PaliRoman Vol.2

page274.

Dutiyasikkhapadam [424] Tena samayena buddho bhagava savatthiyam viharati jetavane anathapindikassa arame . tena kho pana samayena thera bhikkhu bhikkhuniyo ovadanti pariyayena . tena kho pana samayena ayasmato culapanthakassa pariyayo hoti bhikkhuniyo ovaditum . bhikkhuniyo evamahamsu nadani ajja ovado iddho bhavissati tannevadani udanam ayyo culapanthako punappunam bhanissatiti . athakho ta bhikkhuniyo yenayasma culapanthako tenupasankamimsu upasankamitva ayasmantam culapanthakam abhivadetva ekamantam nisidimsu . ekamantam nisinna kho ta bhikkhuniyo ayasma culapanthako etadavoca samaggattha bhaginiyoti . samaggamhayyati . vattanti bhaginiyo attha garudhammati . vattanti ayyati . eso bhaginiyo ovadoti niyyadetva imam udanam punappunam abhasi adhicetaso appamajjato munino monapathesu sikkhato soka na bhavanti tadino upasantassa sada satimatoti. [425] Bhikkhuniyo evamahamsu nanu avocumha nadani ajja ovado iddho bhavissati tannevadani udanam ayyo culapanthako

--------------------------------------------------------------------------------------------- page275.

Punappunam bhanissatiti . assosi kho ayasma culapanthako tasam bhikkhuninam imam kathasallapam . athakho ayasma culapanthako vehasam abbhuggantva akase antalikkhe cankamatipi titthatipi nisidatipi seyyampi kappeti dhumayatipi pajjalatipi antaradhayatipi tanneva ^1- udanam bhanati annanca bahum buddhavacanam . bhikkhuniyo evamahamsu acchariyam vata bho abbhutam vata bho na vata no ito pubbe ovado evam iddho bhutapubbo yatha ayyassa culapanthakassati . athakho ayasma culapanthako ta bhikkhuniyo yava samandhakara ovaditva uyyojesi gacchatha bhaginiyoti. {425.1} Athakho ta bhikkhuniyo nagaradvare thakkite ^2- bahinagare vasitva kalasseva nagaram pavisanti . manussa ujjhayanti khiyanti vipacenti abrahmacariniyo ima bhikkhuniyo arame bhikkhuhi saddhim vasitva idani nagaram pavisantiti . assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. te ujjhayanti khiyanti vipacenti katham hi nama ayasma culapanthako atthangate suriye ^3- bhikkhuniyo ovadissatiti .pe. Saccam kira tvam culapanthaka atthangate suriye bhikkhuniyo ovadasiti . Saccam bhagavati . vigarahi buddho bhagava katham hi nama tvam culapanthaka atthangate suriye bhikkhuniyo ovadissasi netam culapanthaka appasannanam va pasadaya .pe. Evanca pana bhikkhave imam sikkhapadam uddiseyyatha @Footnote: ¹ Ma. tanceva . ² Ma. thakite . ³ Ma. suriye. evamuparipi.

--------------------------------------------------------------------------------------------- page276.

{425.2} Sammatopi ce bhikkhu atthangate suriye bhikkhuniyo ovadeyya pacittiyanti. [426] Sammato nama natticatutthena kammena sammato . Atthangate suriyeti ogate ^1- suriye . bhikkhuniyo nama ubhatosanghe upasampanna . ovadeyyati atthahi va garudhammehi annena va dhammena ovadati apatti pacittiyassa. [427] Atthangate atthangatasanni ovadati apatti pacittiyassa . atthangate vematiko ovadati apatti pacittiyassa . Atthangate anatthangatasanni ovadati apatti pacittiyassa . Ekato upasampannam ^2- ovadati apatti dukkatassa . anatthangate atthangatasanni apatti dukkatassa . anatthangate vematiko apatti dukkatassa. Anatthangate anatthangatasanni anapatti. [428] Anapatti uddesam dento paripuccham dento osarehi ayyati vuccamano osareti panham pucchati panham puttho katheti annassatthaya bhanantam bhikkhuniyo sunanti sikkhamanaya samaneriya ummattakassa adikammikassati. Dutiyasikkhapadam nitthitam. ------- @Footnote: ¹ Ma. oggate . ² yebhuyyena ekato upasampannayati patho dissati.