|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Atthamasikkhapadam [105] Tena samayena buddho bhagava rajagahe viharati veluvane kalandakanivape . tena kho pana samayena ayasma upanando sakyaputto annatarassa kulassa kulupako hoti niccabhattiko . Yam tasmim kule uppajjati khadaniyam va bhojaniyam va tato ayasmato upanandassa sakyaputtassa pativiso thapito hoti 1- . tena kho pana samayena sayam tasmim kule mamsam uppannam hoti . tato ayasmato upanandassa sakyaputtassa pativiso thapito hoti . tassa kulassa darako rattiya paccusasamayam paccutthaya rodati mamsam me dethati . Athakho so puriso pajapatim etadavoca ayyassa pativisam darakassa dehi annam cetapetva ayyassa dassamati. {105.1} Athakho ayasma upanando sakyaputto pubbanhasamayam nivasetva pattacivaramadaya yena tam kulam tenupasankami upasankamitva pannatte asane nisidi . athakho so puriso yenayasma upanando sakyaputto tenupasankami upasankamitva ayasmantam upanandam sakyaputtam abhivadetva ekamantam nisidi . ekamantam nisinno kho so puriso ayasmantam upanandam sakyaputtam etadavoca hiyyo kho bhante sayam mamsam uppannam 2- tato ayyassa pativiso thapito @Footnote: 1 Ma. Yu. thapiyyati . 2 Ma. Yu. uppannam ahosi.--------------------------------------------------------------------------------------------- page90.
Ayam bhante darako rattiya paccusasamayam paccutthaya rodati mamsam me dethati ayyassa pativiso darakassa dinno kahapanena bhante kim ahariyatuti 1- . pariccatto me avuso kahapanoti . ama bhante pariccattoti. Tanneva me avuso kahapanam dehiti. {105.2} Athakho so puriso ayasmato upanandassa sakyaputtassa kahapanam datva ujjhayati khiyati vipaceti yatheva mayam rupiyam patigganhama evamevime samana sakyaputtiya rupiyam patigganhantiti . assosum kho bhikkhu tassa purissa ujjhayantassa khiyantassa vipacentassa . ye te bhikkhu appiccha .pe. te ujjhayanti khiyanti vipacenti katham hi nama ayasma upanando sakyaputto rupiyam patiggahessatiti . athakho te bhikkhu bhagavato etamattham arocesum . saccam kira tvam upananda rupiyam patigganhasiti 2- . saccam bhagavati . vigarahi buddho bhagava katham hi nama tvam moghapurisa rupiyam patiggahessasi netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave imam sikkhapadam uddiseyyatha {105.3} yo pana bhikkhu jataruparajatam ugganheyya va ugganhapeyya va upanikkhittam va sadiyeyya nissaggiyam pacittiyanti. [106] Yo panati yo yadiso .pe. bhikkhuti .pe. ayam imasmim atthe adhippeto bhikkhuti . jatarupam nama satthuvanno @Footnote: 1 Ma. Yu. ahariyyatuti. evamuparipi 2 sabbattha patiggahesiti dissati.--------------------------------------------------------------------------------------------- page91.
Vuccati . rajatam nama kahapano lohamasako darumasako jatumasako ye voharam gacchanti . ugganheyyati sayam ganhati nissaggiyam hoti 1- . ugganhapeyyati annam ganhapeti nissaggiyam hoti 2-. Upanikkhittam va sadideyyati idam ayyassa hotuti upanikkhittam va sadiyati nissaggiyam hoti . sanghamajjhe nissajjitabbam . evanca pana bhikkhave nissajjitabbam . tena bhikkhuna sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo aham bhante rupiyam patiggahesim idam me nissaggiyam imaham sanghassa nissajjamiti . Nissajjitva apatti desetabba. {106.1} Byattena bhikkhuna patibalena apatti patiggahetabba. Sace tattha agacchati aramiko va upasako va so vattabbo avuso imam janahiti . sace so bhanati imina kim ahariyatuti. Na vattabbo imam va imam va aharati . kappiyam acikkhitabbam sappi va telam va madhu va phanitam va . sace so tena parivattetva kappiyam aharati rupiyapatiggahakam thapetva sabbeheva paribhunjitabbam evancetam labhetha iccetam kusalam no ce labhetha so vattabbo avuso imam chaddehiti. Sace so chaddeti iccetam kusalam no ce chaddeti pancahangehi samannagato @Footnote: 1-2 Ma. Yu. nissaggiyam pacittiyam. sabbattha idisameva.--------------------------------------------------------------------------------------------- page92.
Bhikkhu rupiyachaddako sammannitabbo yo na chandagatim gaccheyya na dosagatim gaccheyya na mohagatim gaccheyya na bhayagatim gaccheyya chadditachadditanca janeyya . evanca pana bhikkhave sammannitabbo . Pathamam bhikkhu yacitabbo . yacitva byattena bhikkhuna patibalena sangho napetabbo {106.2} sunatu me bhante sangho yadi sanghassa pattakallam sangho itthannamam bhikkhum rupiyachaddakam sammanneyya. Esa natti. {106.3} Sunatu me bhante sangho sangho itthannamam bhikkhum rupiyachaddakam sammannati . yassayasmato khamati itthannamassa bhikkhuno rupiyachaddakassa sammati so tunhassa yassa nakkhamati so bhaseyya. {106.4} Sammato sanghena itthannamo bhikkhu rupiyachaddako . Khamati sanghassa tasma tunhi. Evametam dharayamiti. {106.5} Tena sammatena bhikkhuna animittam katva patetabbam. Sace nimittam katva pateti apatti dukkatassa. [107] Rupiye rupiyasanni rupiyam patigganhati nissaggiyam pacittiyam. Rupiye vematiko rupiyam patigganhati nissaggiyam pacittiyam . rupiye arupiyasanni rupiyam patigganhati nissaggiyam pacittiyam . arupiye rupiyasanni apatti dukkatassa . arupiye vematiko apatti dukkatassa. Arupiye arupiyasanni anapatti. [108] Anapatti ajjharame va ajjhavasathe va uggahetva--------------------------------------------------------------------------------------------- page93.
Va uggahapetva va nikkhipati yassa bhavissati so harissatiti ummattakassa adikammikassati. Atthamasikkhapadam nitthitam -------The Pali Tipitaka in Roman Character Volume 2 page 89-93. https://84000.org/tipitaka/read/roman_read.php?B=2&A=1560&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=1560&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=105&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=18 Study Atthakatha :- https://84000.org/tipitaka/attha/attha.php?b=2&i=105 The Pali Atthakatha in Thai :- https://84000.org/tipitaka/atthapali/read_th.php?B=2&A=4709 The Pali Atthakatha in Roman :- https://84000.org/tipitaka/atthapali/read_rm.php?B=2&A=4709 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]