|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Dasamasikkhapadam [402] Tena samayena buddho bhagava alaviyam viharati aggalave cetiye . tena kho pana samayena alavika bhikkhu navakammam karonta janam sappanakam udakam tinampi mattikampi sincantipi sincapentipi . Ye te bhikkhu appiccha .pe. te ujjhayanti khiyanti vipacenti katham hi nama alavika bhikkhu janam sappanakam udakam tinampi mattikampi sincissantipi sincapessantipiti . athakho te bhikkhu bhagavato etamattham arocesum .pe. saccam kira tumhe bhikkhave janam sappanakam udakam tinampi mattikampi sincathapi sincapethapiti . Saccam bhagavati . vigarahi buddho bhagava katham hi nama tumhe moghapurisa janam sappanakam udakam tinampi mattikampi sancissathapi sincapessathapi netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {402.1} yo pana bhikkhu janam sappanakam udakam tinam va mattikam va sinceyya va sincapeyya va pacittiyanti. [403] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . janam 1- nama samam va janati anne va tassa arocenti. [404] Sinceyyati sayam sincati apatti pacittiyassa . @Footnote: 1 Ma. janati.--------------------------------------------------------------------------------------------- page264.
Sincapeyyati annam anapeti apatti pacittiyassa . sakim anatto bahukampi sincati apatti pacittiyassa . sappanake sappanakasanni tinam va mattikam va sincati va sincapeti va apatti pacittiyassa . sappanake vematiko tinam va mattikam va sincati va sincapeti va apatti dukkatassa . Sappanake appanakasanni tinam va mattikam va sincati va sincapeti va anapatti . appanake sappanakasanni apatti dukkatassa . appanake vematiko apatti dukkatassa . Appanake appanakasanni anapatti. [405] Anapatti asancicca asatiya ajanantassa ummattakassa adikammikassati. Dasamasikkhapadam nitthitam. Bhutagamavaggo dutiyo. ------- Tassuddanam bhutam annaya ujjhayam pakkamantena te duve pubbe nikkaddhanahacca dvaram sappanakena 1- cati. ------- @Footnote: 1 Yu. dvarasappanakena.The Pali Tipitaka in Roman Character Volume 2 page 263-264. https://84000.org/tipitaka/read/roman_read.php?B=2&A=4714&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=4714&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=402&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=56 Study Atthakatha :- https://84000.org/tipitaka/attha/attha.php?b=2&i=402 The Pali Atthakatha in Thai :- https://84000.org/tipitaka/atthapali/read_th.php?B=2&A=7379 The Pali Atthakatha in Roman :- https://84000.org/tipitaka/atthapali/read_rm.php?B=2&A=7379 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]