PaliRoman Vol.19

[394] Ekam samayam bhagava sakete viharati anjanavane migadaye. Atha kho kundaliyo paribbajako yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi . ekamantam nisinno kho kundaliyo paribbajako bhagavantam etadavoca ahamasmi bho gotama aramaniyadiparisavacaro ^2- tassa mayham bho gotama pacchabhattam bhuttapatarasassa ayamaharo ^3- hoti aramena aramam uyyanena uyyanam anucankamami anuvicarami so tattha passami eke samanabrahmane iti vadappamokkhanisamsam ceva katham kathente uparambhanisamsam ca bhavampana gotamo kimanisamso viharatiti. Vijjavimuttiphalanisamso kho kundaliya tathagato viharatiti. [395] Katame pana bho gotama dhamma bhavita bahulikata vijjavimuttim paripurentiti . satta kho kundaliya bojjhanga bhavita bahulikata vijjavimuttim paripurentiti . katame pana bho gotama dhamma bhavita bahulikata satta bojjhange paripurentiti . cattaro kho kundaliya satipatthana bhavita bahulikata satta bojjhange paripurentiti. @Footnote: ¹ Po. Yu. vimuttamhiti. ² Ma. aramanissayi parisavacaro. Yu. aramanisadi.... @³ Ma. Yu. ayamacaro. Katame pana bho gotama dhamma bhavita bahulikata cattaro satipatthane paripurentiti . tini kho kundaliya sucaritani bhavitani bahulikatani cattaro satipatthane paripurentiti . katame pana bho gotama dhamma bhavita bahulikata tini sucaritani paripurentiti . [396] Indriyasamvaro kho kundaliya bhavito bahulikato tini sucaritani paripureti ^1- . katham bhavito ^[2]- kundaliya indriyasamvaro katham bahulikato tini sucaritani paripureti ^3- . idha kundaliya bhikkhu cakkhuna rupam disva manapam nabhijjhayati navihimsati ^4- na ragam janeti tassa thito ca ^5- kayo hoti thitam cittam ajjhattam susanthitam suvimuttam . Cakkhuna kho paneva rupam disva amanapam na manku hoti appatitthitacitto adinnamanaso ^6- abyapannacetaso tassa thito ca kayo hoti thitam cittam ajjhattam susanthitam suvimuttam. {396.1} Puna caparam kundaliya bhikkhu sotena saddam sutva .pe. Ghanena gandham ghayitva . jivhaya rasam sayitva. Kayena photthabbam phusitva . manasa dhammam vinnaya manapam nabhijjhayati navihimsati na ragam janeti tassa thito ca kayo hoti thitam cittam ajjhattam susanthitam suvimuttam . manasa kho paneva dhammam vinnaya amanapam na manku hoti appatitthitacitto adinnamanaso abyapannacetaso tassa ca kayo hoti thitam cittam ajjhattam susanthitam suvimuttam . Yato kho kundaliya bhikkhu cakkhuna rupam disva manapamanapesu @Footnote: ¹ Ma. itisaddo atthi. ² Ma. Yu. ca. ³ Ma. Yu. paripurentiti. ⁴ Ma. Yu. @nabhijjhati navihamsati. evamupari. ⁵ Po. Yu. va. evamupari. @⁶ Ma. Yu. adina .... evamupari. Rupesu thito adinnamanaso abyapannacetaso tassa thito ca kayo hoti thitam cittam ajjhattam susanthitam suvimuttam . sotena saddam sutva .pe. ghanena gandham ghayitva . jivhaya rasam sayitva . kayena photthabbam phusitva . manasa dhammam vinnaya manapamanapesu dhammesu thito ca kayo hoti thitam cittam ajjhattam susanthitam suvimuttam . evambhavito kho kundaliya indriyasamvaro evam bahulikato tini sucaritani paripureti. [397] Katham bhavitani tani ca kundaliya tini sucaritani katham bahulikatani cattaro satipatthane paripurenti . idha kundaliya bhikkhu kayaduccaritam pahanaya ^1- kayasucaritam bhaveti vaciduccaritam pahanaya vacisucaritam bhaveti manoduccaritam pahanaya manosucaritam bhaveti . Evam bhavitani kho kundaliya tini sucaritani evam bahulikatani cattaro satipatthane paripurenti. [398] Katham bhavita ca kundaliya cattaro satipatthana katham bahulikata satta bojjhange paripurenti . idha kundaliya bhikkhu kaye kayanupassi viharati atapi sampajano satima vineyya loke abhijjhadomanassam vedanasu .pe. citte .pe. dhammesu dhammanupassi viharati atapi sampajano satima vineyya loke abhijjhadomanassam . evam bhavita kho kundaliya cattaro satipatthana evam bahulikata satta bojjhange paripurenti. @Footnote: ¹ Ma. Yu. pahaya. evamupari. [399] Katham bhavita ca kundaliya satta bojjhanga katham bahulikata vijjavimuttim paripurenti . idha kundaliya bhikkhu satisambojjhangam bhaveti vivekanissitam viraganissitam nirodhanissitam vossaggaparinamim .pe. upekkhasambojjhangam bhaveti vivekanissitam viraganissitam nirodhanissitam vossaggaparinamim . evam bhavita kho kundaliya satta bojjhanga evam bahulikata vijjavimuttim paripurentiti. [400] Evam vutte kundaliyo paribbajako bhagavantam etadavoca abhikkantam bho gotama abhikkantam bho gotama seyyathapi bho gotama nikkujjitam va ukkujjeyya paticchannam va vivareyya mulhassa va maggam acikkheyya andhakare va telappajjotam dhareyya cakkhumanto rupani dakkhantiti . evameva kho bhota gotamena anekapariyayena dhammo pakasito esaham bhavantam gotamam saranam gacchami dhammanca bhikkhusanghanca upasakam mam bhavam gotamo dharetu ajjatagge panupetam saranangatanti.

The Pali Tipitaka in Roman Character Volume 19 page 105-108. https://84000.org/tipitaka/read/roman_read.php?B=19&A=1998&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=1998&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=394&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=79 Study Atthakatha :- https://84000.org/tipitaka/attha/attha.php?b=19&i=394 The Pali Atthakatha in Thai :- https://84000.org/tipitaka/atthapali/read_th.php?B=13&A=4606 The Pali Atthakatha in Roman :- https://84000.org/tipitaka/atthapali/read_rm.php?B=13&A=4606 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19