PaliRoman Vol.15

Atthamam sudattasuttam [826] Ekam samayam bhagava rajagahe viharati sitavane . tena kho pana samayena anathapindiko gahapati rajagaham anuppatto hoti kenacideva karaniyena . assosi kho anathapindiko gahapati buddho kira loke uppannoti tavadeva ca pana bhagavantam dassanaya upasankamitukamo hoti ^1- . atha ^2- kho anathapindikassa gahapatissa etadahosi akalo kho ajja bhagavantam dassanaya upasankamitum svedanaham kalena bhagavantam dassanaya upasankamissamiti . buddhagataya satiya nipajji rattiya sudam tikkhattum vutthasi pabhatanti mannamano . atha kho anathapindiko gahapati yena sivathikadvaram tenupasankami . Amanussa dvaram vivarimsu. [827] Atha kho anathapindikassa gahapatissa nagaramha nikkhamantassa aloko antaradhayi andhakaro paturahosi bhayam chambhitattam lomahamso udapadi . tato ca puna nivattitukamo ahosi. Atha kho sivako yakkho antarahito saddam anussavesi satam hatthi satam assa satam assatari ratha satam kannasahassani amuttamanikundala ekassa padavitiharassa kalam nagghanti solasim @Footnote: ¹ Yu. ahosi. ² Ma. Yu. athassa. Abhikkama gahapati abhikkama gahapati abhikkamanante seyyo no patikkamananti. Atha kho anathapindikassa gahapatissa andhakaro antaradhayi aloko paturahosi yam ahosi bhayam chambhitattam lomahamso so patippassambhi. [828] Dutiyampi kho anathapindikassa gahapatissa aloko antaradhayi andhakaro paturahosi bhayam chambhitattam lomahamso udapadi . tato ca puna nivattitukamo ahosi . dutiyampi kho sivako yakkho antarahito saddamanussavesi satam hatthi satam assa .pe. kalam nagghanti solasim abhikkama gahapati abhikkama gahapati abhikkamanante seyyo no patikkamananti. Atha kho anathapindikassa gahapatissa andhakaro antaradhayi aloko paturahosi yam ahosi bhayam chambhitattam lomahamso so patippassambhi. [829] Tatiyampi kho anathapindikassa gahapatissa aloko antaradhayi andhakaro paturahosi bhayam chambhitattam lomahamso udapadi . tato ca puna nivattitukamo ahosi . tatiyampi kho sivako yakkho antarahito saddamanussavesi satam hatthi satam assa .pe. kalam nagghanti solasim abhikkama gahapati abhikkama gahapati abhikkamanante seyyo no patikkamananti. Atha kho anathapindikassa gahapatissa andhakaro antaradhayi aloko paturahosi yam ahosi bhayam chambhitattam lomahamso so patippassambhi. [830] Atha kho anathapindiko gahapati yena sitavanam tenupasankami . tena kho pana samayena bhagava rattiya paccusasamayam paccutthaya ajjhokase cankamati . addasa kho bhagava anathapindikam gahapatim duratova agacchantam disvana cankama orohitva pannatte asane nisidi . nisajja kho bhagava anathapindikam gahapatim etadavoca ehi sudattati . atha kho anathapindiko gahapati namena mam bhagava alapatiti tattheva bhagavato padesu sirasa nipatitva bhagavantam etadavoca kacci bhante bhagava sukham vasitthati ^1-. [831] Sabbada ve sukham seti brahmano parinibbuto yo na limpati kamesu sitibhuto nirupadhi sabba asattiyo chetva vineyya hadaye daram upasanto sukham seti santim pappuyya cetasati.

The Pali Tipitaka in Roman Character Volume 15 page 310-312. https://84000.org/tipitaka/read/roman_read.php?B=15&A=6062&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=6062&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=826&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=242 Study Atthakatha :- https://84000.org/tipitaka/attha/attha.php?b=15&i=826 The Pali Atthakatha in Thai :- https://84000.org/tipitaka/atthapali/read_th.php?B=11&A=7626 The Pali Atthakatha in Roman :- https://84000.org/tipitaka/atthapali/read_rm.php?B=11&A=7626 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15