|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Pancamasikkhapadam [543] Tena samayena buddho bhagava savatthiyam viharati jetavane anathapindikassa arame . tena kho pana samayena ayasma upanando sakyaputto sahayakassa gharam gantva tassa pajapatiya saddhim eko ekaya raho nisajjam kappesi . athakho so puriso ujjhayati khiyati vipaceti katham hi nama ayyo upanando mayham pajapataya saddhim eko ekaya raho nisajjam kappessatiti . Assosum kho bhikkhu tassa purisassa ujjhayantassa khiyantassa vipacentassa . ye te bhikkhu appiccha .pe. te ujjhayanti khiyanti vipacenti katham hi nama ayasma upanando sakyaputto matugamena saddhim eko ekaya raho nisajjam kappessatiti .pe. saccam kira tvam upananda matugamena saddhim eko ekaya raho nisajjam kappesiti . saccam bhagavati . vigarahi buddho bhagava katham hi nama tvam moghapurisa matugamena saddhim eko ekaya raho nisajjam kappessasi netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {543.1} yo pana bhikkhu matugamena saddhim eko ekaya raho nisajjam kappeyya pacittiyanti. [544] Yo panati yo yadiso .pe. bhikkhuti .pe.--------------------------------------------------------------------------------------------- page360.
Ayam imasmim atthe adhippeto bhikkhuti . matugamo nama manussitthi na yakkhi na peti na tiracchanagata vinnu patibala subhasitadubbhasitam dutthulladutthullam ajanitum . saddhinti ekato . eko ekayati bhikkhu ceva hoti matugamo ca . raho nama cakkhussa raho sotassa raho . cakkhussa raho nama na sakka hoti akkhini va nikhaniyamane bhamukam va ukkhipiyamane sisam va ukkhipiyamane passitum . Sotassa raho nama na sakka hoti pakatikatha sotum. {544.1} Nisajjam kappeyyati matugame nisinne bhikkhu upanisinno va hoti upanipanno va apatti pacittiyassa . Bhikkhu nisinne matugamo upanisinno va hoti upanipanno va apatti pacittiyassa . ubho va nisinna honti ubho va nipanna apatti pacittiyassa. [545] Matugame matugamasanni eko ekaya raho nisajjam kappeti apatti pacittiyassa . matugame vematiko eko ekaya raho nisajjam kappeti apatti pacittiyassa . matugame amatugamasanni eko ekaya raho nisajjam kappeti apatti pacittiyassa . yakkhiya va petiya va pandakena va tiracchanagata- manussaviggahitthiya va saddhim eko ekaya raho nisajjam kappeti apatti dukkatassa . amatugame matugamasanni apatti dukkatassa . amatugame vematiko apatti dukkatassa . amatugame--------------------------------------------------------------------------------------------- page361.
Amatugamasanni anapatti. [546] Anapatti yo koci vinnu puriso dutiyo hoti titthati na nisidati arahopekkho annavihito nisidati ummattakassa adikammikassati. Pancamasikkhapadam nitthitam. ---------The Pali Tipitaka in Roman Character Volume 2 page 359-361. https://84000.org/tipitaka/read/roman_read.php?B=2&A=6447&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=6447&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=543&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=81 Study Atthakatha :- https://84000.org/tipitaka/attha/attha.php?b=2&i=543 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]