ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)

                      Sattamasikkhapadam
     [298]  Tena  samayena  buddho  bhagava  savatthiyam  viharati  jetavane
anathapindikassa  arame  .  tena  kho  pana  samayena  ayasma  udayi
savatthiyam  kulupako  hoti  bahukani  kulani  upasankamati . Athakho ayasma
udayi    pubbanhasamayam   nivasetva   pattacivaramadaya   yena   annataram
kulam  tenupasankami  .  tena  kho pana samayena gharani  nivesanadvare nisinna
hoti  .  gharasunha  avasathadvare  nisinna  hoti  .  athakho  ayasma
udayi   yena   gharani   tenupasankami   upasankamitva  gharaniya  upakannake
dhammam  desesi  .  athakho  gharasunhaya  etadahosi  kinnu  kho  so samano
sassuya jaro udahu obhasatiti.
     {298.1}   Athakho   ayasma  udayi  gharaniya  upakannake  dhammam
desetva   yena   gharasunha   tenupasankami   upasankamitva   gharasunhaya
upakannake  dhammam  desesi  .  athakho  gharaniya  etadahosi  kinnu kho so
samano   gharasunhaya   jaro   udahu   obhasatiti  .  athakho  ayasma
udayi   gharasunhaya   upakannake   dhammam  desetva  pakkami  .  athakho
gharani  gharasunham  etadavoca  he je kim te so 1- samano avocati. Dhammam
me  ayye  desesi  ayyaya  pana kim avocati. Mayhampi dhammam desesiti.
@Footnote: 1 Ma. Yu. eso.
Ta   ujjhayanti   khiyanti   vipacenti   katham   hi  nama  ayyo  udayi
matugamassa   1-   upakannake  dhammam  desessati  nanu  nama  vissatthena
vivatena dhammo desetabboti.
     {298.2}  Assosum  kho  bhikkhu  tasam  itthinam  ujjhayantinam khiyantinam
vipacentinam  .  ye  te  bhikkhu  appiccha  .pe.  te ujjhayanti khiyanti
vipacenti   katham   hi   nama   ayasma   udayi   matugamassa   dhammam
desessatiti  .  athakho  te  bhikkhu  bhagavato  etamattham  arocesum .pe.
Saccam  kira  tvam  udayi  matugamassa  dhammam  desesiti . Saccam bhagavati.
Vigarahi   buddho   bhagava   katham   hi   nama  tvam  moghapurisa  matugamassa
dhammam   desessasi   netam  moghapurisa  appasannanam  va  pasadaya  .pe.
Evanca pana bhikkhave imam sikkhapadam uddiseyyatha
     {298.3} yo pana bhikkhu matugamassa dhammam deseyya pacittiyanti.
     {298.4} Evancidam bhagavata bhikkhunam sikkhapadam pannattam hoti.
     [299]  Tena  kho  pana  samayena upasika bhikkhu passitva etadavocum
ingha  ayya  dhammam  desethati  .  na  bhagini  kappati  matugamassa  dhammam
desetunti   .   ingha   ayya   chappancavacahi  dhammam  desetha  sakka
ettakenapi   dhammo   annatunti   .   na   bhagini  kappati  matugamassa
dhammam    desetunti    kukkuccayanta    na    desesum   .   upasika
ujjhayanti    khiyanti   vipacenti   katham   hi   nama   ayya   amhehi
yaciyamana   dhammam   na   desessantiti   .  assosum  kho  bhikkhu  tasam
@Footnote: 1 Ma. ayam patho natthi.
Upasikanam   ujjhayantinam   khiyantinam   vipacentinam  .  athakho  te  bhikkhu
bhagavato  etamattham  arocesum  .  athakho  bhagava etasmim nidane etasmim
pakarane   dhammim   katham   katva   bhikkhu   amantesi  anujanami  bhikkhave
matugamassa   chappancavacahi  dhammam  desetum  evanca  pana  bhikkhave  imam
sikkhapadam uddiseyyatha
     {299.1}   yo   pana   bhikkhu   matugamassa  uttarichappancavacahi
dhammam deseyya pacittiyanti.
     {299.2} Evancidam bhagavata bhikkhunam sikkhapadam pannattam hoti.
     [300]  Tena  kho  pana  samayena  chabbaggiya bhikkhu bhagavata anunnatam
matugamassa    chappancavacahi    dhammam   desetunti   .   te   avinnum
purisaviggaham     upanisidapetva     matugamassa     uttarichappancavacahi
dhammam  desenti  .  ye  te  bhikkhu appiccha .pe. Te ujjhayanti khiyanti
vipacenti   katham   hi   nama   chabbaggiya   bhikkhu   avinnum   purisaviggaham
upanisidapetva       matugamassa      uttarichappancavacahi      dhammam
desessantiti.
     {300.1}  Athakho te bhikkhu bhagavato etamattham arocesum .pe. Saccam
kira   tumhe   bhikkhave  avinnum  purisaviggaham  upanisidapetva  matugamassa
uttarichappancavacahi  dhammam  desethati  .  saccam  bhagavati. Vigarahi buddho
bhagava  katham  hi  nama  tumhe moghapurisa avinnum purisaviggaham upanisidapetva
matugamassa   uttarichappancavacahi   dhammam   desessatha  netam  moghapurisa
appasannanam  va  pasadaya  .pe.  evanca  pana  bhikkhave  imam sikkhapadam
Uddiseyyatha
     {300.2}   yo   pana   bhikkhu   matugamassa  uttarichappancavacahi
dhammam deseyya annatra vinnuna purisaviggahena pacittiyanti.
     [301] Yo panati yo yadiso .pe. Bhikkhuti .pe. Ayam imasmim atthe
adhippeto  bhikkhuti  .  matugamo  nama  manussitthi  na  yakkhi  na peti na
tiracchanagata    vinnu    patibala    subhasitadubbhasitam    dutthulladutthullam
ajanitum     .    uttarichappancavacahiti    atirekachappancavacahi   .
Dhammo   nama   buddhabhasito   savakabhasito   isibhasito  devatabhasito
atthupasanhito   dhammupasanhito   .   deseyyati   padena  deseti  pade
pade   apatti   pacittiyassa   .   akkharaya   deseti   akkharakkharaya
apatti    pacittiyassa    .    annatra    vinnuna    purisaviggahenati
thapetva   vinnum   purisaviggaham   .   vinnu   nama  purisaviggaho  patibalo
hoti subhasitadubbhasitam dutthulladutthullam ajanitum.
     [302]   Matugame   matugamasanni   uttarichappancavacahi   dhammam
deseti   annatra   vinnuna   purisaviggahena   apatti   pacittiyassa .
Matugame   vematiko   uttarichappancavacahi   dhammam   deseti   annatra
vinnuna    purisaviggahena    apatti    pacittiyassa    .    matugame
amatugamasanni     uttarichappancavacahi     dhammam    deseti    annatra
vinnuna    purisaviggahena    apatti   pacittiyassa   .   yakkhiya   va
petiya    va    pandakassa    va   tiracchanagatamanussaviggahitthiya   va
Uttarichappancavacahi   dhammam   deseti   annatra   vinnuna  purisaviggahena
apatti  dukkatassa  .  amatugame  matugamasanni  apatti  dukkatassa .
Amatugame  vematiko  apatti  dukkatassa  .  amatugame amatugamasanni
anapatti.
     [303]   Anapatti   vinnuna  purisaviggahena  chappancavacahi  dhammam
deseti   unakachappancavacahi   dhammam  deseti  utthahitva  puna  nisiditva
dhammam  deseti  matugamo  utthahitva  puna  nisidati  tasmim deseti annassa
matugamassa   deseti  panham  pucchati  panham  puttho  katheti  annassatthaya
bhanantam matugamo sunati ummattakassa adikammikassati.
                   Sattamasikkhapadam nitthitam.
                              -------



             The Pali Tipitaka in Roman Character Volume 2 page 203-207. https://84000.org/tipitaka/read/roman_read.php?B=2&A=3630&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=3630&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=2&item=298&items=6              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=43              Study Atthakatha :- https://84000.org/tipitaka/attha/attha.php?b=2&i=298              The Pali Atthakatha in Thai :- https://84000.org/tipitaka/atthapali/read_th.php?B=2&A=6374              The Pali Atthakatha in Roman :- https://84000.org/tipitaka/atthapali/read_rm.php?B=2&A=6374              Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]