|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Sattamasikkhapadam [451] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhu bhikkhunihi saddhim samvidhaya ekaddhanamaggam patipajjanti . manussa ujjhayanti khiyanti vipacenti yatheva mayam sappajapatika ahindama evamevime samana sakyaputtiya bhikkhunihi saddhim ahindantiti . Assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu bhikkhunihi saddhim samvidhaya ekaddhanamaggam patipajjissantiti .pe. saccam kira tumhe bhikkhave bhikkhunihi saddhim samvidhaya ekaddhanamaggam patipajjathati . Saccam bhagavati . vigarahi buddho bhagava katham hi nama tumhe moghapurisa bhikkhunihi saddhim samvidhaya ekaddhanamaggam patipajjissatha netam moghapurisa appasannanam va pasadaya .pe. evanca pana bhikkhave imam sikkhapadam uddiseyyatha {451.1} yo pana bhikkhu bhikkhuniya saddhim samvidhaya ekaddhanamaggam patipajjeyya antamaso gamantarampi pacittiyanti. {451.2} Evancidam bhagavata bhikkhunam sikkhapadam pannattam hoti. [452] Tena kho pana samayena sambahula bhikkhu ca bhikkhuniyo--------------------------------------------------------------------------------------------- page291.
Ca saketa savatthim addhanamaggapatipanna honti . athakho ta bhikkhuniyo te bhikkhu passitva etadavocum mayampi ayyehi saddhim gamissamati . na bhagini kappati bhikkhuniya saddhim samvidhaya ekaddhanamaggam patipajjitum tumhe va pathamam gacchatha mayam va gamissamati . ayya bhante aggapurisa ayya va pathamam gacchantuti. Athakho tasam bhikkhuninam paccha gacchantinam antaramagge cora acchindimsu ceva dusesunca . athakho ta bhikkhuniyo savatthim gantva bhikkhuninam etamattham arocesum . bhikkhuniyo bhikkhunam etamattham arocesum. Bhikkhu bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave satthagamaniye magge sasankasammate sappatibhaye bhikkhuniya saddhim samvidhaya ekaddhanamaggam patipajjitum evanca pana bhikkhave imam sikkhapadam uddiseyyatha {452.1} yo pana bhikkhu bhikkhuniya saddhim samvidhaya ekaddhanamaggam patipajjeyya antamaso gamantarampi annatra samaya pacittiyam . Tatthayam samayo satthagamaniyo hoti maggo sasankasammato sappatibhayo ayam tattha samayoti. [453] Yo panati yo yadiso .pe. bhikkhuti .pe. ayam imasmim atthe adhippeto bhikkhuti . bhikkhuni nama ubhatosanghe upasampanna . saddhinti ekato . samvidhayati gacchama bhagini gacchama ayya gacchama ayya 1- gacchama bhagini ajja va @Footnote: 1 Ma. gacchamayya gacchamayya. evamidisesu thanesu.--------------------------------------------------------------------------------------------- page292.
Hiyyo va pare va gacchamati samvidahati apatti dukkatassa . Antamaso gamantarampiti kukkutasampate game gamantare apatti pacittiyassa . agamake aranne addhayojane addhayojane apatti pacittiyassa . annatra samayati thapetva samayam . Satthagamaniyo nama maggo na sakka hoti vina satthena gantum . Sasankam nama tasmim magge coranam nivitthokaso dissati bhuttokaso dissati thitokaso dissati nisinnokaso dissati nipannokaso dissati . sappatibhayam nama tasmim magge corehi manussa hata dissanti vilutta dissanti akotita dissanti . sappatibhayam gantva appatibhayam passitva 1- uyyojetabba gacchatha bhaginiyoti. [454] Samvidahite samvidahitasanni ekaddhanamaggam patipajjati antamaso gamantarampi annatra samaya apatti pacittiyassa . Samvidahite vematiko ekaddhanamaggam patipajjati antamaso gamantarampi annatra samaya apatti pacittiyassa . samvidahite asamvidahitasanni ekaddhanamaggam patipajjati antamaso gamantarampi annatra samaya apatti pacittiyassa . bhikkhu samvidahati bhikkhuni na samvidahati apatti dukkatassa . asamvidahite samvidahitasanni apatti dukkatassa . Asamvidahite vematiko apatti dukkatassa . asamvidahite asamvidahitasanni anapatti. [455] Anapatti samaye asamvidahitva gacchanti bhikkhuni @Footnote: 1 Ma. dassetva.--------------------------------------------------------------------------------------------- page293.
Samvidahati bhikkhu na samvidahati visanketena gacchanti apadasu ummattakassa adikammikassati. Sattamasikkhapadam nitthitam. -------The Pali Tipitaka in Roman Character Volume 2 page 290-293. https://84000.org/tipitaka/read/roman_read.php?B=2&A=5226&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=5226&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=451&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=63 Study Atthakatha :- https://84000.org/tipitaka/attha/attha.php?b=2&i=451 The Pali Atthakatha in Thai :- https://84000.org/tipitaka/atthapali/read_th.php?B=2&A=7949 The Pali Atthakatha in Roman :- https://84000.org/tipitaka/atthapali/read_rm.php?B=2&A=7949 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]