|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
[975] Evamme sutam ekam samayam bhagava sakete viharati anjanavane migadaye . tatra kho bhagava bhikkhu amantesi atthi nu kho bhikkhave pariyayo yam pariyayam agamma yani pancindriyani tani panca balani honti yani panca balani tani pancindriyani hontiti . bhagavammulaka no bhante dhamma bhagavamnettika bhagavampatisarana sadhu vata bhante bhagavantamyeva patibhatu etassa bhasitassa attho bhagavato sutva bhikkhu dharessantiti .pe. [976] Atthi bhikkhave pariyayo yam pariyayam agamma yani pancindriyani tani panca balani honti yani panca balani tani pancindriyani honti . katamo ca bhikkhave pariyayo yam pariyayam agamma yani pancindriyani tani panca balani honti yani panca balani tani pancindriyani honti. [977] Yam bhikkhave saddhindriyam tam saddhabalam yam saddhabalam tam saddhindriyam yam viriyindriyam tam viriyabalam yam viriyabalam tam viriyindriyam yam satindriyam tam satabalam yam satibalam tam satindriyam yam samadhindriyam @Footnote: 1 Po. Ma. ayam patho natthi.--------------------------------------------------------------------------------------------- page291.
Tam samadhibalam yam samadhibalam tam samadhindriyam yam pannindriyam tam pannabalam yam pannabalam tam pannindriyam. [978] Seyyathapi bhikkhave nadi pacinaninna pacinapona pacinapabbhara tassa majjhe dipo . atthi bhikkhave pariyayo yam pariyayam agamma tassa nadiya eko sototveva sankham 1- gacchati. Atthi pana bhikkhave pariyayo yam pariyayam agamma tassa nadiya dve sotanitveva sankham gacchati. [979] Katamo ca bhikkhave pariyayo yam pariyayam agamma tassa nadiya eko sototveva sankham gacchati . yanca bhikkhave tassa dipassa puratthimante 2- udakam yanca pacchimante udakam . ayam kho bhikkhave pariyayo yam pariyayam agamma tassa nadiya eko sototveva sankham gacchati. [980] Katamo ca bhikkhave pariyayo yam pariyayam agamma tassa nadiya dve sotanitveva sankham gacchanti . yanca bhikkhave tassa dipassa uttarante udakam yanca dakkhinante udakam . ayam kho bhikkhave pariyayo yam pariyayam agamma tassa nadiya dve sotanitveva sankham gacchanti. [981] Evameva kho bhikkhave yam saddhindriyam tam saddhabalam yam saddhabalam tam saddhindriyam yam viriyindriyam tam viriyabalam yam viriyabalam tam viriyindriyam yam satindriyam tam satibalam yam satibalam tam satindriyam @Footnote: 1 Ma. Yu. sabbattha sankhayam . 2 Ma. purimante.--------------------------------------------------------------------------------------------- page292.
Yam samadhindriyam tam samadhibalam yam samadhibalam tam samadhindriyam yam pannindriyam tam pannabalam yam pannabalam tam pannindriyam. [982] Pancannam bhikkhave indriyanam bhavitatta bahulikatatta bhikkhu asavanam khaya anasavancetovimuttim pannavimuttim dittheva dhamme sayam abhinna sacchikatva upasampajja viharatiti.The Pali Tipitaka in Roman Character Volume 19 page 290-292. https://84000.org/tipitaka/read/roman_read.php?B=19&A=5619&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=5619&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=975&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=224 Study Atthakatha :- https://84000.org/tipitaka/attha/attha.php?b=19&i=975 The Pali Atthakatha in Thai :- https://84000.org/tipitaka/atthapali/read_th.php?B=13&A=7059 The Pali Atthakatha in Roman :- https://84000.org/tipitaka/atthapali/read_rm.php?B=13&A=7059 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]