|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 17 : PALI ROMAN Sutta Pitaka Vol 9 : Sutta. Saṃ. Kha.
[466] Savatthi . kismim nu kho bhikkhave sati kim upadaya kim abhinivissa evam ditthi uppajjati adukkhamasukhi atta hoti arogo parammaranati . bhagavammulaka no bhante dhamma .pe. Rupe kho bhikkhave sati rupam upadaya rupam abhinivissa evam ditthi uppajjati adukkhamasukhi atta hoti arogo parammaranati . Vedanaya sati .pe. sannaya sati . sankharesu sati . vinnane sati vinnanam upadaya vinnanam abhinivissa evam ditthi uppajjati adukkhamasukhi atta hoti arogo parammaranati. [467] Tam kim mannatha bhikkhave rupam niccam va aniccam vati . Aniccam bhante . yam pananiccam dukkham va tam sukham vati . dukkham--------------------------------------------------------------------------------------------- page276.
Bhante . yam pananiccam dukkham viparinamadhammam kallam nu tam samanupassitum etam mama esohamasmi eso me attati . no hetam bhante . vedana .pe. sanna . sankhara . vinnanam niccam va aniccam vati . aniccam bhante . yam pananiccam dukkham va tam sukham vati . dukkham bhante . yam pananiccam dukkham viparinamadhammam kallam nu tam samanupassitum etam mama esohamasmi eso me attati. No hetam bhante. [468] Tasma tiha bhikkhave yankinci rupam atitanagatapaccuppannam ajjhattam va bahiddha va olarikam va sukhumam va hinam va panitam va yam dure santike va sabbam rupam netam mama nesohamasmi na meso attati evametam yathabhutam sammappannaya datthabbam . Ya kaci vedana . ya kaci sanna . ye keci sankhara . Yankinci vinnanam atitanagatapaccuppannam ajjhattam va bahiddha va olarikam va sukhumam va hinam va panitam va yam dure santike va sabbam vinnanam netam mama nesohamasmi na meso attati evametam yathabhutam sammappannaya datthabbam . evam passam bhikkhave sutava ariyasavako rupasmimpi nibbindati vedanayapi nibbindati sannayapi nibbindati sankharesupi nibbindati vinnanasmimpi nibbindati nibbindam virajjati viraga vimuccati vimuttasmim vimuttamiti nanam hoti . khina jati vusitam brahmacariyam katam--------------------------------------------------------------------------------------------- page277.
Karaniyam naparam itthattayati pajanatiti . (purimagamanam attharasa veyyakarana dutiyagamanam chabbisam vittharetabbani tatiyagamanam chabbisam vittharetabbani catutthagamanam chabbisam vittharetabbani). Ditthisamyuttam nitthitam ------------The Pali Tipitaka in Roman Character Volume 17 page 275-277. https://84000.org/tipitaka/read/roman_read.php?B=17&A=5576&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=17&A=5576&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=466&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=17&siri=235 Study Atthakatha :- https://84000.org/tipitaka/attha/attha.php?b=17&i=466 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]