ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 16 : PALI ROMAN Sutta Pitaka Vol 8 : Sutta. Saṃ. Ni.

     [53]  Savatthiyam  viharati  ...  atha kho timbarukkho 1- paribbajako
yena   bhagava   tenupasankami   upasankamitva   bhagavata   saddhim   sammodi
sammodaniyam katham saraniyam vitisaretva ekamantam nisidi.
     [54]   Ekamantam  nisinno  kho  timbarukkho  paribbajako  bhagavantam
etadavoca   kim   nu   kho   bho   gotama   sayamkatam  sukhadukkhanti  .  ma
hevam   timbarukkhati   bhagava   avoca   .  kim  pana  bho  gotama  parakatam
sukhadukkhanti   .  ma  hevam  timbarukkhati  bhagava  avoca  .  kim  nu  kho
bho    gotama    sayamkatanca    parakatanca   sukhadukkhanti   .   ma   hevam
timbarukkhati  bhagava  avoca  .  kim  pana  bho  gotama  asayamkaram aparakaram
adhicca   samuppannam   sukhadukkhanti   .   ma   hevam   timbarukkhati  bhagava
@Footnote: 1 Ma. Yu. timbaruko. evamuparipi.
Avoca   .   kim   nu   kho  bho  gotama  natthi  sukhadukkhanti  .  na  kho
timbarukkha    natthi   sukhadukkham   atthi   kho   timbarukkha   sukhadukkhanti  .
Tenahi   bhavam  gotamo  sukhadukkham  na  janati  na  passatiti  .  na  khvaham
timbarukkha   sukhadukkham  na  janami  na  passami  janami  khvaham  timbarukkha
sukhadukkham passami khvaham timbarukkha sukhadukkhanti.
     {54.1}  Kim  nu  kho  bho  gotama  sayamkatam  sukhadukkhanti  iti puttho
samano   ma   hevam  timbarukkhati  vadesi  kim  pana  bho  gotama  parakatam
sukhadukkhanti  iti  puttho  samano  ma  hevam  timbarukkhati  vadesi  kim  nu
kho   bho  gotama  sayamkatanca  parakatanca  sukhadukkhanti  iti  puttho  samano
ma   hevam   timbarukkhati   vadesi   kim   pana   bho   gotama  asayamkaram
aparakaram   adhicca   samuppannam   sukhadukkhanti   iti   puttho  samano  ma
hevam   timbarukkhati   vadesi  kim  nu  kho  bho  gotama  natthi  sukhadukkhanti
iti   puttho   samano   na   kho  timbarukkha  natthi  sukhadukkham  atthi  kho
timbarukkha    sukhadukkhanti    vadesi    tenahi    bhavam   gotamo   sukhadukkham
na   janati   na   passatiti  iti  puttho  samano  na  khvaham  timbarukkha
sukhadukkham   na   janami  na  passami  janami  khvaham  timbarukkha  sukhadukkham
passami   khvaham   timbarukkha  sukhadukkhanti  vadesi  acikkhatu  ca  me  bhavam
gotamo sukhadukkham desetu ca me bhavam gotamo sukhadukkhanti.
     [55]  Sa  vedana  so  vedayatiti  kho  timbarukkha  adito sato
sayamkatam  sukhadukkhanti  evancaham  1-  na  vadami  .  anna vedana anno
@Footnote: 1 Ma. Yu. evampaham. evamuparipi.
Vedayatiti   kho   timbarukkha   vedanabhitunnassa   sato  parakatam  sukhadukkhanti
evancaham  na  vadami  .  ete  te  timbarukkha  ubho  ante anupagamma
majjhena  tathagato  dhammam  deseti  avijjapaccaya sankhara sankharapaccaya
vinnanam      .pe.      evametassa      kevalassa     dukkhakkhandhassa
samudayo   hoti  .  avijjaya  tveva  asesaviraganirodha  sankharanirodho
sankharanirodha     vinnananirodho    .pe.    evametassa    kevalassa
dukkhakkhandhassa nirodho hotiti.
     [56]  Evam  vutte  timbarukkho  paribbajako  bhagavantam  etadavoca
abhikkantam    bho   gotama   abhikkantam   bho   gotama   .pe.   esaham
bhante    bhavantam    gotamam    saranam    gacchami   dhammanca   bhikkhusanghanca
upasakam    mam    bhavam    gotamo    dharetu    ajjatagge    panupetam
saranangatanti. Atthamam.



             The Pali Tipitaka in Roman Character Volume 16 page 26-28. https://84000.org/tipitaka/read/roman_read.php?B=16&A=531&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=531&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=16&item=53&items=4              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=14              Study Atthakatha :- https://84000.org/tipitaka/attha/attha.php?b=16&i=53              The Pali Atthakatha in Thai :- https://84000.org/tipitaka/atthapali/read_th.php?B=12&A=956              The Pali Atthakatha in Roman :- https://84000.org/tipitaka/atthapali/read_rm.php?B=12&A=956              Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]