บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[419] Savatthi . kismim nu kho bhikkhave sati kim upadaya kim abhinivissa evam ditthi uppajjati etam mama esohamasmi eso me attati . bhagavammulaka no bhante dhamma .pe. rupe kho bhikkhave sati rupam upadaya rupam abhinivissa evam ditthi uppajjati etam mama esohamasmi eso me attati . vedanaya sati .pe. Sannaya sati . sankharesu sati . vinnane sati vinnanam upadaya vinnanam abhinivissa evam ditthi uppajjati etam mama esohamasmi eso me attati. [420] Tam kim mannatha bhikkhave rupam niccam va aniccam vati . Aniccam bhante .pe. api nu tam anupadaya evam ditthi uppajjeyya etam mama esohamasmi eso me attati . no hetam bhante . Vedana . sanna . sankhara . vinnanam niccam va aniccam vati . aniccam .pe. api nu tam anupadaya evam ditthi uppajjeyya etam mama esohamasmi eso me attati . no hetam bhante . Yampidam dittham sutam mutam vinnatam pattam pariyesitam anuvicaritam manasa Tampi niccam va aniccam vati . aniccam bhante . yam pananiccam dukkham va tam sukham vati . dukkham bhante . yam pananiccam dukkham viparinamadhammam api nu tam anupadaya evam ditthi uppajjeyya etam mama esohamasmi eso me attati. No hetam bhante. Yato kho bhikkhave ariyasavakassa imesu chasu thanesu kankha pahina hoti dukkhepissa kankha pahina hoti .pe. dukkhanirodhagaminiya patipadayapissa kankha pahina hoti . ayam vuccati bhikkhave ariyasavako sotapanno avinipatadhammo niyato sambodhiparayanoti.The Pali Tipitaka in Roman Character Volume 17 page 250-251. https://84000.org/tipitaka/read/roman_read.php?B=17&A=5069&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=17&A=5069&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=419&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=17&siri=205 Study Atthakatha :- https://84000.org/tipitaka/attha/attha.php?b=17&i=419 The Pali Atthakatha in Thai :- https://84000.org/tipitaka/atthapali/read_th.php?B=12&A=8132 The Pali Atthakatha in Roman :- https://84000.org/tipitaka/atthapali/read_rm.php?B=12&A=8132 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]