|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Chatthasikkhapadam [53] Tena samayena buddho bhagava savatthiyam viharati jetavane anathapindikassa arame . tena kho pana samayena ayasma upanando sakyaputto pattho 1- hoti dhammim katham katum . athakho annataro setthiputto yenayasma upanando sakyaputto tenupasankami upasankamitva ayasmantam upanandam sakyaputtam abhivadetva ekamantam nisidi . ekamantam nisinnam kho tam setthiputtam ayasma upanando sakyaputto dhammiya kathaya sandassesi samadapesi samuttejesi sampahamsesi. {53.1} Athakho so setthiputto ayasmata upanandena sakyaputtena dhammiya kathaya sandassito samadapito samuttejito sampahamsito ayasmantam upanandam sakyaputtam etadavoca vadeyyatha bhante yena attho patibala mayam ayyassa datum yadidam civarapindapatasenasanagilanapaccayabhesajjaparikkharanti 2- . sace me tvam avuso datukamosi ito ekam satakam dehiti . amhakam kho bhante kulaputtanam kismim viya ekasatakam gantum agametha 3- bhante yava gharam gacchami gharam gato ito va ekam satakam @Footnote: 1 Ma. patto . 2 Yu. civara ... parikkharananti . 3 Ma. Yu. agamehi.--------------------------------------------------------------------------------------------- page35.
Pahinissami ito va sundarataranti . dutiyampi kho ayasma upanando sakyaputto tam setthiputtam etadavoca sace me tvam avuso datukamosi ito ekam satakam dehiti . amhakam kho bhante kulaputtanam kismim viya ekasatakam gantum agametha bhante yava gharam gacchami gharam gato ito va ekam satakam pahinissami ito va sundarataranti. Tatiyampi kho ayasma upanando sakyaputto tam setthiputtam etadavoca sace me tvam avuso datukamosi ito ekam satakam dehiti. Amhakam kho bhante kulaputtanam kismim viya ekasatakam gantum agametha bhante yava gharam gacchami gharam gato ito va ekam satakam pahinissami ito va sundarataranti. Kim pana taya avuso adatukamena pavaritena yam tvam pavaretva na desiti. {53.2} Athakho so setthiputto ayasmata upanandena sakyaputtena nippiliyamano ekam satakam datva agamasi . manussa tam setthiputtam passitva etadavocum kissa tvam ayya 1- ekasatako agacchasiti. Athakho so setthiputto tesam manussanam etamattham arocesi. Manussa ujjhayanti khiyanti vipacenti mahiccha ime samana sakyaputtiya asantuttha nayime 2- sukara dhammanimantanaya 3- katum katham hi nama setthiputtena dhammanimantanaya @Footnote: 1 Ma. Yu. ayyo . 2 Ma. Yu. nayimesam . 3 Ma. Yu. dhammanimantanapi.--------------------------------------------------------------------------------------------- page36.
Kayiramanaya satakam ganhissantiti 1- . assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha santuttha .pe. te ujjhayanti khiyanti vipacenti katham hi nama ayasma upanando sakyaputto setthiputtam civaram vinnapessatiti . athakho te bhikkhu bhagavato etamattham arocesum . Saccam kira tvam upananda setthiputtam civaram vinnapesiti . saccam bhagavati 2- . natako te upananda annatakoti . annatako bhagavati . annatako moghapurisa annatakassa na janati patirupam va appatirupam va santam va asantam va tattha nama tvam moghapurisa annatakam setthiputtam civaram vinnapessasi netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {53.3} yo pana bhikkhu annatakam gahapatim va gahapatanim va civaram vinnapeyya nissaggiyam pacittiyanti. {53.4} Evancidam bhagavata bhikkhunam sikkhapadam pannattam hoti. [54] Tena kho pana samayena sambahula bhikkhu saketa savatthim addhanamaggapatipanna honti . antaramagge cora nikkhamitva te bhikkhu acchindimsu . athakho te bhikkhu bhagavata patikkhittam annatakam gahapatim va gahapatanim va civaram vinnapetunti @Footnote: 1 Ma. Yu. gahessantiti . 2 Yu. itisaddo natthi.--------------------------------------------------------------------------------------------- page37.
Kukkuccayanta na vinnapesum yathanagga va savatthim gantva bhikkhu abhivadenti . bhikkhu evamahamsu sundara kho ime avuso ajivaka ye ime bhikkhu abhivadentiti . Te evamahamsu na mayam avuso ajivaka bhikkhu mayanti . bhikkhu ayasmantam upalim etadavocum ingha avuso upali ime anuyunjahiti . athakho 1- te bhikkhu ayasmata upalina anuyunjiyamana etamattham arocesum 1-. {54.1} Athakho ayasma upali te bhikkhu anuyunjitva bhikkhu etadavoca bhikkhu ime avuso detha tesam 2- civaraniti. Ye te bhikkhu appiccha .pe. te ujjhayanti khiyanti vipacenti katham hi nama bhikkhu nagga agacchissanti nanu nama tinena va paticchadetva agantabbanti . athakho te bhikkhu bhagavato etamattham arocesum . Athakho bhagava etasmim nidane etasmim pakarane [3]- dhammim katham katva bhikkhu amantesi anujanami bhikkhave acchinnacivarassa va natthacivarassa va annatakam gahapatim va gahapatanim va civaram vinnapetum yam avasam pathamam upagacchati sace tattha hoti sanghassa viharacivaram va uttarattharanam va bhummattharanam 4- va bhisicchavi va tam gahetva parupitum tanca kho 5- labhitva odahissamiti no ce hoti sanghassa viharacivaram va uttarattharanam va bhummattharanam @Footnote: 1 Yu. ime patha natthi . 2 Ma. Yu. nesam . 3 Po. bhikkhusangham sannipatapetva. @4 Ma. bhumattharanam . 5 Ma. Yu. tanca khoti patho natthi.--------------------------------------------------------------------------------------------- page38.
Va bhisicchavi va tinena va pannena va paticchadetva agantabbam natveva naggena agantabbam yo agaccheyya apatti dukkatassa . Evanca pana bhikkhave imam sikkhapadam uddiseyyatha {54.2} yo pana bhikkhu annatakam gahapatim va gahapatanim va civaram vinnapeyya annatra samaya nissaggiyam pacittiyam . tatthayam samayo acchinnacivaro va hoti bhikkhu natthacivaro va ayam tattha samayoti. [55] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . annatako nama matito va pitito va yava sattama pitamahayuga asambaddho . gahapati nama yo koci agaram ajjhavasati . gahapatani nama ya kaci agaram ajjhavasati . civaram nama channam civaranam annataram civaram vikappanupagam pacchimam 1- . annatra samayati thapetva samayam . acchinnacivaro nama bhikkhussa civaram acchinnam hoti rajuhi va corehi va dhuttehi va yehi kehici va acchinnam hoti. Natthacivaro nama bhikkhussa civaram aggina va daddham hoti udakena va vulham hoti undurehi va upacikahi va khayitam hoti paribhogajinnam va hoti . annatra samaya vinnapeti payoge dukkatam patilabhena nissaggiyam hoti nissajjitabbam sanghassa va ganassa @Footnote: 1 Yu. vikappanupagapacchimam.--------------------------------------------------------------------------------------------- page39.
Va puggalassa va . evanca pana bhikkhave nissajjitabbam .pe. idam me bhante civaram annatakam gahapatikam annatra samaya vinnapitam nissaggiyam imaham sanghassa nissajjamiti .pe. dadeyyati .pe. Dadeyyunti .pe. Ayasmato dammiti. [56] Annatake annatakasanni annatra samaya civaram vinnapeti nissaggiyam pacittiyam annatake vematiko annatra samaya civaram vinnapeti nissaggiyam pacittiyam . annatake annatakasanni annatra samaya civaram vinnapeti nissaggiyam pacittiyam . natake annatakasanni apatti dukkatassa . Natake vematiko apatti dukkatassa . natake natakasanni anapatti. [57] Anapatti samaye natakanam pavaritanam annassatthaya attano dhanena ummattakassa adikammikassati. Chatthasikkhapadam nitthitam. -------The Pali Tipitaka in Roman Character Volume 2 page 34-39. https://84000.org/tipitaka/read/roman_read.php?B=2&A=587&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=587&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=53&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=6 Study Atthakatha :- https://84000.org/tipitaka/attha/attha.php?b=2&i=53 The Pali Atthakatha in Thai :- https://84000.org/tipitaka/atthapali/read_th.php?B=2&A=4049 The Pali Atthakatha in Roman :- https://84000.org/tipitaka/atthapali/read_rm.php?B=2&A=4049 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]