บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[620] Ekam samayam bhagava kosalesu carikam caramano mahata bhikkhusanghena saddhim yena nalanda tadavasari . tatra sudam bhagava nalandayam viharati pavarikambavane . tena kho pana samayena nalanda dubbhikkha hoti dvihitika setatthika salakavutta . Tena kho pana samayena nigantho nataputto nalandayam pativasati mahatiya niganthaparisaya saddhim . atha kho asibandhakaputto gamani niganthasavako yena nigantho nataputto tenupasankami upasankamitva nigantham nataputtam abhivadetva ekamattam nisidi. {620.1} Ekamantam nisinnam kho asibandhakaputtam gamanim nigantho nataputto etadavoca ehi tvam gamani samanassa gotamassa vadam aropehi evam te kalyano kittisaddo abbhuggacchissati asibandhakaputtena gamanina samanassa gotamassa evammahiddhikassa evammahanubhavassa vado aropitoti . katham panaham bhante samanassa gotamassa evammahiddhikassa evammahanubhavassa vadam aropemiti 1- . Ehi tvam gamani yena samano gotamo tenupasankama upasankamitva samanam gotamam evam vadehi nanu bhante bhagava anekapariyayena @Footnote: 1 Ma. Yu. aropessamiti.--------------------------------------------------------------------------------------------- page399.
Kulanam anudayam vanneti anurakkham vanneti anukampam vannetiti . Sace te 1- gamani samano gotamo evam puttho evam byakaroti evam gamani tathagato anekapariyayena kulanam anudayam vanneti anurakkham vanneti anukampam vannetiti . tamenam tvam evam vadeyyasi atha kincarahi bhante bhagava nalande dubbhikkhe dvihitike setatthike salakavutte mahata bhikkhusanghena saddhim carikancarati ucchedaya bhagava kulanam patipanno anayaya bhagava kulanam patipanno upaghataya bhagava kulanam patipannoti . imam kho te gamani samano gotamo ubhatokotikam panham puttho neva sakkhati uggilitum neva sakkhati ogilitunti. [621] Evam bhanteti kho asibandhakaputto gamani niganthassa nataputtassa patissutva utthayasana nigantham nataputtam abhivadetva padakkhinam katva yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho asibandhakaputto gamani bhagavantam etadavoca nanu bhante bhagava anekapariyayena kulanam anudayam vanneti anurakkham vanneti anukampam vannetiti . evam gamani tathagato anekapariyayena kulanam anudayam vanneti anurakkham vanneti anukampam vannetiti . Atha kincarahi bhante bhagava nalande dubbhikkhe dvihitike setatthike salakavutte mahata bhikkhusanghena saddhim @Footnote: 1 Ma. Yu. kho.--------------------------------------------------------------------------------------------- page400.
Carikam carati ucchedaya bhagava kulanam patipanno anayaya bhagava kulanam patipanno upaghataya bhagava kulanam patipannoti. [622] Ito so gamani ekanavuto kappo yamaham anussarami nabhijanami kinci kulam pakkabhikkhadanena upahatapubbam . atha kho yani tani kulani addhani mahaddhanani mahabhogani pahutajataruparajatani pahutavittupakaranani pahutadhanadhannani sabbani tani danasambhutani ceva saccasambhutani ca sannamasambhutani ca 1-. Attha gamani hetu attha paccaya kulanam upaghataya rajato va kulani upaghatam gacchanti corato va kulani upaghatam gacchanti aggito va kulani upaghatam gacchanti udakato va kulani upaghatam gacchanti nihitam va thana 2- vigacchati 3- duppayutta va kammanta vipajjanti 4- kule va kulangaroti upapajjati yo te bhoge vikirati vidhamati viddhamseti aniccatayeva atthamiti. {622.1} Ime kho gamani attha hetu attha paccaya kulanam upaghataya . imesu kho gamani atthasu hetusu atthasu paccayesu samvijjamanesu yo mam evam vadeyya ucchedaya bhagava kulanam patipanno anayaya bhagava kulanam patipanno upaghataya bhagava kulanam patipannoti . tam gamani vacam appahaya tam cittam appahaya tam ditthim appatinissajjitva yathabhatam nikkhitto evam nirayeti . @Footnote: 1 Ma. samannasambhutani ca . 2 Si. Yu. ayam patho natthi . 3 Si. Yu. nadhigacchanti. @4 Yu. kammantam jahanti.--------------------------------------------------------------------------------------------- page401.
Evam vutte asibandhakaputto gamani bhagavantam etadavoca abhikkantam bhante abhikkantam bhante .pe. upasakam mam bhagava dharetu ajjatagge panupetam saranangatanti. Navamam.The Pali Tipitaka in Roman Character Volume 18 page 398-401. https://84000.org/tipitaka/read/roman_read.php?B=18&A=8093&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=18&A=8093&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=620&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=18&siri=275 Study Atthakatha :- https://84000.org/tipitaka/attha/attha.php?b=18&i=620 The Pali Atthakatha in Thai :- https://84000.org/tipitaka/atthapali/read_th.php?B=13&A=3672 The Pali Atthakatha in Roman :- https://84000.org/tipitaka/atthapali/read_rm.php?B=13&A=3672 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]