PaliRoman Vol.17

[541] Savatthi . ekamantam nisinno kho so bhikkhu bhagavantam etadavoca ko nu kho bhante hetu ko paccayo yena midhekacco kayassa bheda param marana saragandhe adhivatthanam devanam .pe. pheggugandhe adhivatthanam devanam . tacagandhe adhivatthanam Devanam . papatikagandhe adhivatthanam devanam . pattagandhe adhivatthanam devanam . pupphagandhe adhivatthanam devanam . phalagandhe adhivatthanam devanam . rasagandhe adhivatthanam devanam . gandhagandhe adhivatthanam devanam sahabyatam upapajjatiti . idha bhikkhu ekacco kayena sucaritam carati vacaya sucaritam carati manasa sucaritam carati tassa sutam hoti gandhagandhe adhivattha deva dighayuka vannavanto sukhabahulati . tassa evam hoti aho vataham kayassa bheda param marana gandhagandhe adhivatthanam devanam sahabyatam upapajjeyyanti . so annam deti panam deti vattham deti yanam deti malam deti gandham deti vilepanam deti seyyam deti avasatham deti padipeyyam deti . so kayassa bheda param marana gandhagandhe adhivatthanam devanam sahabyatam upapajjati . ayam kho bhikkhu hetu ayam paccayo yena midhekacco kayassa bheda param marana gandhagandhe adhivatthanam devanam sahabyatam upapajjatiti . (evam ekapindikena ekasatanca dvadasa ca suttanta bhavanti). Gandhabbakayasamyuttam nitthitam. Tassuddanam suddhakam ca sucaritam ^1- data hi apare tayo ^2- danupakara dasadha ^3- gandhabba suppakasitati. ------------ @Footnote: ¹ Po. suddhakam ca sucaritam ca . ² Ma. Yu. dasa. . ³ Ma. satama.

The Pali Tipitaka in Roman Character Volume 17 page 312-313. https://84000.org/tipitaka/read/roman_read.php?B=17&A=6279&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=17&A=6279&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=541&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=17&siri=298 Study Atthakatha :- https://84000.org/tipitaka/attha/attha.php?b=17&i=541 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17