PaliRoman Vol.16

[528] Ekam samayam ayasma ca mahakassapo ayasma ca Sariputto baranasiyam viharanti isipatane migadaye . atha kho ayasma sariputto sayanhasamayam patisallana vutthito yenayasma mahakassapo tenupasankami upasankamitva ayasmata mahakassapena saddhim sammodi sammodaniyam katham saraniyam vitisaretva ekamantam nisidi. [529] Ekamantam nisinno kho ayasma sariputto ayasmantam mahakassapam etadavoca kinnu kho avuso kassapa hoti tathagato parammaranati . abyakatam kho etam avuso bhagavata hoti tathagato parammaranati . kim panavuso na hoti tathagato parammaranati . etampi ^1- kho avuso abyakatam bhagavata na hoti tathagato parammaranati . kim nu kho avuso hoti ca na ca hoti tathagato parammaranati . abyakatam kho etam avuso bhagavata hoti ca na ca hoti tathagato parammaranati . kim panavuso neva hoti na na hoti tathagato parammaranati . Etampi kho avuso abyakatam bhagavata neva hoti na na hoti tathagato parammaranati . kasma cetam avuso abyakatam bhagavatati . na hetam avuso atthasanhitam nadibrahmacariyakam na nibbidaya na viragaya na nirodhaya na upasamaya na abhinnaya na sambodhaya na nibbanaya samvattati tasma tam abyakatam bhagavatati. [530] Atha kincarahavuso byakatam bhagavatati . idam dukkhanti @Footnote: ¹ Ma. Yu. evampi. Kho avuso byakatam bhagavata ayam dukkhasamudayoti byakatam bhagavata ayam dukkhanirodhoti byakatam bhagavata ayam dukkhanirodhagamini patipadati byakatam bhagavatati . kasma cetam avuso byakatam bhagavatati . Etanhi avuso atthasanhitam etam adibrahmacariyakam etam nibbidaya viragaya nirodhaya upasamaya abhinnaya sambodhaya nibbanaya samvattati tasma tam byakatam bhagavatati. Dvadasamam.

The Pali Tipitaka in Roman Character Volume 16 page 261-263. https://84000.org/tipitaka/read/roman_read.php?B=16&A=5289&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=5289&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=528&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=150 Study Atthakatha :- https://84000.org/tipitaka/attha/attha.php?b=16&i=528 The Pali Atthakatha in Thai :- https://84000.org/tipitaka/atthapali/read_th.php?B=12&A=4991 The Pali Atthakatha in Roman :- https://84000.org/tipitaka/atthapali/read_rm.php?B=12&A=4991 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16