บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[627] Ekam samayam bhagava mallesu viharati uruvelakappam nama mallanam nigamo . atha kho gandhabhako gamani 1- yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho gandhabhako gamani bhagavantam etadavoca sadhu me bhante bhagava dukkhassa samudayanca atthangamanca desetuti . ahance te gamani atitamaddhanam arabbha dukkhassa samudayanca atthangamanca deseyyam evam ahosi atitamaddhananti . Tatra te siya kankha siya vimati . ahance te gamani anagatamaddhanam arabbha dukkhassa samudayanca atthangamanca deseyyam evam bhavissati anagatamaddhananti . tatrapi te siya kankha siya vimati . api caham gamani idheva nisinno ettheva te nisinnassa dukkhassa samudayanca atthangamanca desessami tam @Footnote: 1 Ma. bhadrako gamani. Yu. bhadragako gamani.--------------------------------------------------------------------------------------------- page404.
Sunohi sadhukam manasikarohi bhasissamiti . evam bhanteti kho gandhabhako gamani bhagavato paccassosi . bhagava etadavoca tam kim mannasi gamani atthi te uruvelakappe manussa yesam te vadhena va bandhena va janiya va garahaya va uppajjeyyum sokaparidevadukkhadomanassupayasati . atthi me bhante uruvelakappe manussa yesam me vadhena va bandhena va janiya va garahaya va uppajjeyyum sokaparidevadukkhadomanassupayasati . Atthi pana te gamani uruvelakappe manussa yesam te vadhena va bandhena va janiya va garahaya va nuppajjeyyum sokaparidevadukkha- domanassupayasati . atthi me bhante uruvelakappe manussa yesam me vadhena va bandhena va janiya va garahaya va nuppajjeyyum sokaparidevadukkhadomanassupayasati . ko nu kho gamani hetu ko paccayo yena te ekaccanam uruvelakappiyanam manussanam vadhena va bandhena va janiya va garahaya va uppajjeyyum sokaparidevadukkhadomanassupayasa . ko va pana gamani hetu ko paccayo yena te ekaccanam uruvelakappiyanam manussanam vadhena va bandhena va janiya va garahaya va nuppajjeyyum sokaparideva- dukkhadomanassupayasati . yesam me bhante uruvelakappiyanam manussanam vadhena va bandhena va janiya va garahaya va uppajjeyyum sokaparidevadukkhadomanassupayasa atthi me tesu--------------------------------------------------------------------------------------------- page405.
Chandarago . yesampana me bhante uruvelakappiyanam manussanam vadhena va bandhena va janiya va garahaya va nuppajjeyyum sokaparidevadukkhadomanassupayasa natthi me tesu chandaragoti . Imina tvam gamani dhammena ditthena viditena akalikena pattena pariyogalhena atitanagate nayam nehi yam kho kinci atitamaddhanam dukkham uppajjamanam uppajji sabbantam chandamulakam chandanidanam chando hi mulam dukkhassa . yampi hi kinci anagatamaddhanam dukkham uppajjamanam uppajjissati sabbantam chandamulakam chandanidanam chando hi mulam dukkhassati . acchariyam bhante abbhutam bhante yava subhasitancidam tena bhagavata yankinci atitamaddhanam dukkham uppajjamanam uppajji sabbantam chandamulakam chandanidanam chando hi mulam dukkhassati . yankinci anagatamaddhanam dukkham uppajjamanam uppajjissati sabbantam chandamulakam chandanidanam chando hi mulam dukkhassati . atthi me bhante ciravasi nama kumaro bahi avasathe pativasati so khvaham bhante kalasseva vutthaya purisam uyyojemi gaccha bhane ciravasim kumaram janahiti . yavakivanca bhante so puriso nagacchati tassa me hoteva annathattam ma hevam 1- ciravasissa kumarassa kinci abadhayethati 2-. [628] Tam kim mannasi gamani ciravasissa [3]- kumarassa vadhena va bandhena va janiya va garahaya va uppajjeyyum sokaparidevadukkhadomanassupayasati . @Footnote: 1 Ma. Yu. heva . 2 Ma. abadhayissathati. Yu. abadhayessati . 3 Yu. te.--------------------------------------------------------------------------------------------- page406.
Ciravasissa me bhante kumarassa vadhena va bandhena va janiya va garahaya va jivitassapi siya annathattam kim pana me nuppajjissanti sokaparidevadukkhadomanassupayasati . Imina kho etam gamani pariyayena veditabbam yankinci dukkham uppajjamanam uppajjati sabbantam chandamulakam chandanidanam chando hi mulam dukkhassati . tam kim mannasi gamani yada te ciravasimata adittha ahosi assuta ahosi te ciravasimatuya chando va rago va pemam vati . no hetam bhante. Dassanam va te gamani agamma savanam va [1]- evam te ahosi ciravasimatuya chando va rago va pemam vati. Evam bhante. {628.1} Tam kim mannasi gamani ciravasimatuya te vadhena va bandhena va janiya va garahaya va uppajjeyyum sokaparideva- dukkhadomanassupayasati . ciravasimatuya me bhante vadhena va bandhena va janiya va garahaya va jivitassapi siya annathattam kim pana me nuppajjissanti sokaparidevadukkha- domanassupayasati . imina kho etam gamani pariyayena veditabbam yankinci dukkham uppajjamanam uppajjati sabbantam chandamulakam chandanidanam chando hi mulam dukkhassati. Ekadasamam.The Pali Tipitaka in Roman Character Volume 18 page 403-406. https://84000.org/tipitaka/read/roman_read.php?B=18&A=8197&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=18&A=8197&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=627&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=18&siri=277 Study Atthakatha :- https://84000.org/tipitaka/attha/attha.php?b=18&i=627 The Pali Atthakatha in Thai :- https://84000.org/tipitaka/atthapali/read_th.php?B=13&A=3715 The Pali Atthakatha in Roman :- https://84000.org/tipitaka/atthapali/read_rm.php?B=13&A=3715 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]