|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Dasamasikkhapadam [70] Tena samayena buddho bhagava savatthiyam viharati jetavane anathapindikassa arame . tena kho pana samayena ayasmato upanandassa sakyaputtassa upatthako mahamatto ayasmato upanandassa sakyaputtassa dutena civaracetapanam pahesi imina civaracetapanena civaram cetapetva ayyam upanandam civarena acchadehiti. Athakho so duto yenayasma upanando sakyaputto tenupasankami upasankamitva ayasmantam upanandam sakyaputtam etadavoca idam kho bhante ayasmantam uddissa civaracetapanam abhatam patigganhatu ayasma civaracetapananti. {70.1} Evam vutte ayasma upanando sakyaputto tam dutam etadavoca na kho mayam avuso civaracetapanam patigganhama civaranca kho mayam patigganhama kalena kappiyanti . Evam vutte so duto ayasmantam upanandam sakyaputtam etadavoca atthi panayasmato koci veyyavaccakaroti . tena kho pana samayena annataro upasako aramam agamasi kenacideva karaniyena . Athakho ayasma upanando sakyaputto tam dutam etadavoca eso kho avuso upasako bhikkhunam veyyavaccakaroti . athakho so duto tam upasakam sannapetva yenayasma upanando sakyaputto--------------------------------------------------------------------------------------------- page55.
Tenupasankami upasankamitva ayasmantam upanandam sakyaputtam etadavoca yam kho bhante ayasma veyyavaccakaram niddisi sannatto so maya upasankamatu ayasma kalena civarena tam acchadessatiti [1]-. {70.2} Tena kho pana samayena 2- ayasma upanando sakyaputto tam upasakam na kinci avacasi . dutiyampi kho so mahamatto ayasmato upanandassa sakyaputtassa santike dutam pahesi paribhunjatu ayyo tam civaram icchama mayam ayyena tam civaram paribhuttanti . dutiyampi kho ayasma upanando sakyaputto tam upasakam na kinci avacasi . Tatiyampi kho so mahamatto ayasmato upanandassa sakyaputtassa santike dutam pahesi paribhunjatu ayyo tam civaram icchama mayam ayyena tam civaram paribhuttanti. {70.3} Tena kho pana samayena nigamassa 3- samayo hoti . nigamena 4- ca katika kata hoti yo paccha agacchati pannasambaddhoti 5- . athakho ayasma upanando sakyaputto yena so upasako tenupasankami upasankamitva tam upasakam etadavoca attho me avuso civarenati . ajjunho @Footnote: 1 Ma. Yu. tena kho pana samayena so mahamatto ayasmato upanandassa sakyaputtassa @santike dutam pahesi paribhunjatu ayyo tam civaram icchama mayam ayyena tam civaram @paribhuttanti . 2 Ma. Yu. athakho . 3 Ma. Yu. negamassa . 4 Ma. Yu. negamena. @5 Ma. Yu. pannasam baddhoti. evamuparipi.--------------------------------------------------------------------------------------------- page56.
Bhante agamehi ajja nigamassa samayo nigamena ca katika kata hoti yo paccha agacchati pannasambaddhoti . ajjeva me avuso civaram dehiti ovattikaya paramasi . athakho so upasako ayasmata upanandena sakyaputtena nippiliyamano ayasmato upanandassa sakyaputtassa civaram cetapetva paccha agamasi . Manussa tam upasakam etadavocum kissa tvam ayya 1- paccha agato pannasam jinositi. {70.4} Athakho so upasako tesam manussanam etamattham arocesi. Manussa ujjhayanti khiyanti vipacenti mahiccha ime samana sakyaputtiya asantuttha nayimesam sukaram veyyavaccampi katum katham hi nama upanando sakyaputto upasakena ajjunho bhante agamehiti vuccamano nagamessatiti 2- . assosum kho bhikkhu tesam manussanam ujjhayantanam khiyantanam vipacentanam . Ye te bhikkhu appiccha .pe. te ujjhayanti khiyanti vipacenti katham hi nama ayasma upanando sakyaputto upasakena ajjunho bhante agamehiti vuccamano nagamessatiti 3- . Athakho te bhikkhu bhagavato etamattham arocesum . saccam kira tvam upananda upasakena ajjunho bhante agamehiti vuccamano @Footnote: 1 Ma. Yu. ayyo . 2 Yu. katham hi nama upasakena ... vuccamana nagamissantiti. @3 Yu. nagamissatiti.--------------------------------------------------------------------------------------------- page57.
Nagamesiti . saccam bhagavati . vigarahi buddho bhagava katham hi nama tvam moghapurisa upasakena ajjunho bhante agamehiti vuccamano nagamessasi netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {70.5} bhikkhum paneva uddissa raja va rajabhoggo va brahmano va gahapatiko va dutena civaracetapanam pahineyya imina civaracetapanena civaram cetapetva itthannamam bhikkhum civarena acchadehiti . so ce duto tam bhikkhum upasankamitva evam vadeyya idam kho bhante ayasmantam uddissa civaracetapanam abhatam patigganhatu ayasma civaracetapananti . tena bhikkhuna so duto evamassa vacaniyo na kho mayam avuso civaracetapanam patigganhama civaranca kho mayam patigganhama kalena kappiyanti . So ce duto tam bhikkhum evam vadeyya atthi panayasmato koci veyyavaccakaroti . civaratthikena bhikkhave bhikkhuna veyyavaccakaro niddisitabbo aramiko va upasako va eso kho avuso bhikkhunam veyyavaccakaroti . so ce duto tam veyyavaccakaram sannapetva tam bhikkhum upasankamitva evam vadeyya yam kho bhante ayasma veyyavaccakaram niddisi sannatto so maya upasankamatu ayasma kalena civarena tam acchadessatiti . civaratthikena bhikkhave bhikkhuna veyyavaccakaro upasankamitva dvittikkhattum--------------------------------------------------------------------------------------------- page58.
Codetabbo saretabbo attho me avuso civarenati. Dvittikkhattum codayamano sarayamano 1- tam civaram abhinipphadeyya iccetam kusalam no ce abhinipphadeyya catukkhattum pancakkhattum chakkhattuparamam 2- tunhibhutena uddissa thatabbam catukkhattum pancakkhattum chakkhattuparamam tunhibhuto uddissa titthamano tam civaram abhinipphadeyya iccetam kusalam no ce abhinipphadeyya tato ce uttarim vayamamano tam civaram abhinipphadeyya nissaggiyam pacittiyam no ce abhinipphadeyya yatassa civaracetapanam abhatam tattha samam va gantabbam duto va pahetabbo yam kho tumhe ayasmanto bhikkhum uddissa civaracetapanam pahinittha na tam tassa bhikkhuno kinci attham anubhoti yunjantayasmanto sakam ma vo sakam vinassati 3-. Ayam tattha samiciti. [71] Bhikkhum paneva uddissati bhikkhussatthaya bhikkhum arammanam @Footnote: 1 codiyamano sariyamanoti pathanti. tam na yujjati. na hi ime patha @kammavacaka. te ce kammavacaka siyum veyyavaccakaroti padam abhinipphadeyyati @pade katta siya. evam sante paliya ukkamo bhaveyya. tato param hi bhikkhusaddo @abhinipphadeyyati padesu katta. kankhavitaraniyampi kattubhavena vannita. @vicaretva gahetabbam . 2 chakkhattumparamantipi pathanti . 3 vinassitipi pathanti.--------------------------------------------------------------------------------------------- page59.
Karitva bhikkhum acchadetukamo . raja nama yo koci rajjam kareti. Rajabhoggo nama yo koci ranno bhattavetanaraho 1-. Brahmano nama jatiya brahmano . gahapatiko nama thapetva rajanam rajabhoggam brahmanam avaseso gahapatiko nama . civaracetapanam nama hirannam va suvannam va mani va mutta va masaragallam va phaliko va 2- . imina civaracetapanenati paccupatthitena . Cetapetvati parivattetva. Acchadehiti dajjehi. {71.1} So ce duto tam bhikkhum upasankamitva evam vadeyya idam kho bhante ayasmantam uddissa civaracetapanam abhatam patigganhatu ayasma civaracetapananti . tena bhikkhuna so duto evamassa vacaniyo na kho mayam avuso civaracetapanam patigganhama civaranca kho mayam patigganhama kalena kappiyanti . so ce duto tam bhikkhum evam vadeyya atthi panayasmato koci veyyavaccakaroti . Civaratthikena bhikkhave bhikkhuna veyyavaccakaro niddisitabbo aramiko va upasako va eso kho avuso bhikkhunam veyyavaccakaroti. Na vattabbo tassa dehiti va so va nikkhipissati so va parivattissati 3- so va cetapessatiti . so ce duto tam @Footnote: 1 sabbattha bhattavetanaharoti dissati . 2 Ma. Yu. masaragallam va phaliko vati @ime patha natthi . 3 Ma. Yu. sabbattha parivattissatiti dissati.--------------------------------------------------------------------------------------------- page60.
Veyyavaccakaram sannapetva tam bhikkhum upasankamitva evam vadeyya yam kho bhante ayasma veyyavaccakaram niddisi sannatto so maya upasankamatu ayasma kalena civarena tam acchadessatiti . Civaratthikena bhikkhave bhikkhuna veyyavaccakaro upasankamitva dvittikkhattum codetabbo saretabbo attho me avuso civarenati. Na vattabbo dehi me civaram ahara me civaram parivattehi 1- me civaram cetapehi me civaranti . dutiyampi vattabbo tatiyampi vattabbo . Sace abhinipphadeti iccetam kusalam no ce abhinipphadeti tattha gantva tunhibhutena uddissa thatabbam na asane nisiditabbam na amisam patiggahetabbam na dhammo bhasitabbo . kimkarana agatositi pucchamano 2- janahi avusoti vattabbo . sace asane va nisidati amisam va patigganhati dhammam va bhasati thanam bhanjati . dutiyampi thatabbam tatiyampi thatabbam catukkhattum codetva catukkhattum thatabbam pancakkhattum codetva dvikkhattum thatabbam chakkhattum codetva na thatabbam . tato ce uttarim vayamamano tam civaram abhinipphadeti payoge dukkatam patilabhena nissaggiyam hoti nissajjitabbam sanghassa va ganassa va puggalassa va . evanca pana bhikkhave nissajjitabbam .pe. idam @Footnote: 1 sabbattha parivattehiti dissati . 2 sabbattha pucchiyamanoti dissati.--------------------------------------------------------------------------------------------- page61.
Me bhante civaram atirekatikkhattum codanaya atirekachakkhattum thanena abhinipphaditam nissaggiyam imaham sanghassa nissajjamiti .pe. Dadeyyati .pe. dadeyyunti .pe. ayasmato dammiti . no ce abhinipphadeyya yatassa civaracetapanam abhatam tattha samam va gantabbam duto va pahetabbo yam kho tumhe ayasmanto bhikkhum uddissa civaracetapanam pahinittha na tam tassa bhikkhuno kinci attham anubhoti yunjantayasmanto sakam ma vo sakam vinassati . Ayam tattha samiciti ayam tattha anudhammata. [72] Atirekatikkhattum codanaya atirekachakkhattum thane 1- atirekasanni abhinipphadeti nissaggiyam pacittiyam . atirekatikkhattum codanaya atirekachakkhattum thane vematiko abhinipphadeti nissaggiyam pacittiyam . atirekatikkhattum codanaya atirekachakkhattum thane unakasanni abhinipphadeti nissaggiyam pacittiyam . unakatikkhattum codanaya unakachakkhattum thane atirekasanni apatti dukkatassa . Unakatikkhattum codanaya unakachakkhattum thane vematiko apatti dukkatassa . unakatikkhattum codanaya unakachakkhattum thane unakasanni anapatti. [73] Anapatti tikkhattum codanaya chakkhattum thanena unakatikkhattum codanaya unakachakkhattum thanena acodiyamano deti @Footnote: 1 sabbattha thanenati dissati.--------------------------------------------------------------------------------------------- page62.
Samiko codetva deti 1- ummattakassa adikammikassati. Dasamasikkhapadam nitthitam 2-. Civaravaggo 3- pathamo. ------- Tassuddanam dasekaratti maso ca 4- dhovapanam 5- patiggaho annatakanca uddissa 6- ubhinnam dutakena cati 7-. ------- @Footnote: 1 Ma. Yu. samika codetva denti . 2 Ma. rajasikkhapadam nitthitam dasamam. @3 Ma. Yu. kathinavaggo . 4 Ma. ubbhatam kathinam tini . 5 Ma. Yu. dhovananca. @6 Ma. Yu. annatakani tineva . 7 Yu. itisaddo natthi.The Pali Tipitaka in Roman Character Volume 2 page 54-62. https://84000.org/tipitaka/read/roman_read.php?B=2&A=926&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=926&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=70&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=10 Study Atthakatha :- https://84000.org/tipitaka/attha/attha.php?b=2&i=70 The Pali Atthakatha in Thai :- https://84000.org/tipitaka/atthapali/read_th.php?B=2&A=4247 The Pali Atthakatha in Roman :- https://84000.org/tipitaka/atthapali/read_rm.php?B=2&A=4247 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]