ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 15 : PALI ROMAN Sutta Pitaka Vol 7 : Sutta. Saṃ. Sa.

                             Navamam sundarikasuttam
     [658]  Ekam  samayam  bhagava  kosalesu  viharati  sundarikaya  nadiya
tire   .   tena   kho   pana   samayena  sundarikabharadvajo  brahmano
sundarikaya   nadiya   tire   aggim   juhati   aggihuttam  paricarati  .  atha
kho    sundarikabharadvajo    brahmano    aggim    juhitva   aggihuttam
paricaritva    utthayasana    samanta    catuddisa   anuvilokesi   ko
nu kho imam habyasesam bhunjeyyati.
     [659]   Addasa   kho   sundarikabharadvajo  brahmano  bhagavantam
annatarasmim    rukkhamule    sasisam    parutam   nisinnam   disvana   vamena
Hatthena   habyasesam   gahetva   dakkhinena   hatthena  kamandalum  gahetva
yena   bhagava   tenupasankami   .  atha  kho  bhagava  sundarikabharadvajassa
brahmanassa   padasaddena   sisam   vivari  .  atha  kho  sundarikabharadvajo
brahmano   mundo   ayam   bhavam   mundako   ayam   bhavanti   tatova  puna
nivattitukamo   ahosi   .   atha  kho  sundarikabharadvajassa  brahmanassa
etadahosi   mundapi   hi   idhekacce   brahmana   bhavanti   yannunaham
tam   upasankamitva   jatim  puccheyyanti  .  atha  kho  sundarikabharadvajo
brahmano    yena    bhagava    tenupasankami    upasankamitva   bhagavantam
etadavoca kimjacco bhavanti.
     [660] Ma jatim puccha carananca puccha
                kattha have jayati jatavedo
                nicakulinopi muni dhitima
                ajaniyo hoti hirinisedho
                saccena danto damasa upeto
                vedantagu vusitabrahmacariyo
                yannupanito tamupavhayetha
                kalena so juhati dakkhineyyeti.
     [661] Addha suyittham suhutam mamayidam
                yam tadisam vedagumaddasami
                Tumhadisanam hi adassanena
                anno jano bhunjati habyasesanti.
Bhunjatu bhavam gotamo brahmano bhavanti.
     [662] Gathabhigitam me abhojaneyyam
                sampassatam brahmana nesa dhammo
                gathabhigitam panudanti buddha
                dhamme sati brahmana vutti resa
                annena ca kevalinam mahesim
                khinasavam kukkuccavupasantam
                annena panena upatthahassu
                khettanhi tam punnapekkhassa hotiti.
     [663]  Atha  kassa  caham  bho  gotama  imam  habyasesam  dammiti .
Na  khvahantam  brahmana  passami  sadevake  loke  samarake  sabrahmake
sassamanabrahmaniya    pajaya    sadevamanussaya    yasseso   habyaseso
bhutto     sammaparinamam     gaccheyya    annatra    tathagatassa    va
tathagatasavakassa   va   tenahi   tvam  brahmana  tam  habyasesam  apaharite
va chaddehi appanake va udake opilapehiti.
     [664]   Atha   kho  sundarikabharadvajo  brahmano  tam  habyasesam
appanake  udake  opilapesi . Atha kho so habyaseso udake pakkhitto
vicitayati   viticitayati   1-   sandhupayati   sampadhupayati   .  seyyathapi
@Footnote: 1 Ma. Yu. ciccatayati citticittayati.
Nama   phalo   divasasantatto   udake   pakkhitto  vicitayati  viticitayati
sandhupayati   sampadhupayati   evameva   so  habyaseso  udake  pakkhitto
vicitayati    viticitayati    sandhupayati    sampadhupayati    .   atha   kho
sundarikabharadvajo     brahmano    samviggo    lomahatthajato    yena
bhagava tenupasankami upasankamitva ekamantam atthasi.
     [665]   Ekamantam  thitam  kho  sundarikabharadvajam  brahmanam  bhagava
gathahi ajjhabhasi
                ma brahmana darusamadahano
                suddhim amanni bahiddha hi etam
                na hi tena suddhim kusala vadanti
                yo bahirena parisuddhimicche
                hitva aham brahmana darudaham
                ajjhattameva 1- jalayami jotim
                niccaggini niccasamahitatto
                araham aham brahmacariyam carami
                mano hi te brahmana kharibharo
                kodho dhumo bhasmanimmosavajjam
                jivha suja hadayam jotithanam
                atta sudanto purisassa joti
@Footnote: 1 Ma. ajjhattamevujjalayami.
                Dhammo rahado brahmana silatittho
                anavilo sabbhi satam pasattho
                yattha have vedaguno sinata
                anallagattava 1- taranti param
                saccam dhammo samyamo brahmacariyam
                majjhesita brahmana brahmapatti
                satujjubhutesu namo karohi
                tamaham naram dhammasariti brumiti.
     [666]   Evam   vutte   sundarikabharadvajo  brahmano  bhagavantam
etadavoca   abhikkantam   bho   gotama   .pe.  annataro  ca  panayasma
bharadvajo arahatam ahositi.



             The Pali Tipitaka in Roman Character Volume 15 page 245-249. https://84000.org/tipitaka/read/roman_read.php?B=15&A=4788&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=4788&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=15&item=658&items=9              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=195              Study Atthakatha :- https://84000.org/tipitaka/attha/attha.php?b=15&i=658              The Pali Atthakatha in Thai :- https://84000.org/tipitaka/atthapali/read_th.php?B=11&A=5735              The Pali Atthakatha in Roman :- https://84000.org/tipitaka/atthapali/read_rm.php?B=11&A=5735              Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]