บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[235] Nibbanasappayam vo bhikkhave patipadam desissami tam sunatha .pe. katama ca sa bhikkhave nibbanasappaya patipada . Tam kim mannatha bhikkhave cakkhum niccam va aniccam vati . aniccam bhante . yam pananiccam dukkham va tam sukham vati . dukkham bhante. Yam pananiccam dukkham viparinamadhammam kallam nu tam samanupassitum etam mama esohamasmi eso me attati . no hetam bhante . rupa nicca va anicca vati . anicca bhante . Cakkhuvinnanam cakkhusamphasso .pe. yampidam manosamphassapaccaya uppajjati vedayitam sukham va dukkham va adukkhamasukham va tampi niccam va aniccam vati . aniccam bhante . yam pananiccam dukkham va tam sukham vati . dukkham bhante . yam pananiccam dukkham viparinamadhammam kallam nu tam samanupassitum etam mama esohamasmi eso me attati . no hetam bhante . evam passam bhikkhave sutava ariyasavako cakkhusmimpi nibbindati rupesupi nibbindati cakkhuvinnanepi nibbindati .pe. yampidam manosamphassapaccaya uppajjati vedayitam sukham va dukkham va adukkhamasukham va tasmimpi nibbindati nibbindam virajjati viraga vimuccati .pe. naparam itthattayati pajanati 1- . ayam kho sa bhikkhave nibbanasappaya @Footnote: 1 Yu. itisaddo atthi. Patipadati. Pancamam.The Pali Tipitaka in Roman Character Volume 18 page 169-170. https://84000.org/tipitaka/read/roman_read.php?B=18&A=3426&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=18&A=3426&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=235&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=18&siri=128 Study Atthakatha :- https://84000.org/tipitaka/attha/attha.php?b=18&i=235 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]