บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[1010] Evamme sutam ekam samayam bhagava angesu viharati apanannama anganam nigamo . tatra kho bhagava ayasmantam sariputtam amantesi yo so sariputta ariyasavako tathagate ekantagato abhippasanno na 1- so tathagate va tathagatasasane va kankheyya va vicikiccheyya vati. [1011] Yo so bhante ariyasavako tathagate ekantagato abhippasanno na so tathagate va tathagatasasane va kankheyya va vicikiccheyya va . saddhassa hi bhante ariyasavakassa etam patikankham yam araddhaviriyo viharissati akusalanam dhammanam pahanaya kusalanam dhammanam upasampadaya thamava dalhaparakkamo anikkhittadhuro kusalesu dhammesu. [1012] Yanhissa bhante viriyam tadassa viriyindriyam . saddhassa @Footnote: 1 Yu. apinu so.--------------------------------------------------------------------------------------------- page298.
Hi bhante ariyasavakassa araddhaviriyassa etam patikankham yam satima bhavissati paramena satinepakkena samannagato cirakatampi cirabhasitampi sarita anussarita. [1013] Ya hissa bhante sati tadassa satindriyam . saddhassa hi bhante ariyasavakassa araddhaviriyassa upatthitassatino etam patikankham yam vossaggarammanam karitva labhissati samadhim labhissati cittassa ekaggatam. [1014] Yo hissa bhante samadhi tadassa samadhindriyam . Saddhassa hi bhante ariyasavakassa araddhaviriyassa upatthitassatino sammasamahitacittassa 1- etam patikankham yam evam pajanissati anamataggo kho samsaro pubba koti nappannayati avijjanivarananam sattanam tanhasannojananam sandhavatam samsaratam avijjaya tveva tamokayassa asesaviraganirodho santametam padam panitametam padam yadidam sabbasankharasamatho sabbupadhipatinissaggo tanhakkhayo 2- virago nirodho nibbanam. [1015] Ya hissa bhante panna tadassa pannindriyam. Sakho 3- so bhante ariyasavako evam padahitva padahitva evam saritva saritva evam samadahitva samadahitva evam pajanitva pajanitva evam abhisaddahati ime kho te dhamma ye me pubbe sutava 4- ahesum @Footnote: 1 Ma. Yu. samahitacittassa. evamupari. 2 Ma. tanhakkhayo. 3 Ma. Yu. saddho. @evamupari. 4 Po. Ma. Yu. sutava. evamupari.--------------------------------------------------------------------------------------------- page299.
Tenaham etarahi kayena ca phusitva viharami pannaya ca ativijjha 1- passamiti. [1016] Ya hissa bhante saddha tadassa saddhindriyanti. [1017] Sadhu sadhu sariputta yo so sariputta ariyasavako tathagate ekantagato abhippasanno na so tathagate va tathagatasasane va kankheyya va vicikiccheyya va. Saddhassa hi sariputta ariyasavakassa etam patikankham yam araddhaviriyo viharissati akusalanam dhammanam pahanaya kusalanam dhammanam upasampadaya thamava dalhaparakkamo anikkhittadhuro kusalesu dhammesu. [1018] Yam hissa sariputta viriyam tadassa viriyindriyam. Saddhassa hi sariputta ariyasavakassa araddhaviriyassa etam patikankham yam satima bhavissati paramena satinepakkena samannagato cirakatampi cirabhasitampi sarita anussarita. [1019] Ya hissa sariputta sati tadassa satindriyam . Saddhassa hi sariputta ariyasavakassa araddhaviriyassa upatthitassatino etam patikankham yam vossaggarammanam karitva labhissati samadhim labhissati cittassa ekaggatam. [1020] Yo hissa sariputta samadhi tadassa samadhindriyam . Saddhassa hi sariputta ariyasavakassa araddhaviriyassa upatthitassatino @Footnote: 1 Ma. pativijjha.--------------------------------------------------------------------------------------------- page300.
Sammasamahitacittassa etam patikankham yam evam pajanissati anamataggo kho samsaro pubba koti nappannayati avijjanivarananam sattanam tanhasannojananam sandhavatam samsaratam avijjaya tveva tamokayassa asesaviraganirodho santametam padam panitametam padam yadidam sabbasankharasamatho sabbupadhipatinissaggo tanhakkhayo virago nirodho nibbanam. [1021] Ya hissa sariputta panna tadassa pannindriyam . Sakho so sariputta ariyasavako evam padahitva padahitva evam saritva saritva evam samadahitva samadahitva evam pajanitva pajanitva evam abhisaddahati ime kho te dhamma ye me pubbe sutava ahesum tenaham etarahi kayena ca phusitva viharami pannaya ca ativijjha passamiti. [1022] Ya hissa sariputta saddha tadassa saddhindriyanti. Jaravaggo pancamo. Tassuddanam jara unnabho brahmano saketo pubbakotthako pubbarame ca cattari pindolo saddhena 1- te dasati. ----------- @Footnote: 1 Ma. ...apanena cati.The Pali Tipitaka in Roman Character Volume 19 page 297-300. https://84000.org/tipitaka/read/roman_read.php?B=19&A=5767&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=5767&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1010&items=13 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=231 Study Atthakatha :- https://84000.org/tipitaka/attha/attha.php?b=19&i=1010 The Pali Atthakatha in Thai :- https://84000.org/tipitaka/atthapali/read_th.php?B=13&A=7075 The Pali Atthakatha in Roman :- https://84000.org/tipitaka/atthapali/read_rm.php?B=13&A=7075 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]