ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.

     [820]   Savatthinidanam  .  ekamidaham  bhikkhave  samayam  uruvelayam
viharami  najja  neranjaraya  tire  ajapalanigrodhe  pathamabhisambuddho .
Tassa    mayham    bhikkhave    rahogatassa   patisallinassa   evam   cetaso
parivitakko udapadi
     [821]   Ekayanvayam  maggo  sattanam  visuddhiya  sokaparidevanam
samatikkamaya     dukkhadomanassanam    atthangamaya    nayassa    adhigamaya
nibbanassa   sacchikiriyaya   yadidam   cattaro   satipatthana   .   katame
cattaro   .   kaye  va  bhikkhu  kayanupassi  vihareyya  .  vedanasu
va   bhikkhu  vedananupassi  vihareyya  .  citte  va  bhikkhu  cittanupassi
vihareyya   .   dhammesu   va   bhikkhu   dhammanupassi  vihareyya  atapi
sampajano   satima   vineyya  loke  abhijjhadomanassam  .  ekayanvayam
maggo      sattanam      visuddhiya     sokaparidevanam     samatikkamaya
dukkhadomanassanam     atthangamaya     nayassa    adhigamaya    nibbanassa
sacchikiriyaya yadidam cattaro satipatthana 1-.
     [822]   Atha   kho   bhikkhave   brahma   sahampati  mama  cetasa
cetoparivitakkamannaya    seyyathapi   nama   balava   puriso   samminjitam
va   baham   pasareyya   pasaritam   va   baham  samminjeyya  evameva
brahmaloke   antarahito  mama  purato  paturahosi  .  atha  kho  bhikkhave
brahma   sahampati   ekamsam   uttarasangam   karitva   yenaham  tenanjalim
panametva mam etadavoca
     [823]   Evametam  bhagava  evametam  sugata  ekayanvayam  bhante
maggo      sattanam      visuddhiya     sokaparidevanam     samatikkamaya
dukkhadomanassanam     atthangamaya     nayassa    adhigamaya    nibbanassa
sacchikiriyaya   yadidam   cattaro   satipatthana   .  katame  cattaro .
@Footnote: 1 Ma. Yu. itisaddo atthi.
Kaye  va  bhante  bhikkhu  kayanupassi  vihareyya  .  vedanasu  va .
Citte   va   .   dhammesu   va  bhante  bhikkhu  dhammanupassi  vihareyya
atapi   sampajano   satima   vineyya   loke   abhijjhadomanassam  .
Ekayanvayam    bhante    maggo   sattanam   visuddhiya   sokaparidevanam
samatikkamaya     dukkhadomanassanam    atthangamaya    nayassa    adhigamaya
nibbanassa sacchikiriyaya yadidam cattaro satipatthanati.
     [824]   Idamavoca   bhikkhave   brahma   sahampati   idam   vatva
athaparam etadavoca
     ekayanam jatikhayantadassi             maggam pajanati hitanukampi
     etena maggena atarimsu 1- pubbe    tarissanti ye ca taranti oghanti.



             The Pali Tipitaka in Roman Character Volume 19 page 246-248. https://84000.org/tipitaka/read/roman_read.php?B=19&A=4769&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=4769&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=19&item=820&items=5              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=173              Study Atthakatha :- https://84000.org/tipitaka/attha/attha.php?b=19&i=820              Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]