บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[1321] Savatthi . tena kho pana samayena ayasma mahakappino bhagavato avidure nisinno hoti pallankam abhujitva ujum kayam panidhaya parimukham satim upatthapetva. [1322] Addasa kho bhagava ayasmantam mahakappinam avidure nisinnam pallankam abhujitva ujum kayam panidhaya parimukham satim upatthapetva disvana bhikkhu amantesi passatha no tumhe bhikkhave etassa bhikkhuno kayassa injitattam va phanditattam vati. [1323] Yadapi mayam bhante tam ayasmantam passama sanghamajjhe va nisinnam ekam va raho nisinnam tadapi mayam tassa ayasmato na passama kayassa injitattam va phanditattam vati. [1324] Yassa bhikkhave samadhissa bhavitatta bahulikatatta neva kayassa injitattam va hoti phanditattam va na cittassa injitattam va hoti phanditattam va tassa so bhikkhave bhikkhu samadhissa nikamalabhi akicchalabhi akasiralabhi. [1325] Katamassa ca bhikkhave samadhissa bhavitatta bahulikatatta neva kayassa injitattam va hoti phanditattam va na cittassa injitattam va hoti phanditattam va . anapanassatisamadhissa bhikkhave bhavitatta bahulikatatta neva kayassa injitattam va hoti phanditattam va na cittassa injitattam va hoti phanditattam va. [1326] Katham bhavite kho bhikkhave anapanassatisamadhimhi katham bahulikate neva kayassa injitattam va hoti phanditattam va na cittassa injitattam va hoti phanditattam va . idha bhikkhave bhikkhu arannagato va rukkhamulagato va sunnagaragato va nisidati pallankam abhujitva ujum kayam panidhaya parimukham satim upatthapetva . so satova assasati sato passasati (vittharetabba yava patinissagganupassi assasissamiti sikkhati patinissagganupassi passasissamiti sikkhati) . evam bhavite kho bhikkhave anapanassatisamadhimhi evam bahulikate neva kayassa injitattam va hoti phanditattam va na cittassa injitattam va hoti phanditattam vati.The Pali Tipitaka in Roman Character Volume 19 page 399-400. https://84000.org/tipitaka/read/roman_read.php?B=19&A=7741&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=7741&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1321&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=305 Study Atthakatha :- https://84000.org/tipitaka/attha/attha.php?b=19&i=1321 The Pali Atthakatha in Thai :- https://84000.org/tipitaka/atthapali/read_th.php?B=13&A=7483 The Pali Atthakatha in Roman :- https://84000.org/tipitaka/atthapali/read_rm.php?B=13&A=7483 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]