|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 17 : PALI ROMAN Sutta Pitaka Vol 9 : Sutta. Saṃ. Kha.
[106] Savatthiyam . tatra kho . Pancimani bhikkhave bijajatani. Katamani panca . mulabijam khandhabijam phalabijam aggabijam bijabijanneva pancamam . imani cassu bhikkhave panca bijajatani akkhandani aputikani avatatapappahatani 1- saradani sukhasayitani pathavi ca nassa apo ca nassa . api numani bhikkhave panca bijajatani vuddhim virulhim vepullam apajjeyyunti . no hetam bhante . imani cassu bhikkhave panca bijajatani akkhandani 2- .pe. sukhasayitani pathavi ca assa apo ca assa . api numani bhikkhave panca bijajatani vuddhim virulhim vepullam apajjeyyunti. Evam bhante. [107] Seyyathapi bhikkhave pathavidhatu evam catasso vinnanatthitiyo datthabba . seyyathapi bhikkhave apodhatu evam nandirago datthabbo . seyyathapi bhikkhave panca bijajatani evam vinnanam saharam datthabbam . rupupayam 3- va 4- bhikkhave vinnanam titthamanam tittheyya ruparammanam rupappatittham nandupasevanam vuddhim virulhim vepullam apajjeyya . vedanupayam va bhikkhave vinnanam titthamanam tittheyya .pe. nandupasevanam vuddhim virulhim vepullam apajjeyya . sannupayam va .pe. sankharupayam va bhikkhave vinnanam titthamanam tittheyya sankhararammanam sankharappatittham nandupasevanam vuddhim virulhim vepullam apajjeyya . yo bhikkhave evam vadeyya aham annatra rupa annatra vedanaya annatra @Footnote: 1 Yu. avatatapahatani . 2 Yu. khandani . 3 Ma. rupupayam . 4 Ma. vasaddo @natthi.--------------------------------------------------------------------------------------------- page68.
Sannaya annatra sankharehi vinnanassa agatim va gatim va cutim va upapattim va vuddhim va virulhim va vepullam va pannapessamiti netam thanam vijjati. {107.1} Rupadhatuya ce bhikkhave bhikkhuno rago pahino hoti ragassa pahana vocchijjatarammanam patittha vinnanassa na hoti . Vedanadhatuya ce . sannadhatuya ce . sankharadhatuya ce . Vinnanadhatuya ce bhikkhave bhikkhuno rago pahino hoti ragassa pahana vocchijjatarammanam patittha vinnanassa na hoti . Tadappatitthitam vinnanam avirulham anabhisankhacca 1- vimuttam vimuttatta thitam thitatta santusitam santusitatta na paritassati aparitassam paccattanneva parinibbayati . khina jati .pe. Naparam itthattayati pajanatiti.The Pali Tipitaka in Roman Character Volume 17 page 67-68. https://84000.org/tipitaka/read/roman_read.php?B=17&A=1328&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=17&A=1328&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=106&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=17&siri=54 Study Atthakatha :- https://84000.org/tipitaka/attha/attha.php?b=17&i=106 The Pali Atthakatha in Thai :- https://84000.org/tipitaka/atthapali/read_th.php?B=12&A=6579 The Pali Atthakatha in Roman :- https://84000.org/tipitaka/atthapali/read_rm.php?B=12&A=6579 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]