PaliRoman Vol.2

Tatiyasikkhapadam [138] Tena samayena buddho bhagava savatthiyam viharati jetavane anathapindikassa arame . tena kho pana samayena ayasma pilindavaccho rajagahe pabbharam sodhapeti lenam kattukamo . Athakho raja magadho seniyo bimbisaro yenayasma pilindavaccho tenupasankami upasankamitva ayasmantam pilindavaccham abhivadetva ekamantam nisidi . ekamantam nisinno kho raja magadho seniyo bimbisaro ayasmantam pilindavaccham etadavoca kim bhante thero karapetiti. Pabbharam maharaja sodhapemi lenam kattukamoti. {138.1} Attho bhante ayyassa aramikenati . na kho maharaja bhagavata aramiko anunnatoti . tenahi bhante bhagavantam patipucchitva mama aroceyyathati . evam maharajati kho ayasma pilindavaccho ranno magadhassa seniyassa bimbisarassa paccassosi . Athakho ayasma pilindavaccho rajanam magadham seniyam bimbisaram dhammiya kathaya sandassesi samadapesi samuttejesi sampahamsesi . athakho raja magadho seniyo bimbisaro ayasmata pilindavacchena dhammiya kathaya sandassito samadapito samuttejito sampahamsito utthayasana ayasmantam pilindavaccham abhivadetva padakkhinam katva pakkami . Athakho ayasma pilindavaccho bhagavato santike dutam pahesi raja Bhante magadho seniyo bimbisaro aramikam datukamo katham nu kho bhante patipajjitabbanti . athakho bhagava etasmim nidane etasmim pakarane bhikkhusangham sannipatapetva ^1- dhammim katham katva bhikkhu amantesi anujanami bhikkhave aramikanti . dutiyampi kho raja magadho seniyo bimbisaro yenayasma pilindavaccho tenupasankami upasankamitva ayasmantam pilindavaccham abhivadetva ekamantam nisidi . ekamantam nisinno kho raja magadho seniyo bimbisaro ayasmantam pilindavaccham etadavoca anunnato bhante bhagavata aramikoti . evam maharajati . tenahi bhante ayyassa aramikam dammiti. {138.2} Athakho raja magadho seniyo bimbisaro ayasmato pilindavacchassa aramikam patissunitva vissaritva cirena satim patilabhitva annataram sabbatthakam mahamattam amantesi yo maya bhane ayyassa aramiko patissuto dinno so aramikoti . Na kho deva ayyassa aramiko dinnoti . kivaciram nu kho bhane ito ratti ^2- hotiti . athakho so mahamatto rattiyo ganetva ^3- rajanam magadham seniyam bimbisaram etadavoca panca deva rattisataniti . tenahi bhane ayyassa panca aramikasatani dehiti ^4- . evam devati kho so mahamatto ranno magadhassa seniyassa bimbisarassa patissunitva ayasmato pilindavacchassa panca aramikasatani @Footnote: ¹ Ma. Yu. idam pathadvayam natthi . ² Ma. hi tam. Yu. hitam. @³ Ma. Yu. viganetva . ⁴ Yu. dethati. Adasi ^1- . patiyekko gamo nivisi . aramikagamakotipi nam ahamsu pilindavacchagamakotipi ^2- nam ahamsu. [139] Tena kho pana samayena ayasma pilindavaccho tasmim gamake kulupako hoti . athakho ayasma pilindavaccho pubbanhasamayam nivasetva pattacivaramadaya pilindavacchagamakam pindaya pavisi . tena kho pana samayena tasmim gamake ussavo hoti. Daraka ^3- alankata malakita kilanti . athakho ayasma pilindavaccho pilindavacchagamake sapadanam pindaya caramano yena annatarassa aramikassa nivesanam tenupasankami upasankamitva pannatte asane nisidi. {139.1} Tena kho pana samayena tassa aramikiniya dhita anne darake alankate malakite passitva rodati malam me detha alankaram me dethati . athakho ayasma pilindavaccho tam aramikinim etadavoca kissayam darika rodatiti . Ayam bhante darika anne darake alankate malakite passitva rodati malam me detha alankaram me dethati kuto amhakam duggatanam mala kuto alankaroti . athakho ayasma pilindavaccho annataram tinandupakam ^4- gahetva tam aramikinim etadavoca handimam tinandupakam tassa darikaya sise patimuncahiti ^5- . athakho @Footnote: ¹ Ma. Yu. padasi . ² Ma. Yu. pilindagamakotipi . ³ Ma. Yu. darika. @⁴ Ma. Yu. tinandupakam. evamuparipi . ⁵ Ma. Yu. patimuncati. Sa aramikini tam tinandupakam gahetva tassa darikaya sise patimunci. Sa ahosi suvannamala abhirupa dassaniya pasadika . Natthi tadisa rannopi antepure suvannamala . manussa ranno magadhassa seniyassa bimbisarassa arocesum amukassa deva aramikassa ghare suvannamala abhirupa dassaniya pasadika natthi tadisa devassapi antepure suvannamala kuto tassa duggatassa nissamsayam corikaya abhatati. {139.2} Athakho raja magadho seniyo bimbisaro tam aramikakulam bandhapesi . dutiyampi kho ayasma pilindavaccho pubbanhasamayam nivasetva pattacivaramadaya pilindavacchagamakam pindaya pavisi pilindavacchagamake sapadanam pindaya caramano yena tassa aramikassa nivesanam tenupasankami upasankamitva pativissake pucchi kaham idam aramikakulam gatanti . etissa bhante suvannamalaya karana ranna bandhapitanti. {139.3} Athakho ayasma pilindavaccho yena ranno magadhassa seniyassa bimbisarassa nivesanam tenupasankami upasankamitva pannatte asane nisidi . athakho raja magadho seniyo bimbisaro yenayasma pilindavaccho tenupasankami upasankamitva ayasmantam pilindavaccham abhivadetva ekamantam nisidi . ekamantam nisinnam kho rajanam magadham seniyam bimbisaram ayasma pilindavaccho etadavoca kissa maharaja Aramikakulam bandhapitanti . tassa bhante aramikassa ghare suvannamala abhirupa dassaniya pasadika natthi tadisa amhakampi antepure suvannamala kuto tassa duggatassa nissamsayam corikaya abhatati . athakho ayasma pilindavaccho ranno magadhassa seniyassa bimbisarassa pasadam suvannanti adhimucci . so ahosi sabbasovannamayo . idam pana te maharaja tavabahum suvannam kutoti . annatam bhante ayyasseveso ^1- iddhanubhavoti tam aramikakulam muncapesi. [140] Manussa ayyena kira pilindavacchena sarajikaya parisaya uttarimanussadhammam iddhipatihariyam ^2- dassitanti attamana abhippasanna ayasmato pilindavacchassa panca bhesajjani abhiharimsu seyyathidam sappi navanitam telam madhu phanitam . Pakatiyapicayasma pilindavaccho labhi hoti pancannam bhesajjanam laddham laddham parisaya vissajjeti . parisa cassa hoti bahullika laddham laddham kolambepi ghatepi puretva patisameti parissavananipi thavikayopi puretva vatapanesu laggeti . tani olinavilinani titthanti . undurehipi vihara okinnavikinna honti . manussa viharacarikam ahindanta passitva ujjhayanti khiyanti vipacenti antokotthagarika ime samana sakyaputtiya seyyathapi raja magadho seniyo @Footnote: ¹ Yu. ayyassa so . ² iddhippatihariyanti amhakam mati. Bimbisaroti . assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. te ujjhayanti khiyanti vipacenti katham hi nama bhikkhu evarupaya bahullaya cetessantiti . athakho te bhikkhu bhagavato etamattham arocesum . saccam kira bhikkhave bhikkhu evarupaya bahullaya cetentiti . saccam bhagavati . vigarahi buddho bhagava katham hi nama te bhikkhave moghapurisa evarupaya bahullaya cetessanti netam bhikkhave appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {140.1} yani kho pana tani gilananam bhikkhunam patisayaniyani bhesajjani seyyathidam sappi navanitam telam madhu phanitam . tani patiggahetva sattahaparamam sannidhikarakam paribhunjitabbani tam atikkamayato nissaggiyam pacittiyanti. [141] Yani kho pana tani gilananam bhikkhunam patisayaniyani bhesajjaniti sappi nama gosappi va ajikasappi va mahisasappi ^1- va . yesam mamsam kappati tesam sappi. Navanitam nama tesamyeva navanitam. Telam nama tilatelam sasapatelam madhukatelam erandatelam vasatelam . Madhu nama makkhikamadhu . phanitam nama ucchumha nibbattam . tani patiggahetva sattahaparamam sannidhikarakam paribhunjitabbaniti sattahaparamata paribhunjitabbani . tam atikkamayato @Footnote: ¹ Ma. mahimsasappi. Yu. mahisam va sappi. Nissaggiyam hoti ^1- atthame arunuggamane nissaggiyam hoti nissajjitabbam sanghassa va ganassa va puggalassa va . evanca pana bhikkhave nissajjitabbam .pe. idam me bhante bhesajjam sattahatikkantam nissaggiyam imaham sanghassa nissajjamiti .pe. dadeyyati .pe. Dadeyyunti .pe. Ayasmato dammiti. [142] Sattahatikkante atikkantasanni nissaggiyam pacittiyam . Sattahatikkante vematiko nissaggiyam pacittiyam . sattahatikkante anatikkantasanni nissaggiyam pacittiyam . anadhitthite anadhitthitasanni nissaggiyam pacittiyam . avissajjite vissajjitasanni nissaggiyam pacittiyam . anatthe natthasanni nissaggiyam pacittiyam . avinatthe vinatthasanni nissaggiyam pacittiyam . adaddhe daddhasanni nissaggiyam pacittiyam. Avilutte viluttasanni nissaggiyam pacittiyam. [143] Nissattham patilabhitva na kayikena paribhogena paribhunjitabbam na ajjhoharitabbam . padipe va kalavanne va upanetabbam. Annena bhikkhuna kayikena paribhogena paribhunjitabbam na ajjhoharitabbam . Sattahanatikkante atikkantasanni apatti dukkatassa . Sattahanatikkante vematiko apatti dukkatassa . sattahanatikkante anatikkantasanni anapatti. @Footnote: ¹ ito param sabbattha itisaddo dissati. so atirekoti veditabbo. tassa @atirekata pathamakathinasikkhapade vuttanayena veditabba. [144] Anapatti antosattaham adhittheti vissajjeti nassati vinassati dayhati acchinditva ganhati ^1- vissasam ganhati ^2- anupasampannassa cattena vantena muttena anapekkho datva patilabhitva paribhunjati ummattakassa adikammikassati. Tatiyasikkhapadam nitthitam. ------- @Footnote: ^1-2 Ma. Yu. ganhanti.

The Pali Tipitaka in Roman Character Volume 2 page 117-124. https://84000.org/tipitaka/read/roman_read.php?B=2&A=2058&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=2058&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=138&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=23 Study Atthakatha :- https://84000.org/tipitaka/attha/attha.php?b=2&i=138 The Pali Atthakatha in Thai :- https://84000.org/tipitaka/atthapali/read_th.php?B=2&A=5277 The Pali Atthakatha in Roman :- https://84000.org/tipitaka/atthapali/read_rm.php?B=2&A=5277 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2