PaliRoman Vol.16

[118] Savatthiyam viharati ... Catucattalisam vo bhikkhave nanavatthuni desessami tam sunatha sadhukam manasikarotha bhasissamiti . Evam bhanteti kho te bhikkhu bhagavato paccassosum. [119] Bhagava etadavoca katamani ca ^1- bhikkhave catucattalisam nanavatthuni jaramarane nanam jaramaranasamudaye nanam jaramarananirodhe nanam jaramarananirodhagaminiya patipadaya nanam jatiya nanam jatisamudaye nanam jatinirodhe nanam jatinirodhagaminiya patipadaya nanam bhave nanam bhavasamudaye nanam bhavanirodhe nanam bhavanirodhagaminiya patipadaya nanam upadane nanam upadanasamudaye nanam upadananirodhe nanam upadananirodhagaminiya @Footnote: ¹ Ma. casaddo natthi. Patipadaya nanam tanhaya nanam tanhasamudaye nanam tanhanirodhe nanam tanhanirodhagaminiya patipadaya nanam vedanaya nanam vedanasamudaye nanam vedananirodhe nanam vedananirodhagaminiya patipadaya nanam phasse nanam ... salayatane nanam ... namarupe nanam ... vinnane nanam ... sankharesu nanam sankharasamudaye nanam sankharanirodhe nanam sankharanirodhagaminiya patipadaya nanam imani vuccanti bhikkhave catucattalisam nanavatthuni. [120] Katamanca bhikkhave jaramaranam . ya tesam tesam sattanam tamhi tamhi sattanikaye jara jiranata khandiccam paliccam valittacata ayuno samhani indriyanam paripako ayam vuccati jara . ya tesam tesam sattanam tamha tamha sattanikaya cuti cavanata bhedo antaradhanam maccu maranam kalakiriya khandhanam bhedo kalevarassa nikkhepo jivitindriyassa upacchedo idam vuccati maranam . iti ayanca jara idanca maranam idam vuccati bhikkhave jaramaranam . Jatisamudaya jaramaranasamudayo jatinirodha jaramarananirodho ayameva ariyo atthangiko maggo jaramarananirodhagamini patipada seyyathidam sammaditthi .pe. Sammasamadhi. [121] Yato kho bhikkhave ariyasavako evam jaramaranam pajanati evam jaramaranasamudayam pajanati evam jaramarananirodham pajanati evam jaramarananirodhagaminim patipadam pajanati idamassa dhamme Nanam . so imina dhammena ditthena viditena akalikena pattena pariyogalhena atitanagate nayam neti. {121.1} Ye kho keci atitamaddhanam samana va brahmana va jaramaranam abbhannamsu jaramaranasamudayam abbhannamsu jaramarananirodham abbhannamsu jaramarananirodhagaminim patipadam abbhannamsu sabbe te evameva abbhannamsu seyyathapiham etarahi. {121.2} Yepi hi keci anagatamaddhanam samana va brahmana va jaramaranam abhijanissanti jaramaranasamudayam abhijanissanti jaramarananirodham abhijanissanti jaramarananirodhagaminim patipadam abhijanissanti sabbe te evameva abhijanissanti seyyathapiham etarahiti. Idamassa anvaye nanam. [122] Yato kho bhikkhave ariyasavakassa imani dve nanani parisuddhani honti pariyodatani dhamme nananca anvaye nananca . Ayam vuccati bhikkhave ariyasavako ditthisampanno itipi dassanasampanno itipi agato imam saddhammam itipi passati imam saddhammam itipi sekkhena nanena samannagato itipi sekkhaya vijjaya samannagato itipi dhammasotam samapanno itipi ariyo nibbedhikapanno itipi amatadvaram ahacca titthati itipiti. [123] Katama ca bhikkhave jati .pe. katamo ca bhikkhave bhavo ... katamanca bhikkhave upadanam ... Katama ca bhikkhave tanha ... Katama ca bhikkhave vedana ... katamo ca bhikkhave phasso ... Katamanca Bhikkhave salayatanam ... katamanca bhikkhave namarupam ... Katamanca bhikkhave vinnanam ... katame ca bhikkhave sankhara tayome bhikkhave sankhara kayasankharo vacisankharo cittasankharo ime vuccanti bhikkhave sankhara . avijjasamudaya sankharasamudayo avijjanirodha sankharanirodho ayameva ariyo atthangiko maggo sankharanirodhagamini patipada seyyathidam sammaditthi .pe. Sammasamadhi. [124] Yato kho bhikkhave ariyasavako evam sankhare pajanati evam sankharasamudayam pajanati evam sankharanirodham pajanati evam sankharanirodhagaminim patipadam pajanati idamassa dhamme nanam . So imina dhammena ditthena viditena akalikena pattena pariyogalhena atitanagate nayam neti. {124.1} Ye kho keci atitamaddhanam samana va brahmana va sankhare abbhannamsu sankharasamudayam abbhannamsu sankharanirodham abbhannamsu sankharanirodhagaminim patipadam abbhannamsu sabbe te evameva abbhannamsu seyyathapiham etarahi. {124.2} Yepi hi keci anagatamaddhanam samana va brahmana va sankhare abhijanissanti sankharasamudayam abhijanissanti sankharanirodham abhijanissanti sankharanirodhagaminim patipadam abhijanissanti sabbe te evameva abhijanissanti seyyathapiham etarahiti . idamassa anvaye nanam. [125] Yato kho bhikkhave ariyasavakassa imani dve nanani Parisuddhani honti pariyodatani dhamme nananca anvaye nananca . ayam vuccati bhikkhave ariyasavako ditthisampanno itipi dassanasampanno itipi agato imam saddhammam itipi passati imam saddhammam itipi sekkhena nanena samannagato itipi sekkhaya vijjaya samannagato itipi dhammasotam samapanno itipi ariyo nibbedhikapanno itipi amatadvaram ahacca titthati itipiti. Tatiyam.

The Pali Tipitaka in Roman Character Volume 16 page 67-71. https://84000.org/tipitaka/read/roman_read.php?B=16&A=1378&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=1378&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=118&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=29 Study Atthakatha :- https://84000.org/tipitaka/attha/attha.php?b=16&i=118 The Pali Atthakatha in Thai :- https://84000.org/tipitaka/atthapali/read_th.php?B=12&A=1699 The Pali Atthakatha in Roman :- https://84000.org/tipitaka/atthapali/read_rm.php?B=12&A=1699 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16