|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 16 : PALI ROMAN Sutta Pitaka Vol 8 : Sutta. Saṃ. Ni.
[47] Evamme sutam ekam samayam bhagava rajagahe viharati veluvane kalandakanivape . atha kho bhagava pubbanhasamayam nivasetva pattacivaramadaya rajagahe 1- pindaya pavisi . addasa kho acelo @Footnote: 1 Ma. Yu. rajagaham.--------------------------------------------------------------------------------------------- page23.
Kassapo bhagavantam duratova agacchantam disvana yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam atthasi. [48] Ekamantam thito kho acelo kassapo bhagavantam etadavoca puccheyyama mayam bhavantam gotamam kancideva 1- desam sace no bhavam gotamo okasam karoti panhassa veyyakaranayati . akalo kho tava kassapa panhassa antaragharam pavitthamhati . dutiyampi kho acelo kassapo bhagavantam etadavoca puccheyyama mayam bhavantam gotamam kancideva desam sace no bhavam gotamo okasam karoti panhassa veyyakaranayati . akalo kho tava kassapa panhassa antaragharam pavitthamhati . tatiyampi kho .pe. Pavitthamhati. [49] Evam vutte acelo kassapo bhagavantam etadavoca na kho pana mayam bhavantam gotamam bahudeva pucchitukamati . puccha kassapa yadakankhasiti . kim nu kho bho gotama sayamkatam dukkhanti . Ma hevam kassapati bhagava avoca . kim pana bho gotama parakatam dukkhanti . ma hevam kassapati bhagava avoca . kim nu kho bho gotama sayamkatanca parakatanca dukkhanti . ma hevam kassapati bhagava avoca . kim pana bho gotama asayamkaram aparakaram adhicca samuppannam dukkhanti . ma hevam kassapati bhagava avoca . kim @Footnote: 1 Yu. kincideva. evamuparipi.--------------------------------------------------------------------------------------------- page24.
Nu kho bho gotama natthi dukkhanti . na kho kassapa natthi dukkham atthi kho kassapa dukkhanti . tenahi bhavam gotamo dukkham na janati na passatiti . na khvaham kassapa dukkham na janami na passami janami khvaham kassapa dukkham passami khvaham kassapa dukkhanti. {49.1} Kim nu kho bho gotama sayamkatam dukkhanti iti puttho samano ma hevam kassapati vadesi kim pana bho gotama parakatam dukkhanti iti puttho samano ma hevam kassapati vadesi kim nu kho bho gotama sayamkatanca parakatanca dukkhanti iti puttho samano ma hevam kassapati vadesi kim pana bho gotama asayamkaram aparakaram adhicca samuppannam dukkhanti iti puttho samano ma hevam kassapati vadesi kim nu kho bho gotama natthi dukkhanti iti puttho samano na kho kassapa natthi dukkham atthi kho kassapa dukkhanti vadesi tenahi bhavam gotamo dukkham na janati na passatiti iti puttho samano na khvaham kassapa dukkham na janami na passami janami khvaham kassapa dukkham passami khvaham kassapa dukkhanti vadesi acikkhatu ca me bhante bhagava dukkham desetu ca me bhante bhagava dukkhanti. [50] So karoti so patisamvedayatiti kho kassapa adito sato sayamkatam dukkhanti iti vadam sassatam etam pareti . anno karoti anno patisamvedayatiti kho kassapa vedanabhitunnassa sato parakatam--------------------------------------------------------------------------------------------- page25.
Dukkhanti iti vadam ucchedam etam pareti . ete te kassapa ubho ante anupagamma majjhena tathagato dhammam deseti avijjapaccaya sankhara sankharapaccaya vinnanam .pe. evametassa kevalassa dukkhakkhandhassa samudayo hoti . avijjaya tveva asesaviraganirodha sankharanirodho sankharanirodha vinnananirodho .pe. evametassa kevalassa dukkhakkhandhassa nirodho hotiti. [51] Evam vutte acelo kassapo bhagavantam etadavoca abhikkantam bhante abhikkantam bhante seyyathapi bhante nikkujjitam va ukkujjeyya .pe. cakkhumanto rupani dakkhantiti 1- evameva bhagavata anekapariyayena dhammo pakasito esaham bhante bhagavantam saranam gacchami dhammanca bhikkhusanghanca labheyyaham bhante bhagavato santike pabbajjam labheyyam upasampadanti . {51.1} Yo kho kassapa annatitthiyapubbo imasmim dhammavinaye akankhati pabbajjam akankhati upasampadam so cattaro mase parivasati catunnam masanam accayena parivutthaparivasam 2- araddhacitta bhikkhu akankhamana 3- pabbajenti upasampadenti bhikkhubhavaya apica maya puggalavemattata vinitati 4-. {51.2} Sace bhante annatitthiyapubba imasmim dhammavinaye akankhanta pabbajjam akankhanta upasampadam cattaro mase parivasanti catunnam masanam accayena parivutthaparivase araddhacitta bhikkhu akankhamana pabbajenti upasampadenti bhikkhubhavaya aham cattari vassani @Footnote: 1 Yu. dakkhintiti. evamuparipi . 2-3 Ma. idam pathadvayam natthi. evamuparipi. @4 Ma. Yu. viditati.--------------------------------------------------------------------------------------------- page26.
Parivasissami catunnam vassanam accayena parivutthaparivasam araddhacitta bhikkhu pabbajentu upasampadentu bhikkhubhavayati. [52] Alattha kho acelo kassapo bhagavato santike pabbajjam alattha upasampadam . acirupasampanno ca panayasma kassapo eko vupakattho appamatto atapi pahitatto viharanto nacirasseva yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam dittheva dhamme sayam abhinna sacchikatva upasampajja vihasi khina jati vusitam brahmacariyam katam karaniyam naparam itthattayati abbhannasi . annataro ca panayasma kassapo araham ahositi. Sattamam.The Pali Tipitaka in Roman Character Volume 16 page 22-26. https://84000.org/tipitaka/read/roman_read.php?B=16&A=452&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=452&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=47&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=13 Study Atthakatha :- https://84000.org/tipitaka/attha/attha.php?b=16&i=47 The Pali Atthakatha in Thai :- https://84000.org/tipitaka/atthapali/read_th.php?B=12&A=881 The Pali Atthakatha in Roman :- https://84000.org/tipitaka/atthapali/read_rm.php?B=12&A=881 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]