![]() |
|
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
![]() |
|
[158] Savatthi . tatra kho . ye hi keci bhikkhave samana va brahmana va anekavihitam pubbenivasam anussaramana anussaranti sabbe te pancupadanakkhandhe anussaranti etesam va annataram . Katame panca . evamrupo ahosim atitamaddhananti iti va hi bhikkhave anussaramano rupanneva anussarati . evamvedano ahosim atitamaddhananti iti va hi bhikkhave anussaramano vedananneva anussarati . evamsanno ahosim atitamaddhananti . evamsankharo ahosim atitamaddhananti . evamvinnano ahosim atitamaddhananti iti va hi bhikkhave anussaramano vinnananneva anussarati. [159] Kinca 1- bhikkhave rupam vadetha. Ruppatiti kho bhikkhave tasma rupanti vuccati . kena ruppati . sitenapi ruppati unhenapi ruppati jighacchayapi ruppati pipasayapi ruppati damsamakasavatatapasirisapa- samphassenapi ruppati. Ruppatiti kho bhikkhave tasma rupanti vuccati. Kinca bhikkhave vedanam vadetha . vedayatiti 2- kho bhikkhave tasma vedanati vuccati . kinca vedayati 3- . Sukhampi vedayati dukkhampi vedayati adukkhamasukhampi vedayati. Vedayatiti kho bhikkhave tasma vedanati vuccati. Kinca bhikkhave sannam vadetha . sanjanatiti 4- kho bhikkhave @Footnote: 1 Po. kinci. sabbattha idisameva . 2 Yu. vediyantiti . 3 Yu. vediyati. @4 Po. pajanatiti. Tasma sannati vuccati . kinca sanjanati . nilampi sanjanati pitakampi sanjanati lohitakampi sanjanati odatampi sanjanati . Sanjanatiti kho bhikkhave tasma sannati vuccati. Kinca bhikkhave sankhare vadetha. Sankhatam abhisankharontiti kho bhikkhave tasma sankharati vuccanti . kinca sankhatam abhisankharonti . rupam rupattaya sankhatam abhisankharonti vedanam vedanattaya sankhatam abhisankharonti sannam sannattaya sankhatam abhisankharonti sankhare sankharattaya sankhatam abhisankharonti vinnanam vinnanattaya sankhatam abhisankharonti . sankhatam abhisankharontiti kho bhikkhave tasma sankharati vuccanti. Kinci bhikkhave vinnanam vadetha . vijanatiti kho bhikkhave tasma vinnananti vuccati . kinca vijananti 1- . ambilampi vijanati tittakampi vijanati katukampi vijanati madhurampi vijanati kharikampi vijanati akharikampi vijanati lonikampi vijanati alonikampi vijanati. Vijanatiti kho bhikkhave tasma vinnananti vuccati. [160] Tatra bhikkhave sutava ariyasavako iti patisancikkhati aham kho etarahi rupena khajjami atitampaham addhanam evameva rupena khajjim seyyathapi etarahi paccuppannena rupena khajjami ahanceva kho pana anagatam rupam abhinandeyyam anagatampaham addhanam evameva rupena khajjeyyam seyyathapi etarahi paccuppannena rupena khajjamiti . so iti patisankhaya atitasmim rupasmim anapekkho @Footnote: 1 Po. Yu. vijanati. Hoti anagatam rupam nabhinandati paccuppannassa rupassa nibbidaya viragaya nirodhaya patipanno hoti. {160.1} Aham kho etarahi vedanaya khajjami atitampaham addhanam evameva vedanaya khajjim seyyathapi etarahi paccuppannaya vedanaya khajjami ahanceva kho pana anagatam vedanam abhinandeyyam anagatampaham addhanam evameva vedanaya khajjeyyam seyyathapi etarahi paccuppannaya vedanaya khajjamiti . so iti patisankhaya atitaya vedanaya anapekkho hoti anagatam vedanam nabhinandati paccuppannaya vedanaya nibbidaya viragaya nirodhaya patipanno hoti. {160.2} Aham kho etarahi sannaya khajjami. Aham kho etarahi sankharehi khajjami atitampaham addhanam evameva sankharehi khajjim seyyathapi etarahi paccuppannehi sankharehi khajjami ahanceva kho pana anagate sankhare abhinandeyyam anagatampaham addhanam evameva sankharehi khajjeyyam seyyathapi etarahi paccuppannehi sankharehi khajjamiti . so iti patisankhaya atitesu sankharesu anapekkho hoti anagate sankhare nabhinandati paccuppannanam sankharanam nibbidaya viragaya nirodhaya patipanno hoti. {160.3} Aham kho etarahi vinnanena khajjami atitampaham addhanam evameva vinnanena khajjim seyyathapi etarahi paccuppannena vinnanena khajjami ahanceva kho pana anagatam vinnanam abhinandeyyam anagatampaham addhanam evameva vinnanena khajjeyyam Seyyathapi etarahi paccuppannena vinnanena khajjamiti . so iti patisankhaya atitasmimpi vinnanasmim anapekkho hoti anagatam vinnanam nabhinandati paccuppannassa vinnanassa nibbidaya viragaya nirodhaya patipanno hoti. [161] Tam kim mannatha bhikkhave rupam niccam va aniccam vati . Aniccam bhante . yam pananiccam dukkham va tam sukham vati . dukkham bhante . yam pananiccam dukkham viparinamadhammam kallam nu tam samanupassitum etam mama esohamasmi eso me attati . no hetam 1- bhante. Vedana . sanna . sankhara . vinnanam niccam va aniccam vati . aniccam bhante . yam pananiccam dukkham va tam sukham vati. Dukkham bhante . yam pananiccam dukkham viparinamadhammam kallam nu tam samanupassitum etam mama esohamasmi eso me attati . no hetam bhante. [162] Tasma tiha bhikkhave yankinci rupam atitanagatapaccuppannam ajjhattam va bahiddha va olarikam va sukhumam va hinam va panitam va yam dure [2]- santike va sabbam rupam netam mama nesohamasmi na meso attati evametam yathabhutam sammappannaya datthabbam . ya kaci vedana . ya kaci sanna . ye keci sankhara . yankinci vinnanam atitanagatapaccuppannam .pe. Yam dure santike va sabbam vinnanam netam mama nesohamasmi @Footnote: 1 Yu. no etam bhante . 2 Po. etthantare vasaddo dissati. Na meso attati evametam yathabhutam sammappannaya datthabbam . Ayam vuccati bhikkhave ariyasavako apacinati no acinati pajahati na 1- upadiyati visineti na 2- ussineti vidhupeti na sandhupeti. [163] Kinca apacinati no acinati . rupam apacinati no acinati . vedanam . sannam . sankhare . vinnanam apacinati no acinati . kinca pajahati na upadiyati . rupam pajahati na upadiyati . vedanam . sannam . sankhare . vinnanam pajahati na upadiyati . kinca visineti na ussineti . rupam visineti na ussineti . vedanam . sannam . sankhare . vinnanam visineti na ussineti . kinca vidhupeti na sandhupeti . rupam vidhupeti na sandhupeti . vedanam . sannam . sankhare . vinnanam vidhupeti na sandhupeti . evam passam bhikkhave sutava ariyasavako rupasmimpi nibbindati vedanayapi . sannayapi . sankharesupi . vinnanasmimpi nibbindati nibbindam virajjati viraga vimuccati . vimuttasmim vimuttamiti nanam hoti . khina jati vusitam brahmacariyam katam karaniyam naparam itthattayati pajanati . ayam vuccati bhikkhave bhikkhu neva acinati na apacinati apacinitva thito neva pajahati na upadiyati pajahitva thito neva visineti na ussineti visinetva thito neva vidhupeti na sandhupeti vidhupetva thito. [164] Kinca neva acinati na apacinati apacinitva thito . @Footnote: 1-2 Yu. no. Rupam neva acinati na apacinati apacinitva thito . vedanam . Sannam . sankhare . vinnanam neva acinati na apacinati apacinitva thito . kinca neva pajahati na upadiyati pajahitva thito . rupam neva pajahati na upadiyati pajahitva thito . Vedanam. Sannam . sankhare . vinnanam neva pajahati na upadiyati pajahitva thito . kinca neva visineti na ussineti visinetva thito . rupe 1- neva visineti na ussineti visinetva thito. Vedanam. Sannam . sankhare . vinnanam neva visineti na ussineti visinetva thito . kinca neva vidhupeti na sandhupeti vidhupetva thito . rupam neva vidhupeti na sandhupeti vidhupetva thito . vedanam . sannam . Sankhare . vinnanam neva vidhupeti na sandhupeti vidhupetva thito . evam vimuttacittam kho bhikkhave bhikkhum sainda deva sabrahmaka sapajapatika arakava namassanti namo te purisajanna namo te purisuttama yassa te nabhijanama yampi nissaya jhayasiti.The Pali Tipitaka in Roman Character Volume 17 page 105-110. https://84000.org/tipitaka/read/roman_read.php?B=17&A=2112&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=17&A=2112&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=158&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=17&siri=79 Study Atthakatha :- https://84000.org/tipitaka/attha/attha.php?b=17&i=158 The Pali Atthakatha in Thai :- https://84000.org/tipitaka/atthapali/read_th.php?B=12&A=6992 The Pali Atthakatha in Roman :- https://84000.org/tipitaka/atthapali/read_rm.php?B=12&A=6992 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17
![]() ![]() ![]() ![]() ![]() ![]() ![]() ![]() ![]() ![]() |
![]() |
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]