ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.

     [1548]  Savatthinidanam  .  tena  kho  pana  samayena anathapindiko
gahapati    abadhiko   hoti   dukkhito   balhagilano   .   atha   kho
anathapindiko   gahapati   annataram   purisam   amantesi  ehi  tvam  ambho
purisa    yenayasma    sariputto    tenupasankama   upasankamitva   mama
vacanena   ayasmato   sariputtassa   pade  sirasa  vanda  anathapindiko
bhante   gahapati   abadhiko   dukkhito   balhagilano   so  ayasmato
sariputtassa   pade   sirasa   vandatiti  .  evanca  vadehi  sadhu  kira
bhante    ayasma    sariputto    yena    anathapindikassa   gahapatissa
nivesanam   tenupasankamatu   anukampam   upadayati  .  evam  bhanteti  kho
@Footnote: 1 Ma. Yu. ca. 2 Ma. kimangam.
So    puriso    anathapindikassa    gahapatissa   patissutva   yenayasma
sariputto     tenupasankami     upasankamitva    ayasmantam    sariputtam
abhivadetva   ekamantam  nisidi  .  ekamantam  nisinno  kho  so  puriso
ayasmantam    sariputtam    etadavoca    anathapindiko   bhante   gahapati
abadhiko    dukkhito    balhagilano   so   ayasmato   sariputtassa
pade  sirasa  vandati  .  evanca  vadeti  sadhu  kira  bhante  ayasma
sariputto   yena   anathapindikassa   gahapatissa   nivesanam   tenupasankamatu
anukampam    upadayati   .   adhivasesi   kho   ayasma   sariputto
tunhibhavena.
     [1549]    Atha    kho    ayasma    sariputto   pubbanhasamayam
nivasetva    pattacivaramadaya   ayasmata   anandena   pacchasamanena
yena   anathapindikassa   gahapatissa   nivesanam   tenupasankami  upasankamitva
pannatte  asane  nisidi  .  nisajja  kho ayasma sariputto anathapindikam
gahapatim   etadavoca   kacci   te   gahapati  khamaniyam  kacci  yapaniyam  kacci
dukkha    vedana    patikkamanti   no   abhikkamanti   .   patikkamosanam
pannayati   no   abhikkamoti   .   na  me  bhante  khamaniyam  na  yapaniyam
balha  me  dukkha  vedana  abhikkamanti  no  patikkamanti  abhikkamosanam
pannayati no patikkamoti.
     [1550]   Yatharupena   kho   gahapati   buddhe   aveccappasadena
samannagato   assutava   puthujjano  kayassa  bheda  param  marana  apayam
Duggatim   vinipatam   nirayam   upapajjati   tatharupo  te  buddhe  appasado
natthi   .   atthi   ca  kho  te  gahapati  buddhe  aveccappasado  itipi
so   bhagava   .pe.   sattha  devamanussanam  buddho  bhagavati  .  tanca
pana   te  buddhe  aveccappasadam  attani  samanupassato  thanaso  vedana
patippassambheyyum 1-.
     [1551]   Yatharupena   kho   gahapati   dhamme   aveccappasadena
samannagato   assutava   puthujjano  kayassa  bheda  param  marana  apayam
duggatim   vinipatam   nirayam   upapajjati   tatharupo  te  dhamme  appasado
natthi  .  atthi  ca  kho  te  gahapati  dhamme aveccappasado svakkhato
bhagavata   dhammo   .pe.   paccattam   veditabbo   vinnuhiti   .   tanca
pana    te    dhamme   aveccappasadam   attani   samanupassato   thanaso
vedana patippassambheyyum.
     [1552]   Yatharupena   kho   gahapati   sanghe   aveccappasadena
samannagato   assutava   puthujjano  kayassa  bheda  param  marana  apayam
duggatim   vinipatam   nirayam   upapajjati   tatharupo  te  sanghe  appasado
natthi  .  atthi  ca  kho  te  gahapati  sanghe  aveccappasado supatipanno
bhagavato   savakasangho   .pe.   anuttaram   punnakkhettam   lokassati .
Tanca   pana   te   sanghe  aveccappasadam  attani  samanupassato  thanaso
vedana patippassambheyyum.
     [1553]  Yatharupena  kho  gahapati  dussilyena samannagato assutava
@Footnote: 1 Ma. patippassambheyya. evamuparipi.
Puthujjano   kayassa   bheda  param  marana  apayam  duggatim  vinipatam  nirayam
upapajjati   tatharupante   dussilyam  natthi  .  atthi  ca  kho  te  gahapati
ariyakantani    silani    akkhandani    .pe.    samadhisamvattanikani  .
Tani   ca   pana  te  ariyakantani  silani  attani  samanupassato  thanaso
vedana patippassambheyyum.
     [1554]   Yatharupaya   kho   gahapati   micchaditthiya  samannagato
assutava   puthujjano   kayassa   bheda   param   marana   apayam  duggatim
vinipatam    nirayam   upapajjati   tatharupa   te   micchaditthi   natthi  .
Atthi   ca  kho  te  gahapati  sammaditthi  .  tanca  pana  te  sammaditthim
attani samanupassato thanaso vedana patippassambheyyum.
     [1555]   Yatharupena   kho  gahapati  micchasankappena  samannagato
assutava   puthujjano   kayassa   bheda   param   marana   apayam  duggatim
vinipatam   nirayam   upapajjati   tatharupo   te   micchasankappo  natthi .
Atthi  ca  kho  te  gahapati  sammasankappo . Tanca pana te sammasankappam
attani samanupassato thanaso vedana patippassambheyyum.
     [1556]   Yatharupaya   kho   gahapati   micchavacaya  samannagato
assutava   puthujjano   kayassa   bheda   param   marana   apayam  duggatim
vinipatam   nirayam   upapajjati   tatharupa   te   micchavaca   natthi  .
Atthi  ca  kho  te  gahapati  sammavaca  .  tanca  pana  te  sammavacam
attani samanupassato thanaso vedana patippassambheyyum.
     [1557]   Yatharupena   kho  gahapati  micchakammantena  samannagato
assutava   puthujjano   kayassa   bheda   param   marana   apayam  duggatim
vinipatam   nirayam   upapajjati   tatharupo   te   micchakammanto  natthi .
Atthi  ca  kho  te  gahapati  sammakammanto . Tanca pana te sammakammantam
attani samanupassato thanaso vedana patippassambheyyum.
     [1558]   Yatharupena   kho   gahapati  micchaajivena  samannagato
assutava   puthujjano   kayassa   bheda   param   marana   apayam  duggatim
vinipatam   nirayam   upapajjati   tatharupo   te   micchaajivo   natthi .
Atthi  ca  kho  te  gahapati  sammaajivo  .  tanca  pana te sammaajivam
attani samanupassato thanaso vedana patippassambheyyum.
     [1559]   Yatharupena   kho  gahapati  micchavayamena  samannagato
assutava   puthujjano   kayassa   bheda   param   marana   apayam  duggatim
vinipatam   nirayam   upapajjati   tatharupo   te   micchavayamo  natthi .
Atthi  ca  kho  te  gahapati  sammavayamo . Tanca pana te sammavayamam
attani samanupassato thanaso vedana patippassambheyyum.
     [1560]   Yatharupaya   kho   gahapati   micchasatiya   samannagato
assutava   puthujjano   kayassa   bheda   param   marana   apayam  duggatim
vinipatam   nirayam   upapajjati   tatharupa   te  micchasati  natthi  .  atthi
ca   kho   te  gahapati  sammasati  .  tanca  pana  te  sammasatim  attani
samanupassato thanaso vedana patippassambheyyum.
     [1561]   Yatharupena   kho   gahapati  micchasamadhina  samannagato
assutava   puthujjano   kayassa   bheda   param   marana   apayam  duggatim
vinipatam   nirayam   upapajjati   tatharupo   te   micchasamadhi   natthi  .
Atthi  ca  kho  te  gahapati  sammasamadhi  .  tanca  pana  te sammasamadhim
attani samanupassato thanaso vedana patippassambheyyum.
     [1562]   Yatharupena   kho   gahapati   micchananena  samannagato
assutava   puthujjano   kayassa   bheda   param   marana   apayam  duggatim
vinipatam   nirayam   upapajjati  tatharupante  micchananam  natthi  .  atthi  ca
kho   te   gahapati   sammananam  .  tanca  pana  te  sammananam  attani
samanupassato thanaso vedana patippassambheyyum.
     [1563]   Yatharupaya   kho   gahapati  micchavimuttiya  samannagato
assutava   puthujjano   kayassa   bheda   param   marana   apayam  duggatim
vinipatam   nirayam   upapajjati   tatharupa   te   micchavimutti   natthi  .
Atthi  ca  kho  te  gahapati  sammavimutti  .  tanca  pana  te sammavimuttim
attani samanupassato thanaso vedana patippassambheyunti.
     [1564]   Atha   kho  anathapindikassa  gahapatissa  thanaso  vedana
patippassambhimsu    .   atha   kho   anathapindiko   gahapati   ayasmantanca
sariputtam   ayasmantanca   anandam   sakeneva   thalipakena  parivisi .
Atha    kho    anathapindiko   gahapati   ayasmantam   sariputtam   bhuttavim
onitapattapanim   annataram   nicam   asanam   gahetva  ekamantam  nisidi .
Ekamantam   nisinnam   kho   anathapindikam   gahapatim   ayasma   sariputto
imahi gathahi anumodi
     [1565] Yassa saddha tathagate      acala supatitthita
         silanca yassa kalyanam            ariyakantam pasamsitam.
         Sanghe pasado yassatthi           ujubhutanca dassanam
         adaliddoti tam ahu                amoghantassa jivitam.
         Tasma saddhanca silanca          pasadam dhammadassanam
         anuyunjetha medhavi                 saram buddhanasasananti.
     [1566]   Atha   kho   ayasma  sariputto  anathapindikam  gahapatim
imahi gathahi anumoditva utthayasana pakkami.
     [1567]  Atha  kho  ayasma  anando  yena  bhagava tenupasankami
upasankamitva   bhagavantam   abhivadetva   ekamantam   nisidi  .  ekamantam
nisinnam   kho   ayasmantam   anandam   bhagava   etadavoca  handa  kutonu
tvam  ananda  agacchasi  divadivassati  .  ayasmata  bhante sariputtena
anathapindiko   gahapati  imina  ca  imina  ca  ovadena  ovaditoti .
Pandito    ananda    sariputto    mahapanno    ananda   sariputto
yatra hi nama cattari sotapattiyangani dasahakarehi vibhajissatiti.



             The Pali Tipitaka in Roman Character Volume 19 page 478-484. https://84000.org/tipitaka/read/roman_read.php?B=19&A=9326&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=9326&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1548&items=20              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=344              Study Atthakatha :- https://84000.org/tipitaka/attha/attha.php?b=19&i=1548              The Pali Atthakatha in Thai :- https://84000.org/tipitaka/atthapali/read_th.php?B=13&A=8060              The Pali Atthakatha in Roman :- https://84000.org/tipitaka/atthapali/read_rm.php?B=13&A=8060              Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]