PaliRoman Vol.16

[512] Evamme sutam ekam samayam ayasma mahakassapo savatthiyam viharati jetavane anathapindikassa arame . atha kho Ayasma anando pubbanhasamayam nivasetva pattacivaramadaya yenayasma mahakassapo tenupasankami upasankamitva ayasmantam mahakassapam etadavoca ayama bhante kassapa yena annataro bhikkhunupassayo tenupasankamissamati . gaccha tvam avuso ananda bahukicco tvam bahukaraniyoti . dutiyampi kho ayasma anando ayasmantam mahakassapam etadavoca ayama bhante kassapa yena annataro bhikkhunupassayo tenupasankamissamati . gaccha tvam avuso ananda bahukicco tvam bahukaraniyoti . tatiyampi kho ayasma anando ayasmantam mahakassapam etadavoca ayama bhante kassapa yena annataro bhikkhunupassayo tenupasankamissamati. [513] Atha kho ayasma mahakassapo pubbanhasamayam nivasetva pattacivaramadaya ayasmata anandena pacchasamanena yena annataro bhikkhunupassayo tenupasankami upasankamitva pannatte asane nisidi . atha kho sambahula bhikkhuniyo yenayasma mahakassapo tenupasankamimsu upasankamitva ayasmantam mahakassapam abhivadetva ekamantam nisidimsu . ekamantam nisinna kho ta bhikkhuniyo ayasma mahakassapo dhammiya kathaya sandassesi samadapesi samuttejesi sampahamsesi . atha kho ayasma mahakassapo ta bhikkhuniyo dhammiya kathaya sandassetva samadapetva samuttejetva sampahamsetva utthayasana pakkami. [514] Atha kho thullatissa bhikkhuni anattamana anattamanavacam niccharesi kim pana ayyo mahakassapo ayyassa anandassa vedehamunino sammukha dhammam bhasitabbam mannati seyyathapi nama sucibanijako sukhumasucikarassa santike sucim vikketabbam manneyya evameva ayyo mahakassapo ayyassa anandassa vedehamunino sammukha dhammam bhasitabbam mannatiti ^1- . assosi kho ayasma mahakassapo thullatissaya bhikkhuniya imam vacam bhasamanaya . Atha kho ayasma mahakassapo ayasmantam anandam etadavoca kim nu kho avuso ananda aham sucibanijako tvam sucikaro udahu aham sucikaro tvam sucibanijakoti . khamatha ^2- bhante kassapa balo matugamoti. [515] Agamehi tvam avuso ananda ma te sangho uttarim upaparikkhi tam kim mannasi avuso ananda api nu tvam bhagavato sammukha bhikkhusanghe upanito aham bhikkhave yavadeva akankhami vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharami anandopi bhikkhave yavadeva akankhati vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharatiti . no hetam bhante . aham kho avuso bhagavato sammukha bhikkhusanghe upanito aham bhikkhave yavadeva akankhami vivicceva @Footnote: ¹ Yu. mannatiti . ² Ma. khama. Kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharami kassapopi bhikkhave yavadeva akankhati vivicceva kamehi vivicca akusalehi dhammehi .pe. pathamam jhanam upasampajja viharatiti . [navannam anupubbaviharasamapattinam pancannanca abhinnanam evam peyyalo]. [516] Tam kim mannasi avuso ananda api nu tvam bhagavato sammukha bhikkhusanghe upanito aham bhikkhave asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharami anandopi bhikkhave asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharatiti . no hetam bhante . aham kho avuso bhagavato sammukha bhikkhusanghe upanito aham bhikkhave asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharami kassapopi bhikkhave asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharatiti. [517] Sattaratanam va so ^1- avuso nagam addhatthamaratanam ^2- va talapattikaya chadetabbam manneyya yo mam ^3- chahi abhinnahi chadetabbam manneyyati . cavittha ca pana thullatissa bhikkhuni brahmacariyamhati. Dasamam. @Footnote: ¹ Ma. Yu. ayam patho natthi . ² Yu. addhattharatanam . ³ Ma. Yu. me.

The Pali Tipitaka in Roman Character Volume 16 page 253-256. https://84000.org/tipitaka/read/roman_read.php?B=16&A=5120&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=5120&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=512&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=148 Study Atthakatha :- https://84000.org/tipitaka/attha/attha.php?b=16&i=512 The Pali Atthakatha in Thai :- https://84000.org/tipitaka/atthapali/read_th.php?B=12&A=4380 The Pali Atthakatha in Roman :- https://84000.org/tipitaka/atthapali/read_rm.php?B=12&A=4380 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16