PaliRoman Vol.16

[65] Savatthiyam viharati ... dasabalasamannagato bhikkhave tathagato catuhi ca vesarajjehi samannagato asabhanthanam patijanati parisasu sihanadam nadati brahmacakkam pavatteti iti rupam iti rupassa samudayo iti rupassa atthangamo iti vedana iti vedanaya samudayo iti Vedanaya atthangamo iti sanna iti sannaya samudayo iti sannaya atthangamo iti sankhara iti sankharanam samudayo iti sankharanam atthangamo iti vinnanam iti vinnanassa samudayo iti vinnanassa atthangamo iti imasmim sati idam hoti imassuppada idam uppajjati imasmim asati idam na hoti imassa nirodha idam nirujjhati yadidam avijjapaccaya sankhara sankharapaccaya vinnanam .pe. evametassa kevalassa dukkhakkhandhassa samudayo hoti . avijjaya tveva asesaviraganirodha sankharanirodho sankharanirodha vinnananirodho .pe. evametassa kevalassa dukkhakkhandhassa nirodho hoti. [66] Evam svakkhato bhikkhave maya dhammo uttano vivato pakasito chinnapilotiko . evam svakkhate kho bhikkhave maya dhamme uttane vivate pakasite chinnapilotike alameva saddhapabbajitena kulaputtena viriyam arabhitum kamam taco ca naharu ca atthi ca avasissatu sarire upasussatu mamsalohitam yantam purisathamena purisaviriyena purisaparakkamena pattabbam na tam apapunitva purisassa ^1- viriyassa santhanam bhavissatiti. {66.1} Dukkham bhikkhave kusito viharati vokinno papakehi akusalehi dhammehi mahantanca sadattham parihapeti . araddhaviriyo ca kho bhikkhave sukham viharati pavivitto papakehi akusalehi dhammehi mahantanca sadattham paripureti . na bhikkhave @Footnote: ¹ Ma. Yu. ayam patho natthi. Hinena aggassa patti hoti aggena ca kho ^[1]- aggassa patti hoti. Mandapeyyamidam bhikkhave brahmacariyam sattha sammukhibhuto. [67] Tasmatiha bhikkhave viriyam arabhatha appattassa pattiya anadhigatassa adhigamaya asacchikatassa sacchikiriyaya evam no ayam amhakam pabbajja avamkata ^2- avanjha bhavissati saphala saudraya yesam ^3- mayam paribhunjama civarapindapatasenasanagilanapaccayabhesajjaparikkharam tesam te kara amhesu mahapphala bhavissanti mahanisamsati evam hi vo bhikkhave sikkhitabbam . attattham va hi bhikkhave sampassamanena alameva appamadena sampadetum . Parattham va hi bhikkhave sampassamanena alameva appamadena sampadetum . ubhayattham va hi bhikkhave sampassamanena alameva appamadena sampadetunti. Dutiyam.

The Pali Tipitaka in Roman Character Volume 16 page 33-35. https://84000.org/tipitaka/read/roman_read.php?B=16&A=681&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=681&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=65&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=18 Study Atthakatha :- https://84000.org/tipitaka/attha/attha.php?b=16&i=65 The Pali Atthakatha in Thai :- https://84000.org/tipitaka/atthapali/read_th.php?B=12&A=1099 The Pali Atthakatha in Roman :- https://84000.org/tipitaka/atthapali/read_rm.php?B=12&A=1099 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16