PaliRoman Vol.19

[1454] Evamme sutam ekam samayam bhagava kosalesu carikam caramano mahata bhikkhusanghena saddhim yena veludvaram nama kosalanam brahmanagamo tadavasari. [1455] Assosum kho ^[3]- veludvareyyaka brahmanagahapatika samano khalu bho gotamo sakyaputto sakyakula pabbajito kosalesu carikam caramano mahata bhikkhusanghena saddhim veludvaram anuppatto . Tam kho pana bhavantam gotamam evamkalyano kittisaddo abbhuggato itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagavati ^4- . so imam lokam sadevakam samarakam sabrahmakam sassamana- brahmanim pajam sadevamanussam sayam abhinna sacchikatva pavedeti @Footnote: ¹ Ma. Yu. katividha. ² Ma. Yu. danasamvibhageti. ³ Ma. Yu. te. evamuparipi. @⁴ Ma. itisaddo natthi. So dhammam deseti adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakaseti sadhu kho pana tatharupanam arahatam dassanam hotiti. [1456] Atha kho veludvareyyaka brahmanagahapatika yena bhagava tenupasankamimsu upasankamitva appekacce bhagavantam abhivadetva ekamantam nisidimsu appekacce bhagavata saddhim sammodimsu sammodaniyam katham saraniyam vitisaretva ekamantam nisidimsu appekacce yena bhagava tenanjalimpanametva ekamantam nisidimsu appekacce bhagavato santike namagottam savetva ekamantam nisidimsu appekacce tunhibhuta ekamantam nisidimsu . ekamantam nisinna kho te veludvareyyaka brahmanagahapatika bhagavantam etadavocum [1457] Mayam bho gotama evamkama evamchanda evamadhippaya puttasambadha ^1- sayanam ajjhavaseyyama kasikacandanam paccanubhaveyyama malagandhavilepanam dhareyyama jataruparajatam sadiyeyyama kayassa bheda param marana sugatim saggam lokam upapajjeyyama tesam no bhavam gotamo amhakam evamkamanam evamchandanam evamadhippayanam tatha dhammam desetu yatha mayam puttasambadha sayanam ajjhavaseyyama .pe. Sugatim saggam lokam upapajjeyyamati. [1458] Attupanayikam vo gahapatayo dhammapariyayam desessami tam sunatha sadhukam manasikarotha bhasissamiti . evam bhoti kho @Footnote: ¹ Ma. Yu. puttasambadhasayanam. evamuparipi. Te veludvareyyaka brahmanagahapatika bhagavato paccassosum . Bhagava etadavoca [1459] Katamo ca gahapatayo attupanayiko dhammapariyayo . Idha gahapatayo ariyasavako iti patisancikkhati aham khosmi jivitukamo amaritukamo sukhakamo dukkhapatikulo ^1- yo kho mam jivitukamam amaritukamam sukhakamam dukkhapatikulam jivita voropeyya na me tam assa piyam manapam ahanceva kho pana param jivitukamam amaritukamam sukhakamam dukkhapatikulam jivita voropeyyam parassapi tam assa appiyam amanapam yo kho myayam dhammo appiyo amanapo parassapeso dhammo appiyo amanapo yo kho myayam dhammo appiyo amanapo kathaham parantena sannojeyyanti . so iti patisankhaya attana ca panatipata pativirato hoti paranca panatipata veramaniya samadapeti panatipata veramaniya ca vannam bhasati. Evamassayam kayasamacaro tikotiparisuddho hoti. [1460] Puna caparam gahapatayo ariyasavako iti patisancikkhati yo kho me adinnam theyyasankhatam adiyeyya na me tam assa piyam manapam ahanceva kho pana parassa adinnam theyyasankhatam adiyeyyam parassapi tam assa appiyam amanapam yo kho myayam dhammo appiyo amanapo parassapeso dhammo appiyo amanapo yo kho myayam dhammo appiyo amanapo kathaham parantena @Footnote: ¹ Ma. dukkhappatikulo. evamuparipi. Sannojeyyanti . so iti patisankhaya attana ca adinnadana pativirato hoti paranca adinnadana veramaniya samadapeti adinnadana veramaniya ca vannam bhasati . evamassayam kayasamacaro tikotiparisuddho hoti. [1461] Puna caparam gahapatayo ariyasavako iti patisancikkhati yo kho me daresu carittam apajjeyya na me tam assa piyam manapam ahanceva kho pana parassa daresu carittam apajjeyyam parassapi tam assa appiyam amanapam yo kho myayam dhammo appiyo amanapo parassapeso dhammo appiyo amanapo yo kho myayam dhammo appiyo amanapo kathaham parantena sannojeyyanti . So iti patisankhaya attana ca kamesu micchacara pativirato hoti paranca kamesu micchacara veramaniya samadapeti kamesu micchacara veramaniya ca vannam bhasati . evamassayam kayasamacaro tikotiparisuddho hoti. [1462] Puna caparam gahapatayo ariyasavako iti patisancikkhati yo kho me musavadena attham bhanjeyya na me tam assa piyam manapam ahanceva kho pana parassa musavadena attham bhanjeyyam parassapi tam assa appiyam amanapam yo kho myayam dhammo appiyo amanapo parassapeso dhammo appiyo amanapo yo kho myayam dhammo appiyo amanapo kathaham parantena sannojeyyanti . So iti patisankhaya attana ca musavada pativirato hoti paranca musavada veramaniya samadapeti musavada veramaniya ca vannam bhasati. Evamassayam vacisamacaro tikotiparisuddho hoti. [1463] Puna caparam gahapatayo ariyasavako iti patisancikkhati yo kho mam pisunaya vacaya mittehi bhedeyya ^1- na me tam assa piyam manapam ahanceva kho pana param pisunaya vacaya mittehi bhedeyyam parassapi tam assa appiyam amanapam .pe. evamassayam vacisamacaro tikotiparisuddho hoti. [1464] Puna caparam gahapatayo ariyasavako iti patisancikkhati yo kho mam pharusaya vacaya samudacareyya na me tam assa piyam manapam ahanceva kho pana param pharusaya vacaya samudacareyyam parassapi tam assa appiyam amanapam yo kho myayam dhammo .pe. Evamassayam vacisamacaro tikotiparisuddho hoti. [1465] Puna caparam gahapatayo ariyasavako iti patisancikkhati yo kho mam samphappalapabhasena samudacareyya na me tam assa piyam manapam ahanceva kho pana param samphappalapabhasena samudacareyyam parassapi tam assa appiyam amanapam yo kho myayam dhammo appiyo amanapo parassapeso dhammo appiyo amanapo yo kho myayam dhammo appiyo amanapo kathaham parantena sannojeyyanti . so iti patisankhaya attana ca samphappalapa pativirato hoti paranca @Footnote: ¹ Ma. mitte bhindeyya. evamuparipi. Samphappalapa veramaniya samadapeti samphappalapa veramaniya ca vannam bhasati. Evamassayam vacisamacaro tikotiparisuddho hoti. [1466] So buddhe aveccappasadena samannagato hoti itipi so bhagava .pe. sattha devamanussanam buddho bhagavati. Dhamme sanghe aveccappasadena samannagato hoti supatipanno bhagavato savakasangho .pe. anuttaram punnakkhettam lokassati . ariyakantehi silehi samannagato hoti akkhandehi acchiddehi asabalehi akammasehi bhujissehi vinnupasatthehi aparamatthehi samadhisamvattanikehi. [1467] Yato kho gahapatayo ariyasavako imehi sattahi saddhammehi samannagato hoti imehi catuhi akankhiyehi thanehi so akankhamano attanava attanam byakareyya khinanirayomhi khinatiracchanayoniyo ^1- khinapittivisayo khinapayaduggativinipato sotapannohamasmi avinipatadhammo niyato sambodhiparayanoti. [1468] Evam vutte veludvareyyaka brahmanagahapatika bhagavantam etadavocum abhikkantam bho gotama .pe. ete mayam bhavantam gotamam saranam gacchama dhammanca bhikkhusanghanca upasake no bhavam gotamo dharetu ajjatagge panupete saranangateti.

The Pali Tipitaka in Roman Character Volume 19 page 441-446. https://84000.org/tipitaka/read/roman_read.php?B=19&A=8591&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=8591&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1454&items=15 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=325 Study Atthakatha :- https://84000.org/tipitaka/attha/attha.php?b=19&i=1454 The Pali Atthakatha in Thai :- https://84000.org/tipitaka/atthapali/read_th.php?B=13&A=7870 The Pali Atthakatha in Roman :- https://84000.org/tipitaka/atthapali/read_rm.php?B=13&A=7870 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19