|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 17 : PALI ROMAN Sutta Pitaka Vol 9 : Sutta. Saṃ. Kha.
[478] Savatthi . rupam bhikkhave aniccam viparinami annathabhavi vedana anicca viparinami annathabhavi sanna . sankhara anicca viparinamino annathabhavino vinnanam aniccam viparinami annathabhavi . yo bhikkhave ime dhamme evam saddahati adhimuccati. Ayam vuccati saddhanusari okkanto sammattaniyamam sappurisabhumim okkanto vitivatto puthujjanabhumim abhabbo tam kammam katum yam kammam katva nirayam va tiracchanayonim va pittivisayam va upapajjeyya abhabbova tava kalam katum yava na sotapattiphalam sacchikaroti. {478.1} Yassa kho bhikkhave ime dhamma evam pannaya mattaso nijjhanam khamanti . ayam vuccati dhammanusari okkanto sammattaniyamam sappurisabhumim Okkanto vitivatto puthujjanabhumim abhabbo tam kammam katum yam kammam katva nirayam va tiracchanayonim va pittivisayam va upapajjeyya abhabbova tava kalam katum yava na sotapattiphalam sacchikaroti . Yo bhikkhave ime dhamme evam pajanati evam passati . Ayam vuccati sotapanno avinipatadhammo niyato sambodhiparayanoti. Okkantasamyuttam. Tassuddanam cakkhu rupanca vinnanam phasso ca vedanaya ca sanna ca cetana tanha dhatu khandhena te dasati. ---------The Pali Tipitaka in Roman Character Volume 17 page 281-282. https://84000.org/tipitaka/read/roman_read.php?B=17&A=5683&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=17&A=5683&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=478&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=17&siri=245 Study Atthakatha :- https://84000.org/tipitaka/attha/attha.php?b=17&i=478 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]