PaliRoman Vol.16

[279] Evamme sutam ekam samayam bhagava rajagahe viharati Veluvane kalandakanivape . tena kho pana samayena bhagava sakkato hoti garukato manito pujito apacito labhi civarapindapata- senasanagilanapaccayabhesajjaparikkharanam bhikkhusanghopi sakkato hoti garukato manito pujito apacito labhi civarapindapatasenasana- gilanapaccayabhesajjaparikkharanam . annatitthiya pana paribbajaka asakkata honti agarukata amanita apujita anapacita alabhino civarapindapatasenasanagilanapaccayabhesajjaparikkharanam. [280] Tena kho pana samayena susimo paribbajako rajagahe pativasati mahatiya paribbajakaparisaya saddhim . atha kho susimassa paribbajakassa parisa susimam paribbajakam etadavocum ehi tvam avuso susima samane gotame brahmacariyam cara tvam dhammam pariyapunitva amhe vaceyyasi ^1- tam mayam dhammam pariyapunitva gihinam bhasissama evam mayampi sakkata bhavissama garukata manita pujita apacita labhino civarapindapatasenasanagilanapaccayabhesajjaparikkharananti . Evamavusoti kho susimo paribbajako sakaya parisaya patissutva yenayasma anando tenupasankami upasankamitva ayasmata anandena saddhim sammodi sammodaniyam katham saraniyam vitisaretva ekamantam nisidi . ekamantam nisinno kho susimo paribbajako ayasmantam anandam etadavoca icchamaham avuso ananda imasmim dhammavinaye brahmacariyam caritunti. @Footnote: ¹ Yu. vacessasi. [281] Atha kho ayasma anando susimam paribbajakam adaya yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma anando bhagavantam etadavoca ayam bhante susimo paribbajako evamaha icchamaham avuso ananda imasmim dhammavinaye brahmacariyam caritunti . tenahananda susimam pabbajethati . alattha kho susimo paribbajako bhagavato santike pabbajjam alatthupasampadam. [282] Tena kho pana samayena sambahulehi kira ^1- bhikkhuhi bhagavato santike anna byakata hoti khina jati vusitam brahmacariyam katam karaniyam naparam itthattayati pajanamati . assosi kho ayasma susimo sambahulehi kira bhikkhuhi bhagavato santike anna byakata khina jati vusitam brahmacariyam katam karaniyam naparam itthattayati pajanamati . atha kho ayasma susimo yena te bhikkhu tenupasankami upasankamitva tehi bhikkhuhi saddhim sammodi sammodaniyam katham saraniyam vitisaretva ekamantam nisidi . ekamantam nisinno kho ayasma susimo te bhikkhu etadavoca saccam kira ayasmantehi bhagavato santike anna byakata khina jati vusitam brahmacariyam katam karaniyam naparam itthattayati pajanamati . Evamavusoti. [283] Api nu ^2- tumhe ayasmanto evam jananta evam @Footnote: ¹ Ma. Yu. kirasaddo natthi . ² Ma. Yu. pana. evamuparipi. Passanta anekavihitam iddhividham paccanubhotha ekopi hutva bahudha hotha bahudhapi hutva eko hotha avibhavam tirobhavam tirokuddam tiropakaram tiropabbatam asajjamana gacchatha seyyathapi akase pathaviyapi ummujjanimmujjam karotha seyyathapi udake udakepi abhijjamane gacchatha seyyathapi pathaviyam akasepi pallankena kamatha seyyathapi pakkhi sakuno imepi candimasuriye evammahiddhike evammahanubhave panina parimasatha parimajjatha yava brahmalokapi kayena vasam vattethati. No hetam avuso. [284] Api nu tumhe ayasmanto evam jananta evam passanta dibbaya sotadhatuya visuddhaya atikkantamanusikaya ubho sadde sunatha dibbe ca manuse ca ye dure santike cati. No hetam avuso. [285] Api nu tumhe ayasmanto evam jananta evam passanta parasattanam parapuggalanam cetasa ceto paricca janatha saragam va cittam saragam cittanti pajanatha vitaragam va cittam vitaragam cittanti pajanatha sadosam va cittam sadosam cittanti pajanatha vitadosam va cittam vitadosam cittanti pajanatha samoham va cittam samoham cittanti pajanatha vitamoham va cittam vitamoham cittanti pajanatha sankhittam va cittam sankhittam cittanti pajanatha vikkhittam va cittam vikkhittam cittanti pajanatha mahaggatam va cittam mahaggatam cittanti pajanatha amahaggatam va cittam amahaggatam cittanti Pajanatha sauttaram va cittam sauttaram cittanti pajanatha anuttaram va cittam anuttaram cittanti pajanatha samahitam va cittam samahitam cittanti pajanatha asamahitam va cittam asamahitam cittanti pajanatha vimuttam va cittam vimuttam cittanti pajanatha avimuttam va cittam avimuttam cittanti pajanathati . no hetam avuso. [286] Api nu tumhe ayasmanto evam jananta evam passanta anekavihitam pubbenivasam anussaratha seyyathidam ekampi jatim dvepi jatiyo tissopi jatiyo catassopi jatiyo pancapi jatiyo dasapi jatiyo visampi jatiyo timsampi jatiyo cattalisampi jatiyo pannasampi jatiyo jatisatampi jatisahassampi jatisatasahassampi anekepi samvattakappe anekepi vivattakappe anekepi samvattavivattakappe amutrasim evamnamo evamgotto evamvanno evamaharo evamsukhadukkhapatisamvedi evamayupariyanto so tato cuto amutra udapadim tatrapasim evamnamo evamgotto evamvanno evamaharo evamsukhadukkhapatisamvedi evamayupariyanto so tato cuto idhupapannoti iti sakaram sauddesam anekavihitam pubbenivasam anussarathati . no hetam avuso. [287] Api nu tumhe ayasmanto evam jananta evam passanta dibbena cakkhuna visuddhena atikkantamanusakena satte passatha cavamane Upapajjamane hine panite suvanne dubbanne sugate duggate yathakammupage satte pajanatha ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana te kayassa bheda param marana apayam duggatim vinipatam nirayam upapanna ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana te kayassa bheda param marana sugatim saggam lokam upapannati iti dibbena cakkhuna visuddhena atikkantamanusakena satte passatha cavamane upapajjamane hine panite suvanne dubbanne sugate duggate yathakammupage satte pajanathati. No hetam avuso. [288] Api nu tumhe ayasmanto evam jananta evam passanta ye te santa vimokkha atikkamma rupe aruppa te kayena phusitva viharathati. No hetam avuso. [289] Etthadani ayasmanto idanca veyyakaranam imesanca dhammanam asamapatti ^[1]- idam no avuso kathanti . pannavimutta kho mayam avuso susimati . na khvaham imassa ayasmantanam sankhittena bhasitassa vittharena attham ajanami sadhu me ayasmanto tatha bhasantu yatha ^2- imassa ayasmantanam sankhittena @Footnote: ¹ Yu. idante avuso api pana tumhe ayasmanto evam jananta evam passanta ye @te santa vimokkha atikkamma rupe aruppa te kayena passitva viharathati. @no hetam avuso. etthadani ayasmanto idanca veyyakaranam imesanca dhammanam @asamapatti . ² Ma. Yu. yathaham. Bhasitassa vittharena attham ajaneyyanti . ajaneyyasi va tvam avuso susima na va tvam ajaneyyasi atha kho pannavimutta mayanti. [290] Atha kho ayasma susimo utthayasana yena bhagava tenupasankami upasankamitva bhagavantam abhivadetva ekamantam nisidi . Ekamantam nisinno kho ayasma susimo yavatako tehi bhikkhuhi saddhim ahosi kathasallapo tam sabbam bhagavato arocesi . pubbe kho susima dhammatthitinanam paccha nibbane nananti . na khvaham bhante imassa bhagavata ^1- sankhittena bhasitassa vittharena attham ajanami sadhu me bhante bhagava tatha bhasatu yathaham imassa bhagavata ^1- sankhittena bhasitassa vittharena attham ajaneyyanti. [291] Ajaneyyasi va susima na va tvam ajaneyyasi atha kho dhammatthitinanam pubbe paccha nibbane nanam . tam kim mannasi susima rupam niccam va aniccam vati . aniccam bhante . Yam pananiccam dukkham va tam sukham vati . dukkham bhante . yam pananiccam dukkham viparinamadhammam kallam nu tam samanupassitum etam mama esohamasmi eso me attati . no hetam bhante. Vedana nicca va anicca vati . anicca bhante . yam pananiccam dukkham va tam sukham vati . dukkham bhante . yam pananiccam dukkham viparinamadhammam kallam nu tam samanupassitum etam mama esohamasmi @Footnote: ¹ Yu. bhagavato. Eso me attati . no hetam bhante . sanna nicca va anicca vati . anicca bhante .pe. sankhara nicca va anicca vati . anicca bhante . yam pananiccam dukkham va tam sukham vati . dukkham bhante . yam pananiccam dukkham viparinamadhammam kallam nu tam samanupassitum etam mama esohamasmi eso me attati. No hetam bhante . vinnanam niccam va aniccam vati . aniccam bhante . yam pananiccam dukkham va tam sukham vati . dukkham bhante. Yam pananiccam dukkham viparinamadhammam kallam nu tam samanupassitum etam mama esohamasmi eso me attati. No hetam bhante. [292] Tasmatiha susima yankinci rupam atitanagatapaccuppannam ajjhattam va bahiddha va olarikam va sukhumam va hinam va panitam va yam dure santike va sabbam rupam netam mama nesohamasmi na meso attati evametam yathabhutam sammappannaya datthabbam . Yakaci vedana atitanagatapaccuppanna ajjhatta va bahiddha va olarika va sukhuma va hina va panita va ya dure santike va sabba vedana netam mama nesohamasmi na meso attati evametam yathabhutam sammappannaya datthabbam . yakaci sanna .pe. yekeci sankhara atitanagatapaccuppanna ajjhatta va bahiddha va olarika va sukhuma va hina va panita va ye dure santike va sabbe sankhara netam mama nesohamasmi Na meso attati evametam yathabhutam sammappannaya datthabbam . Yankinci vinnanam atitanagatapaccuppannam ajjhattam va bahiddha va olarikam va sukhumam va hinam va panitam va yam dure santike va sabbam vinnanam netam mama nesohamasmi na meso attati evametam yathabhutam sammappannaya datthabbam. [293] Evam passam susima sutava ariyasavako rupasmimpi nibbindati vedanayapi nibbindati sannayapi nibbindati sankharesupi nibbindati vinnanasmimpi nibbindati nibbindam virajjati viraga vimuccati . Vimuttasmim vimuttamiti ^1- nanam hoti . khina jati vusitam brahmacariyam katam karaniyam naparam itthattayati pajanati. [294] Jatipaccaya jaramarananti susima passasiti. Evam bhante. Bhavapaccaya jatiti susima passasiti . evam bhante . upadanapaccaya bhavoti susima passasiti . evam bhante . tanhapaccaya upadananti susima passasiti . evam bhante . vedanapaccaya tanhati ... phassapaccaya vedanati ... salayatanapaccaya phassoti ... namarupapaccaya salayatananti ... vinnanapaccaya namarupanti ... sankharapaccaya vinnananti ... avijjapaccaya sankharati susima passasiti. Evam bhante. [295] Jatinirodha jaramarananirodhoti susima passasiti . evam @Footnote: ¹ vimuttamhiti va patho. Bhante . bhavanirodha jatinirodhoti susima passasiti . evam bhante. Upadananirodha bhavanirodhoti ... tanhanirodha upadananirodhoti ... Vedananirodha tanhanirodhoti ... phassanirodha vedananirodhoti ... Salayatananirodha phassanirodhoti ... Namarupanirodha salayatananirodhoti ... Vinnananirodha namarupanirodhoti ... Sankharanirodha vinnananirodhoti ... Avijjanirodha sankharanirodhoti susima passasiti. Evam bhante. [296] Api nu kho tvam susima evam jananto evam passanto anekavihitam iddhividham paccanubhosi ekopi hutva bahudha hosi bahudhapi hutva eko hosi avibhavam tirobhavam tirokuddam tiropakaram tiropabbatam asajjamano gacchasi seyyathapi akase pathaviyapi ummujjanimmujjam karosi seyyathapi udake udakepi abhijjamane gacchasi seyyathapi pathaviyam akasepi pallankena kamasi seyyathapi pakkhi sakuno imepi candimasuriye evammahiddhike evammahanubhave panina parimasasi parimajjasi yava brahmalokapi kayena vasam vattesiti. No hetam bhante. [297] Api nu tvam susima evam jananto evam passanto dibbaya sotadhatuya visuddhaya atikkantamanusikaya ubho sadde sunasi dibbe ca manuse ca ye dure santike cati . No hetam bhante. [298] Api nu tvam susima evam jananto evam passanto parasattanam parapuggalanam cetasa ceto paricca janasi saragam va cittam saragam cittanti pajanasi .pe. avimuttam va cittam avimuttam cittanti pajanasiti. No hetam bhante. [299] Api nu tvam susima evam jananto evam passanto anekavihitam pubbenivasam anussarasi seyyathidam ekampi jatim .pe. Iti sakaram sauddesam anekavihitam pubbenivasam anussarasiti . No hetam bhante. [300] Api nu tvam susima evam jananto evam passanto dibbena cakkhuna visuddhena atikkantamanusakena satte passasi cavamane .pe. Yathakammupage satte pajanasiti. No hetam bhante. [301] Api nu tvam susima evam jananto evam passanto ye te santa vimokkha atikkamma rupe aruppa te kayena phusitva viharasiti. No hetam bhante. [302] Etthadani susima idanca veyyakaranam imesanca dhammanam asamapatti idam no susima kathanti . atha kho ayasma susimo bhagavato padesu sirasa nipatitva bhagavantam etadavoca accayo mam bhante accagama yathabalam yathamulham yathaakusalam yvaham evam svakkhate dhammavinaye dhammatthenako pabbajito tassa me bhante bhagava accayam accayato patigganhatu ayatim samvarayati. [303] Taggha tam susima accayo accagama yathabalam yathamulham yathaakusalam yo tvam evam svakkhate dhammavinaye dhammatthenako pabbajito seyyathapi susima coram agucarim gahetva ranno dasseyyum ayam te deva coro agucari imassa yam icchasi tam dandam panehiti tamenam raja evam vadeyya gacchatha bho imam purisam dalhaya rajjuya pacchabaham galhabandhanam bandhitva khuramundam karitva kharassarena panavena rathiya rathiyam singhatakena singhatakam parinetva dakkhinena dvarena nikkhametva dakkhinato nagarassa sisam chindathati tamenam ranno purisa dalhaya rajjuya pacchabaham rathiya rathiyam singhatakena singhatakam parinetva dakkhinena dvarena nikkhametva dakkhinato nagarassa sisam chindeyyum tam kim mannasi susima api nu so puriso tatonidanam dukkhadomanassam patisamvedayethati ^1-. Evam bhante. [304] Yam kho so susima puriso tatonidanam dukkhadomanassam patisamvedayetha ^1- yava evam svakkhate dhammavinaye dhammatthenakassa pabbajja ayam tato dukkhavipakatara ca katukavipakatara ca apica vinipataya samvattati yato ca kho tvam susima accayam accayato disva yathadhammam patikarosi tante mayam patigganhama vuddhi hesa susima ariyassa vinaye yo accayam accayato disva @Footnote: ¹ Ma. Yu. patisamvediyethati. Yathadhammam patikaroti ayatim ^[1]- samvaram apajjatiti. Dasamam. Mahavaggo sattamo. Tassa uddanam dve assutavata vutta puttamamsena caparam atthirago ca nagaram sammasam nalakalapiyam kosambi upayanti ca dasamo vutto susimenati ^2-. ---------- @Footnote: ¹ Ma. Yu. ca . ² Ma. Yu. dasamo susimena cati.

The Pali Tipitaka in Roman Character Volume 16 page 145-157. https://84000.org/tipitaka/read/roman_read.php?B=16&A=2963&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=2963&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=279&items=26 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=66 Study Atthakatha :- https://84000.org/tipitaka/attha/attha.php?b=16&i=279 The Pali Atthakatha in Thai :- https://84000.org/tipitaka/atthapali/read_th.php?B=12&A=3148 The Pali Atthakatha in Roman :- https://84000.org/tipitaka/atthapali/read_rm.php?B=12&A=3148 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16