|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Navamasikkhapadam [567] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhu sati karaniye senam gantva atirekatirattam senaya vasanti . Manussa ujjhayanti khiyanti vipacenti katham hi nama samana sakyaputtiya senaya vasissanti amhakampi alabha amhakampi dulladdham ye mayam ajivassa hetu puttadarassa karana senaya pativasamati. {567.1} Assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu atirekatirattam senaya vasissantiti .pe. saccam kira tumhe bhikkhave atirekatirattam senaya vasathati . saccam bhagavati . vigarahi buddho bhagava katham hi nama tumhe moghapurisa atirekatirattam senaya vasissatha netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {567.2} siya ca tassa bhikkhuno kocideva paccayo senam gamanaya dvirattatirattam tena bhikkhuna senaya vasitabbam . Tato ce uttarim vaseyya pacittiyanti. [568] Siya ca tassa bhikkhuno kocideva paccayo senam--------------------------------------------------------------------------------------------- page378.
Gamanayati siya paccayo siya karaniyam . dvirattatirattam tena bhikkhuna senaya vasitabbanti dve tisso rattiyo vasitabbam . tato ce uttarim vaseyyati catutthe divase atthangate suriye senaya vasati apatti pacittiyassa. [569] Atirekatiratte atirekasanni senaya vasati apatti pacittiyassa . atirekatiratte vematiko senaya vasati apatti pacittiyassa . atirekatiratte unakasanni senaya vasati apatti pacittiyassa . unakatiratte atirekasanni apatti dukkatassa . Unakatiratte vematiko apatti dukkatassa . unakatiratte unakasanni anapatti. [570] Anapatti dve tisso rattiyo vasati unakadvetisso rattiyo vasati dve rattiyo vasitva tatiyaya rattiya puraruna nikkhamitva puna vasati gilano vasati gilanassa karaniyena vasati sena patisenaya ruddha hoti kenaci palibuddho hoti apadasu ummattakassa adikammikassati. Navamasikkhapadam nitthitam. --------The Pali Tipitaka in Roman Character Volume 2 page 377-378. https://84000.org/tipitaka/read/roman_read.php?B=2&A=6766&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=6766&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=567&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=85 Study Atthakatha :- https://84000.org/tipitaka/attha/attha.php?b=2&i=567 The Pali Atthakatha in Thai :- https://84000.org/tipitaka/atthapali/read_th.php?B=2&A=9487 The Pali Atthakatha in Roman :- https://84000.org/tipitaka/atthapali/read_rm.php?B=2&A=9487 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]