บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[251] Atha kho ayasma mahakotthiko yena bhagava tenupasankami .pe. ekamantam nisinno kho ayasma mahakotthiko bhagavantam etadavoca sadhu me bhante bhagava sankhittena dhammam desetu yamaham bhagavato dhammam sutva eko vupakattho appamatto atapi pahitatto vihareyyanti. {251.1} Yam kho kotthika aniccam tatra te chando pahatabbo. Kinca kotthika aniccam . cakkhum [1]- kotthika aniccam tatra te chando pahatabbo . rupa anicca tatra te chando pahatabbo . Cakkhuvinnanam aniccam tatra te chando pahatabbo . Cakkhusamphasso anicco tatra te chando pahatabbo . Yampidam cakkhusamphassapaccaya uppajjati vedayitam sukham va dukkham va adukkhamasukham va tampi aniccam tatra te chando pahatabbo .pe. jivha anicca tatra te chando pahatabbo . @Footnote: 1 Ma. Yu. kho. Rasa anicca tatra te chando pahatabbo . jivhavinnanam aniccam tatra te chando pahatabbo . jivhasamphasso anicco tatra te chando pahatabbo . yampidam jivhasamphassapaccaya uppajjati vedayitam sukham va dukkham va adukkhamasukham va tampi aniccam tatra te chando pahatabbo .pe. mano anicco tatra te chando pahatabbo . dhamma anicca tatra te chando pahatabbo . Manovinnanam aniccam tatra te chando pahatabbo . manosamphasso anicco tatra te chando pahatabbo . yampidam manosamphassapaccaya uppajjati vedayitam sukham va dukkham va adukkhamasukham va tampi aniccam tatra te chando pahatabbo . yam kho kotthika aniccam tatra te chando pahatabboti. Sattamam.The Pali Tipitaka in Roman Character Volume 18 page 182-183. https://84000.org/tipitaka/read/roman_read.php?B=18&A=3689&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=18&A=3689&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=251&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=18&siri=140 Study Atthakatha :- https://84000.org/tipitaka/attha/attha.php?b=18&i=251 The Pali Atthakatha in Thai :- https://84000.org/tipitaka/atthapali/read_th.php?B=13&A=1216 The Pali Atthakatha in Roman :- https://84000.org/tipitaka/atthapali/read_rm.php?B=13&A=1216 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]