ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)

                      Atthamasikkhapadam
     [456]  Tena  samayena  buddho  bhagava  savatthiyam  viharati jetavane
anathapindikassa  arame  .  tena  kho  pana  samayena  chabbaggiya  bhikkhu
bhikkhunihi  saddhim  samvidhaya  ekanavam  1-  abhiruhanti  .  manussa ujjhayanti
khiyanti   vipacenti  yatheva  mayam  sappajapatika  ekanavaya  2-  kilama
evamevime  samana  sakyaputtiya  bhikkhunihi  saddhim  samvidhaya ekanavaya 3-
kilantiti   .   assosum   kho   bhikkhu   tesam   manussanam   ujjhayantanam
khiyantanam   vipacentanam   .   ye   te  bhikkhu  appiccha  .pe.  te
ujjhayanti   khiyanti   vipacenti   katham   hi   nama   chabbaggiya   bhikkhu
bhikkhunihi saddhim samvidhaya ekanavam 4- abhiruhissantiti.
     {456.1}   Athakho  ge  bhikkhu  bhagavato  etamattham  arocesum .
Athakho   bhagava   chabbaggiye  bhikkhu  patipucchi  saccam  kira  tumhe  bhikkhave
bhikkhunihi   saddhim   samvidhaya   ekanavam  abhiruhathati  .  saccam  bhagavati .
Vigarahi  buddho  bhagava  katham  hi  nama  tumhe  moghapurisa  bhikkhunihi  saddhim
samvidhaya   ekanavam   abhiruhissatha   netam   moghapurisa   appasannanam  va
pasadaya .pe. Evanca pana bhikkhave imam sikkhapadam uddiseyyatha
     {456.2}      yo      pana     bhikkhu     bhikkhuniya     saddhim
samvidhaya    ekanavam    abhiruheyya    5-    uddhagaminim    6-    va
@Footnote: 1-4 Ma. Yu. ekam navam. evamidisesu padesu .  2-3 Ma. Yu. navaya.
@5 Ma. abhiruheyya. evamuparipi .  6 uddhangaminintipi patho.
Adhogaminim va pacittiyanti.
     {456.3} Evancidam bhagavata bhikkhunam sikkhapadam pannattam hoti.
     [457]  Tena  kho  pana  samayena  sambahula  bhikkhu  ca bhikkhuniyo ca
saketa    savatthim   addhanamaggapatipanna   honti   .   antaramagge
nadi  uttaritabba  1-  hoti  .  athakho ta bhikkhuniyo te bhikkhu etadavocum
mayampi   ayyehi   saddhim   uttarissamati  .  na  bhagini  kappati  bhikkhuniya
saddhim  samvidhaya  ekanavam  abhiruhitum  tumhe  va  pathamam  uttaratha  mayam  va
uttarissamati   .   ayya   bhante   aggapurisa   ayya   va   pathamam
uttarantuti   .   athakho   tasam   bhikkhuninam   paccha   uttarantinam  cora
acchindimsu ceva dusesunca.
     {457.1}   Athakho   ta   bhikkhuniyo   savatthim  gantva  bhikkhuninam
etamattham   arocesum   .   bhikkhuniyo  bhikkhunam  etamattham  arocesum .
Bhikkhu  bhagavato  etamattham  arocesum  .  athakho  bhagava  etasmim nidane
etasmim   pakarane   dhammim   katham   katva   bhikkhu  amantesi  anujanami
bhikkhave   tiriyantaranaya   bhikkhuniya   saddhim   samvidhaya  ekanavam  abhiruhitum
evanca pana bhikkhave imam sikkhapadam uddiseyyatha
     {457.2}   yo   pana  bhikkhu  bhikkhuniya  saddhim  samvidhaya  ekanavam
abhiruheyya  uddhagaminim  va  adhogaminim  va  annatra  tiriyantaranaya  2-
pacittiyanti.
     [458]  Yo  panati  yo  yadiso  .pe. Bhikkhuti .pe. Ayam imasmim
atthe    adhippeto    bhikkhuti    .    bhikkhuni    nama    ubhatosanghe
@Footnote: 1 Ma. taritabba .  2 Ma. tiriyam taranaya. evamidisesu padesu.
Upasampanna   .   saddhinti   ekato   .   samvidhayati  abhiruhama  bhagini
abhiruhama   ayya   abhiruhama   ayya  abhiruhama  bhagini  ajja  va  hiyyo
va    pare    va   abhiruhamati   samvidahati   apatti   dukkatassa  .
Bhikkhuniya    abhirulhe    bhikkhu    abhiruhati   apatti   pacittiyassa  .
Bhikkhusmim    abhirulhe    bhikkhuni    abhiruhati   apatti   pacittiyassa  .
Ubhato    va    abhiruhati    apatti   pacittiyassa   .   uddhagamininti
ujjavanikaya     .     adhogamininti     ojavanikaya    .    annatra
tiriyantaranayati    thapetva   tiriyantaranam   .   kukkutasampate   game
gamantare   gamantare   apatti   pacittiyassa   .  agamake  aranne
addhayojane addhayojane apatti pacittiyassa.
     [459]   Samvidahite   samvidahitasanni   ekanavam  abhiruhati  uddhagaminim
va   adhogaminim   va  annatra  tiriyantaranaya  apatti  pacittiyassa .
Samvidahite   vematiko   ekanavam   abhiruhati   uddhagaminim  va  adhogaminim
va    annatra   tiriyantaranaya   apatti   pacittiyassa   .   samvidahite
asamvidahitasanni   ekanavam   abhiruhati   uddhagaminim   va   adhogaminim  va
annatra    tiriyantaranaya   apatti   pacittiyassa   .   bhikkhu   samvidahati
bhikkhuni   na   samvidahati   apatti   dukkatassa  .  asamvidahite  samvidahitasanni
apatti   dukkatassa   .   asamvidahite   vematiko  apatti  dukkatassa .
Asamvidahite asamvidahitasanni anapatti.
     [460]    Anapatti    tiriyantaranaya    asamvidahitva    abhiruhanti
Bhikkhuni   samvidahati   bhikkhu   na  samvidahati  visanketena  abhiruhanti  apadasu
ummattakassa adikammikassati.
                   Atthamasikkhapadam nitthitam.
                             -------



             The Pali Tipitaka in Roman Character Volume 2 page 294-297. https://84000.org/tipitaka/read/roman_read.php?B=2&A=5292&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=5292&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=2&item=456&items=5              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=64              Study Atthakatha :- https://84000.org/tipitaka/attha/attha.php?b=2&i=456              The Pali Atthakatha in Thai :- https://84000.org/tipitaka/atthapali/read_th.php?B=2&A=8011              The Pali Atthakatha in Roman :- https://84000.org/tipitaka/atthapali/read_rm.php?B=2&A=8011              Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]