PaliRoman Vol.18

[623] Ekam samayam bhagava rajagahe viharati veluvane kalandakanivape. Tena kho pana samayena rajantepure rajaparisaya sannisinnanam sannipatitanam ayamantarakatha udapadi kappati samananam sakyaputtiyanam jataruparajatam sadiyanti samana sakyaputtiya jataruparajatam patigganhanti samana sakyaputtiya jataruparajatanti. [624] Tena kho pana samayena maniculako gamani tassam parisayam nisinno hoti . atha kho maniculako gamani tam parisam etadavoca ma ayya evam avacuttha na kappati samananam sakyaputtiyanam jataruparajatam na sadiyanti samana sakyaputtiya jataruparajatam na patigganhanti samana sakyaputtiya jataruparajatam nikkhittamanisuvanna samana sakyaputtiya apetajataruparajatati . Asakkhi kho maniculako gamani tam parisam sannapetum. [625] Atha kho maniculako gamani yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho maniculako gamani bhagavantam etadavoca idha bhante rajantepure rajaparisaya sannisinnanam sannipatitanam ayamantarakatha udapadi kappati samananam sakyaputtiyanam jataruparajatam sadiyanti Samana sakyaputtiya jataruparajatam patigganhanti samana sakyaputtiya jataruparajatanti . evam vutte aham bhante tam parisam etadavocam ma ayya evam avacuttha na kappati samananam sakyaputtiyanam jataruparajatam na sadiyanti samana sakyaputtiya jataruparajatam na patigganhanti samana sakyaputtiya jataruparajatam nikkhittamanisuvanna samana sakyaputtiya apetajataruparajatati . Asakkhim khoham bhante tam parisam sannapetum . kaccaham bhante evam byakaramano vuttavadi ceva bhagavato homi na ca bhagavantam abhutena abbhacikkhami dhammassa canudhammam byakaromi na ca koci sahadhammiko vadanupato ^1- garayham thanam agacchatiti. [626] Taggha tvam gamani evam byakaramano vuttavadi ceva me ahosi na ca mam abhutena abbhacikkhasi dhammassa canudhammam byakarosi na ca koci sahadhammiko vadanupato ^1- garayham thanam agacchati . na hi gamani kappati samananam sakyaputtiyanam jataruparajatam na sadiyanti samana sakyaputtiya jataruparajatam na patigganhanti samana sakyaputtiya jataruparajatam nikkhittamanisuvanna samana sakyaputtiya apetajataruparajata . Yassa kho gamani jataruparajatam kappati pancapi tassa kamaguna kappanti yassa panca kamaguna kappanti tassapi jataruparajatam kappati ^2- @Footnote: ¹ Ma. Yu. vadanuvado. evamuparipi. ² Si. Ma. idam pathattayam na dissati. Ekamsenetam gamani dhareyyasi assamanadhammo asakyaputtiyadhammoti . Api caham gamani evam vadami tinam tinatthikena pariyesitabbam darum darutthikena pariyesitabbam sakatam sakatatthikena pariyesitabbam puriso purisatthikena pariyesitabbo . na tvevaham gamani kenaci pariyayena jataruparajatam saditabbam pariyesitabbanti vadamiti. Dasamam.

The Pali Tipitaka in Roman Character Volume 18 page 401-403. https://84000.org/tipitaka/read/roman_read.php?B=18&A=8155&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=18&A=8155&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=623&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=18&siri=276 Study Atthakatha :- https://84000.org/tipitaka/attha/attha.php?b=18&i=623 The Pali Atthakatha in Thai :- https://84000.org/tipitaka/atthapali/read_th.php?B=13&A=3692 The Pali Atthakatha in Roman :- https://84000.org/tipitaka/atthapali/read_rm.php?B=13&A=3692 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18