sikkhapadam uddiseyyatha {788.4} yani kho pana tani sekkhasammatani kulani yo pana bhikkhu tatharupesu sekkhasammatesu kulesu khadaniyam va bhojaniyam va sahattha patiggahetva khadeyya va bhunjeyya va patidesetabbam tena bhikkhuna garayham avuso dhammam apajjim asappayam patidesaniyam tam patidesemiti. {788.5} Evancidam bhagavata bhikkhunam sikkhapadam pannattam hoti. [789] Tena kho pana samayena savatthiyam ussavo hoti . Manussa bhikkhu nimantetva bhojenti . tampi kho kulam bhikkhu nimantesi . bhikkhu kukkuccayanta nadhivasenti patikkhittam bhagavata sekkhasammatesu kulesu khadaniyam va bhojaniyam va sahattha patiggahetva khaditum bhunjitunti . te ujjhayanti khiyanti vipacenti kinnu kho nama amhakam jivitena yam ayya amhakam na patigganhantiti . Assosum kho bhikkhu tesam ujjhayantanam khiyantanam vipacentanam . Athakho te bhikkhu bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave nimantitena sekkhasammatesu kulesu khadaniyam va--------------------------------------------------------------------------------------------- page523.
Bhojaniyam va sahattha patiggahetva khaditum bhunjitum evanca pana bhikkhave imam sikkhapadam uddiseyyatha {789.1} yani kho pana tani sekkhasammatani kulani yo pana bhikkhu tatharupesu sekkhasammatesu kulesu pubbe animantito khadaniyam va bhojaniyam va sahattha patiggahetva khadeyya va bhunjeyya va patidesetabbam tena bhikkhuna garayham avuso dhammam apajjim asappayam patidesaniyam tam patidesemiti. {789.2} Evancidam bhagavata bhikkhunam sikkhapadam pannattam hoti. [790] Tena kho pana samayena annataro bhikkhu tassa kulassa kulupako hoti . athakho so bhikkhu pubbanhasamayam nivasetva pattacivaramadaya yena tam kulam tenupasankami upasankamitva pannatte asane nisidi . athakho so bhikkhu gilano hoti . Athakho te manussa tam bhikkhum etadavocum bhunjatha bhanteti . Athakho so bhikkhu bhagavata patikkhittam animantitena sekkhasammatesu kulesu khadaniyam va bhojaniyam va sahattha patiggahetva khaditum bhunjitunti kukkuccayanto na patiggahesi nasakkhi pindaya caritum chinnabhatto ahosi . athakho so bhikkhu aramam gantva bhikkhunam etamattham arocesi . bhikkhu bhagavato etamattham arocesum. Athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave gilanena bhikkhuna sekkhasammatesu kulesu khadaniyam va bhojaniyam va sahattha patiggahetva--------------------------------------------------------------------------------------------- page524.
Khaditum bhunjitum evanca pana bhikkhave imam sikkhapadam uddiseyyatha {790.1} yani kho pana tani sekkhasammatani kulani yo pana bhikkhu tatharupesu sekkhasammatesu kulesu pubbe animantito agilano khadaniyam va bhojaniyam va sahattha patiggahetva khadeyya va bhunjeyya va patidesetabbam tena bhikkhuna garayham avuso dhammam apajjim asappayam patidesaniyam tam patidesemiti. [791] Yani kho pana tani sekkhasammatani kulaniti sekkhasammatam nama kulam yam kulam saddhaya vaddhati bhogena hayati evarupassa kulassa nattidutiyena kammena sekkhasammati dinna hoti . Yo panati yo yadiso .pe. bhikkhuti .pe. ayam imasmim atthe adhippeto bhikkhuti . tatharupesu sekkhasammatesu kulesuti evarupesu sekkhasammatesu kulesu . animantito nama ajjatanaya va svatanaya va animantito gharupacaram okkamante nimantenti eso animantito nama . nimantito nama ajjatanaya va svatanaya va nimantito gharupacaram anokkamante nimantenti eso nimantito nama . Agilano nama sakkoti pindaya caritum . gilano nama na sakkoti pindaya caritum . khadaniyam nama panca bhojanani yamakalikam sattahakalikam yavajivikam thapetva avasesam khadaniyam nama . bhojaniyam nama panca bhojanani odano kummaso sattu maccho mamsam . animantito agilano khadissami bhunjissamiti patigganhati apatti--------------------------------------------------------------------------------------------- page525.
Dukkatassa. Ajjhohare ajjhohare apatti patidesaniyassa. [792] Sekkhasammate sekkhasammatasanni animantito agilano khadaniyam va bhojaniyam va sahattha patiggahetva khadati va bhunjati va apatti patidesaniyassa . sekkhasammate vematiko animantito agilano khadaniyam va bhojaniyam va sahattha patiggahetva khadati va bhunjati va apatti patidesaniyassa . sekkhasammate asekkhasammatasanni animantito agilano khadaniyam va bhojaniyam va sahattha patiggahetva khadati va bhunjati va apatti patidesaniyassa . yamakalikam sattahakalikam yavajivikam aharatthaya patigganhati apatti dukkatassa . ajjhohare ajjhohare apatti dukkatassa . asekkhasammate sekkhasammatasanni apatti dukkatassa . asekkhasammate vematiko apatti dukkatassa . Asekkhasammate asekkhasammatasanni anapatti. [793] Anapatti nimantitassa gilanassa nimantitassa va gilanassa va sesakam bhunjati annesam bhikkha tattha pannatta hoti gharato niharitva denti niccabhatte salakabhatte pakkhike uposathike patipadike yamakalikam sattahakalikam yavajivikam sati paccaye paribhunjati deti ummattakassa adikammikassati. Tatiyasikkhapadam nitthitam. ---------The Pali Tipitaka in Roman Character Volume 2 page 521-525. https://84000.org/tipitaka/read/roman_read.php?B=2&A=9389&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=9389&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=788&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=132 Study Atthakatha :- https://84000.org/tipitaka/attha/attha.php?b=2&i=788 The Pali Atthakatha in Thai :- https://84000.org/tipitaka/atthapali/read_th.php?B=2&A=10326 The Pali Atthakatha in Roman :- https://84000.org/tipitaka/atthapali/read_rm.php?B=2&A=10326 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]